પ્રતિકાત્મક તસવીર (istockphoto.com)

ચીનના વ્હાઇટ હેટ હેકરે માત્ર એક સેકન્ડના રેકોર્ડ સમયમાં આઇફોન-13 પ્રોને દૂરથી જેલબ્રેક કરવાનું અથવા તેની ઓપરેટિંગ સિસ્ટમ પર અંકુશ મેળવવાનું કારનામું કરી દેખાડ્યું હતું.

એપલ ઉચ્ચ સ્તરની ગુપ્તતા અને સિક્યોરિટીના વચન સાથે આઇફોનનું વેચાણ કરે છે. લેટેસ્ટ આઇફોન-13 મોડલ્સમાં લેટેસ્ટ iOS 15 ઓપરેટિંગ સિસ્ટમ છે, જેનાથી તેની સુરક્ષા વધુ દ્રઢ બની હોવાનો દાવો કરવામાં આવે છે. જોકે ચીનના વ્હાઇટ હેટ હેકરે સાબિત કર્યું હતું કે એન્ડ્રોઇન ફોનની જેમ આઇફોન પણ એટેકથી સુરક્ષિત નથી. લેટેસ્ટ આઇફોન-13 સિરિઝ પણ સંપૂર્ણપણે સલામત નથી. આઇફોન-13 પ્રો માત્ર એક સેકન્ડમાં હેક થયો હતો.

ચીનમાં દર વર્ષે યોજાતી “ટીયાનફુ કપ” ઇન્ટરનેશનલ નેટવર્ક સિક્યોરિટી સ્પર્ધામાં પેન્ગુ લેબ્સના વ્હાઇટ હેટ હેકર આશરે એક સેકન્ડમાં આઇફોન-13 પ્રોને રિમોટલી જેલબ્રેક કરવામાં સફળ થયો હતો. ફોનના યુઝરે માત્ર એક લિન્ક પર ક્લિક કર્યું ત્યારે આ હેકરે તેના ફોનનો કંટ્રોલ પોતાના હાથમાં લઇ લીધો હતો. આ હેકર જેલબ્રોકન આઇફોન-13 પ્રોનો રિમોટલી હાઇએસ્ટ લેવલથી એક્સેસ મેળવામાં સફળ થયો હતો. તે તમામ ડેટાને પણ વાઇપ આઉટ કરી શક્યો હતો.

આ આઇફોનને જેલબ્રેક કર્યા બાદ હેકર સરળતાથી યુઝર્સની તમામ ઇન્ફર્મેશન મેળવી શક્યો હતો. વ્હાઇટ હેટ હેકર ફોનના ફોટો આલ્બમ અને એપ્સનો એક્સેસ મેળવવામાં પણ સફળ રહ્યો હતો. દૂરથી ડેટા ડીલિટ કરવાનું પણ શક્ય બન્યું હતું.

આઇફોન્સમાં સફારી બ્રાઉઝર અને iOS kernel જોખમને આમંત્રણ આપે છે તેનાથી આઇઓએસ ડિવાઇસને હેકર સરળતાથી હેક કરી શકે છે. ચિંતાને વાત એ છે કે હેકિંગનો આ પુરો ખેલ બેકગ્રાઉન્ડમાં ચાલે છે અને યુઝરને તેની ખબર પણ પડતી નથી. જોકે હજુ સુધી એ કન્ફર્મ થયું નથી કે હેક કરવામાં આવેલા ફોનમાં iOS-15નું જૂનું વર્ઝન હતું કે અપડેટેડ પેચ વાળું લેટેસ્ટ વર્ઝન હતું.