ભારતનો જીડીપી ગ્રોથ ઓક્ટોબરથી ડિસેમ્બરના ક્વાર્ટર (Q3)માં ઘટીને 4.4 ટકા થયો હતો. ખાસ કરીને મેન્યુફેક્ચરિંગ સેક્ટરમાં નેગેટિવ ગ્રોથને કારણે કુલ ગ્રોથ પર અસર થઈ હતી. ગત વર્ષે આ ગાળામાં જીડીપી ગ્રોથ 11.2 ટકા હતો અને અગાઉના જુલાઈ-સપ્ટેમ્બર ક્વાર્ટર (Q2)માં ગ્રોથ 6.3 ટકા હતો. ફુગાવાની સ્પષ્ટ અસર જોવા મળી હતી. બોરોઈંગ કોસ્ટ વધ્યો હતો જેની માંગ પર અસર થઈ હતી. વૈશ્વિક સેન્ટ્રલ બેન્કોએ વ્યાજદર વધારતા નિકાસ પર પણ અસર થઈ હતી જેને કારણે ગ્રોથ ઘટ્યો હતો.

અદાણી ફેમિલીએ ગુરુવાર, 2 માર્ચે ચાર ગ્રૂપ કંપનીઓના 1.9 બિલિયન ડોલર (રૂ.14336 કરોડ)ના શેરો ભારતીય મૂળના રાજીવ જૈને અમેરિકામાં સ્થાપેલી બુટિક કંપની GQG પાર્ટનર્સને વેચ્યા હતા. રાજીવ જૈન આ કંપનીના ચેરમેન અને ચીફ ઇન્વેસ્ટમેન્ટ ઓફિસર છે. એસ બી અદાણી ફેમિલી ટ્રસ્ટે અદાણી એન્ટરપ્રાઇઝનો 3.4 ટકા હિસ્સો રૂ.5460 કરોડ, અદાણી પોર્ટનો 4.1 ટકા હિસ્સો રૂ.5282 કરોડ, અદાણી ગ્રીનનો 3.5 ટકા હિસ્સો રૂ.2,806 કરોડ અને અદાણી ટ્રાન્સમિશનનો 2.6 ટકા હિસ્સો રૂ.1,898 કરોડમાં વેચ્યો હતો. અદાણી ગ્રૂપે આ તમામ શેરો મોટા ડિસ્કાઉન્ટે વેચ્યા હતા.

સુપ્રીમ કોર્ટે રિલાયન્સ ઇન્ડસ્ટ્રીઝના ચેરમેન અને મેનેજિંગ ડિરેક્ટર મુકેશ અંબાણી અને તેમના પરિવારના સભ્યોને સમગ્ર ભારતમાં અને વિદેશમાં ઉચ્ચતમ Z+ સુરક્ષા કવચ આપવાનો મંગળવારે આદેશ આપ્યો હતો. ભારતમાં અથવા વિદેશમાં Z+ સુરક્ષા આપવાનો સમગ્ર ખર્ચ તેઓ ઉઠાવશે. કોર્ટે જણાવ્યું હતું કે મુકેશ અંબાણી અને તેમનો પરિવાર ભારતની અંદર હોય ત્યારે તેમની સુરક્ષા સુનિશ્ચિત કરવાની જવાબદારી મહારાષ્ટ્ર રાજ્ય અને ગૃહ મંત્રાલયેની છે, જ્યારે તેઓ વિદેશ પ્રવાસ કરી રહ્યા હોય ત્યારે અંબાણી પરિવારની સુરક્ષા ગૃહ મંત્રાલય સુનિશ્ચિત કરશે.

ભારતની અગ્રણી ખાનગી બેન્ક એક્સિસ બેન્કે બુધવાર, પહેલી માર્ચે જણાવ્યું હતું કે તેને સિટી બેન્કના ઇન્ડિયા કન્ઝ્યુમર અને નોન-બેંકિંગ ફાઇનાન્સ બિઝનેસનું સંપાદન પૂર્ણ કર્યું છે. માર્ચ 2022માં જાહેર કરાયેલ આ સોદો ભારતીય નાણાકીય સેવાઓના ક્ષેત્રમાં સૌથી મોટા સોદાઓમાંના એક છે. આ સોદો $1.41 બિલિયન (રૂ.11,630 કરોડ)માં કરાયો હતો. એક્વિઝિશનથી એક્સિસને ICICI બેન્ક અને HDFC બેન્ક જેવી મોટી હરીફ બેન્કો સાથેનું અંતર ઘટાડવામાં મદદ મળશે. પહેલી માર્ચથી સિટી બેંકના હોમ એન્ડ પર્સનલ લોન, ક્રેડિટ કાર્ડ અને વીમા બિઝનેસ એક્સિસ બેંકના નિયંત્રણ હેઠળ આવી ગયા છે.

પ્રોજેક્ટ Kનું શૂટિંગ કરતી વખતે અમિતાભ બચ્ચન ઘાયલ થયા

હૈદરાબાદમાં પ્રોજેક્ટ Kનું શૂટિંગ કરતી વખતે અભિનેતા અમિતાભ બચ્ચન ઘાયલ થયા હતા. તેમને જમણી પાંસળીના પાંજરામાં સ્નાયુ ફાટી ગયા હતા. 80 વર્ષીય સ્ટારે એક બ્લોગ પોસ્ટમાં ખુલાસો કર્યો હતો કે સેટ પર તેની એક્શન શોટ દરમિયાન તેમને આ ઇજા થઈ હતી. તેમણે હૈદરાબાદમાં તબીબી સારવાર મેળવી હતી અને હવે તે મુંબઈમાં તેના ઘર જલસામાં સ્વસ્થ થઈ રહ્યા છે અને આરામ કરી રહ્યાં છે. તેમણે સંપૂર્ણ સ્વસ્થ થતાં થોડા અઠવાડિયા લાગશે. આ ઇજા પીડાદાયક હોવાનું પણ બીગ બીએ જણાવ્યું હતું. તેમણે ચાહકોને હંમેશની જેમ જલસાની બહાર એકઠા ન થવાની વિનંતી કરી હતી.

અક્ષયકુમાર ગિનેસ બુક ઓફ વર્લ્ડ રેકોર્ડઝમાં!!

બોલિવૂડ ખેલાડી અક્ષયકુમાર છેલ્લા કેટલાક સમયથી તેની નવી ફિલ્મ સેલ્ફી અંગે ચર્ચામાં છે . આ ફિલ્મ 24 ફેબ્રુઆરીએ સિનેમાઘરોમાં રિલીઝ થઈ છે. આ ફિલ્મના પ્રમોશન માટે કલાકારોએ નવી યુક્તિઓ અજમાવી હતી. અક્ષયકુમારે આ દરમિયાન એક નવો રેકોર્ડ પોતાના નામે કરી લીધો છે. અક્ષયકુમાર તાજેતરમાં જ ફિલ્મના પ્રમોશનને લઈને મુંબઈમાં તેના ચાહકોની વચ્ચે પહોંચ્યા હતા. આ દરમિયાન મોટી સંખ્યામાં તેમના ચાહકો આવ્યા હતા, જેમની સાથે અભિનેતાએ મોબાઇલ ફોનમાં ધડાધડ સેલ્ફી લીધી હતી અને આ દરમિયાન તેમણે એક રેકોર્ડ બનાવી દીધો હતો.

અન્નુ કપૂરની અનોખી સિદ્ધિ

અનિલ કપૂરે ક્યારેય ગીત ગાયા છે ? અને એ પણ ચાર હજાર ગીતો? આ વાત આશ્ચર્યજનક તો છે જ, સાથે સાચી પણ છે. આ વાત અન્નુ કપૂરના નામે ઓળખાતા અનિલ કપૂરની છે. હવે રહી વાત 4000 ગીતોની, તો એક સમયે ઝી ટીવી પર દર્શાવાતી અંતાક્ષરીની ? દેશ-વિદેશમાં ભારતીયોના ઘરમાં રમાતી-પિકનીક કે ગેધરીંગમાં રમાતી આ સૌથી લોકપ્રિય ગેમને ટીવીના પડદે લાવ્યા હતા અન્નુ કપૂર. લાંબા સમય સુધી ચાલેલા આ ટીવી શોમાં તેમણે અલગ અલગ સેગમેન્ટ્સ દરમિયાન કુલ 4000 ગીત ગાયા છે અને તેમનો અવાજ પણ એટલો જ યોગ્ય છે.

12 વર્ષે મધુનું ફરીથી બોલીવૂડમાં આગમન

અજય દેવગણ સાથે ફિલ્મ ફૂલ ઔર કાંટેથી બોલીવૂડમાં પદાર્પણ કરનારા અભિનેત્રી મધુ 12 વર્ષ પછી ફરીથી ફિલ્મમાં જોવા મળશે. જોકે મધુએ બોલીવૂડમાં બહુ ઓછી ફિલ્મોમાં કામ કર્યું અને અચાનક જ ઇન્ડસ્ટ્રીથી દૂર થઇ ગઇ હતી. હવે તે ફિલ્મ ‘ગેમ ઓન’થી બોલીવૂડમાં કમબેક કરી રહી છે. તાજેતરમાં જ તેની ફિલ્મનું ટીઝર રિલીઝ થયું છે. જોકે મધુ 12 વરસ દરમિયાન હિન્દી ફિલ્મોથી દૂર રહ્યા પછી પણ સોશિયલ મીડિયા દ્વારા તે પોતાના ફેન્સ સાથે જોડાયેલી છે. તે પોતાની નવી અને જુની તસવીરો સોશિયલ મીડિયામાં પોસ્ટ કરે છે. આટલાં વર્ષોમાં તે વધુ ગ્લેમરસ થઇ ગઇ છે. જોકે આ 12