Heyzman Rajinder Pal charged with murder
પ્રતિકાત્મક તસવીર (istockphoto)

નોર્થ વેસ્ટ લંડનના હેયઝમાં રહેતા 60 વર્ષીય જોન હેલિસીની હત્યાના આરોપ બદલ લેન્સબરી ડ્રાઇવ, હેયઝ ખાતે રહેતા રાજીન્દર પાલ (ઉ.વ. 44) પર બુધવાર, 4 જાન્યુઆરીના રોજ આરોપ મૂકવામાં આવ્યો હતો. તેને ગુરુવાર, 5 જાન્યુઆરીએ અક્સબ્રિજ મેજિસ્ટ્રેટ કોર્ટમાં કસ્ટડીમાં રજૂ કરવામાં આવ્યો હતો.

લેન્સબરી ડ્રાઇવમાં સપોર્ટેડ રેસિડેન્શિયલ એકોમોડેશનમાં એક વ્યક્તિ પર હુમલો થયો હોવાના અહેવાલો બાદ સોમવાર, 2 જાન્યુઆરીના રોજ આશરે 23:50 કલાકે પોલીસને બોલાવાઇ હતી. ઓફિસરો અને લંડન એમ્બ્યુલન્સ સર્વિસે હાજરી આપી હતી. ઇમરજન્સી સેવાઓના પ્રયત્નો છતાં જોન હેલિસીનું મરણ થયું હતું.

બુધવાર, 4 જાન્યુઆરીના રોજ કરાયેલ પોસ્ટમોર્ટમમાં પુષ્ટિ થઈ હતી કે તેનું મૃત્યુ ગરદનના ભાગે દબાણ આપવાથી થયું હતું. મૃતક અને ધરપકડ કરાયેલ પાલ બંને ત્યાં જ રહેતા હતા. પૂછપરછ ચાલુ છે.

LEAVE A REPLY

11 + one =