ભારતના વડાપ્રધાન નરેન્દ્ર મોદી વિરુદ્ધ અત્યંત વાંધાજનક નિવેદન આપ્યું હતું. ભારતના વિદેશ પ્રધાન એસ. જયશંકરની ટિપ્પણીનો જવાબ આપતા ભુટ્ટોએ કહ્યું હતું કે “હું ભારતને કહેવા માંગુ છું કે ઓસામા બિન લાદેન મરી ગયો છે, પરંતુ ગુજરાતનો કસાઈ જીવે છે અને તે ભારતના વડાપ્રધાન છે.”
ભારતે વળતો પ્રહારો કરતાં જણાવ્યું હતું કે “પાકિસ્તાન એક એવો દેશ છે જે ઓસામા બિન લાદેનને શહીદ તરીકે મહિમા આપે છે તથા લખવી, હાફિઝ સઈદ, મસૂદ અઝહર, સાજિદ મીર અને દાઉદ ઈબ્રાહિમ જેવા આતંકવાદીઓને આશ્રય આપે છે. અન્ય કોઈ દેશ 126 UN-નિયુક્ત આતંકવાદીઓ અને 27 UN-નિયુક્ત આતંકવાદીઓ હોવાની ગર્વ કરી શકે નહીં!”
બિલાવલ ભુટ્ટો સંયુક્ત રાષ્ટ્રની બેઠકોમાં ભાગ લેવા માટે ન્યૂયોર્કમાં આવ્યા હતા. બિલાવલે કહ્યું કે વડાપ્રધાન (પીએમ મોદી) બન્યા પહેલા આ દેશમાં પ્રવેશ કરવા પર પ્રતિબંધ લગાવી દીધો હતો. આ આરએસએસના વડાપ્રધાન અને આરએસએસના વિદેશ પ્રધાન છે. આરએસએસ શું છે? આરએસએસ હિટલરના ‘SS’થી પ્રેરણા લે છે.
બુધવારે સંયુક્ત રાષ્ટ્ર સુરક્ષા પરિષદમાં બોલતા ભારતના વિદેશ પ્રધાન એસ જયશંકરે પરિષદમાં કાશ્મીરના મુદ્દાને ઉઠાવવા માટે પાકિસ્તાનની આખરી ટીકા કરી હતી. જયશંકરે કહ્યું હતું કે જે દેશે અલકાયદાના નેતા ઓસામા બિન લાદેનની યજમાની કરી અને પડોશી દેશના સંસદ પર હુમલો કર્યો તેની પાસેથી ઉપદેશ આપવા માટે પ્રતિષ્ઠા નથી. વિદેશ પ્રધાને કહ્યું હતું કે દુનિયા પાકિસ્તાનને આતંકવાદના એપીસેન્ટરના રુપમાં જુએ છે.
