ફુગાવાનો સામનો કરવા માટે આ સપ્તાહે અમેરિકા, યુરોપ અને યુકેમાં વ્યાજદરમાં વધારો થયો હતો. યુરોપ અને યુકેમાં વ્યાજદરમાં 0.5 ટકાનો વધારો કરાયો હતો, જ્યારે અમેરિકામાં ફેડે વ્યાજદરમાં 0.25 ટકાનો વધારો કર્યો હતો. ઊંચા ફુગાવાને અંકુશમાં લેવા માટે બેન્ક ઓફ ઇંગ્લેન્ડે ગુરુવાર, 2 ફેબ્રુઆરીએ વ્યાજદરમાં સતત 10મી વખત વધારો ઝીંક્યો હતો. સેન્ટ્રલ બેન્કની મોનેટરી પોલિસી કમિટીએ તેના ચાવીરૂપ વ્યાજદરને 0.5 ટકા વધીને 4 ટકા કર્યા હતા, જે 2008 પછીના સૌથી ઊંચા છે.

મલેશિયાના સૌથી ધનિક અને હોંગકોંગના નાગરિક રોબર્ટ કુઓકના પરિવારના સંચાલન હેઠળની વિલ્મર ઇન્ટરનેશનલનો અદાણીના સૌથી જૂના ભાગીદારમાં સમાવેશ થાય છે. તેમના સંયુક્ત સાહસ અદાણી વિલ્મરનું બજારમૂલ્ય 6.7 બિલિયન ડોલર છે. આ પેકેજ્ડ-ફૂડ કંપની લોટ, ખાંડ તથા અન્ય સ્ટેપલ્સનું વેચાણ કરે છે. વિલ્મરે તાજેતરમાં કહ્યું હતું કે હિન્ડનબર્ગ રીપોર્ટમાં સ્વતંત્ર રીતે સંચાલિત સંયુક્ત સાહસને લગતા કોઈ મુદ્દા ઉઠાવ્યા નથી. રીટેઈલ જાયન્ટ વોલમાર્ટની આશરે 50 ટકા માલિકી વિશ્વના બીજા ક્રમના સૌથી ધનિક પરિવાર વોલ્ટન્સ પાસે છે.

અદાણી એન્ટરપ્રાઇઝના 2.5 બિલિયન ડોલરના એફપીઓને રદ કરવામાં આવ્યા બાદ ગુરુવાર, 2 ફેબ્રુઆરીએ પણ અદાણી ગ્રૂપની કંપનીઓના શેરોમાં ધોવાણ ચાલુ રહ્યું હતું. છેલ્લાં છ ટ્રેડિંગ સેશનમાં ગ્રૂપ કંપનીઓના માર્કેટકેપમાં આશરે 100 અબજ ડોલરનું અસાધારણ ધોવાણ થયું છે. સ્કૂલ ડ્રોપઆઉટમાંથી બિલિયોનેર બનેલા ગૌતમ અદાણી માટે આ મોટો ફટકો છે, કારણ કે કોરોના મહામારી પછી તેમની સંપત્તિમાં કૂદકેને ભૂસકે વધારો થયો હતો.

ન્યુયોર્ક સ્થિત ઇન્વેસ્ટમેન્ટ રીસર્ચ કંપની હિન્ડનબર્ગના રીપોર્ટને પગલે બિલિયોનેર ઉદ્યોગપતિ ગૌતમ અદાણીના વડપણ હેઠળના અદાણી ગ્રૂપના શેરોમાં ધોવાણ કંપની સ્પેસિફક મુદ્દો હોવાનો સંકેત આપતા ભારતના નાણાપ્રધાન નિર્મલા સીતારામને જણાવ્યું હતું કે મૂડીબજારની નિયમનકારી સંસ્થા સેબી અને ભારતીય રિઝર્વ બેન્ક (આરબીઆઈ) જેવી નિયમનકારી સંસ્થાઓ શેરબજારમાં સ્થિરતા માટે હંમેશા સતર્ક રહેવું જોઇએ. તેમણે જણાવ્યું હતું કે બેન્કો અને વીમા કંપનીઓ કોઇ એક કંપનીમાં વધુ પડતું રોકાણ કે ધિરાણ ધરાવતી નથી.

ઈસ્ટર્ન આઈના છઠ્ઠા વાર્ષિક ‘આર્ટસ, કલ્ચર એન્ડ થિયેટર એવોર્ડ્સ’માં ટોચના 18 કલાકારોનું બહુમાન કરાયું

તા. 3 ફેબ્રુઆરીના રોજ સેન્ટ્રલ લંડનની મે ફેર હોટેલ ખાતે કલા, સર્જનાત્મકતા અને મીડિયા ઇન્ડસ્ટ્રીમાં વ્યાપેલી સાઉથ એશિયન સમુદાયની વિવિધ કલાત્મક પ્રતિભાની ઉજવણી કરી તેમની સિદ્ધિઓને ઓળખ આપી ફિલ્મ, સંગીત, થિયેટર અને મનોરંજન ઉદ્યોગની અગ્રણી હસ્તીઓને ઈસ્ટર્ન આઈના છઠ્ઠા વાર્ષિક આર્ટસ, કલ્ચર એન્ડ થિયેટર એવોર્ડ્સ (ACTAs) સમારોહમાં ટોચના 18 એવોર્ડ એનાયત કરાયા હતા.

રકુલપ્રીત સેક્સ એજ્યુકેશનની હિમાયતી

બોલિવૂડ એક્ટ્રેસ રુકલપ્રીત સિંહ ‘ડૉક્ટર જી’માં છેલ્લે જોવા મળી હતી. ટૂંક સમયમાં તે ‘છતરીવાલી’ જોવા મળવાની છે. આ બંને જ ફિલ્મો મહિલાઓના રીપ્રોડક્ટીવ હેલ્થને લઈને છે. એક પોર્ટલ સાથે ચર્ચા દરમિયાન રકુલ પ્રીતે સ્કૂલોમાં યૌન શિક્ષણના મહત્વ અંગે વાત કરી અને કહ્યું કે આપણે દરેક યૌન શિક્ષણના મહત્વને સમજીએ છીએ પરંતુ તેને નજર અંદાજ કરી લઈએ છે. રકુલ પ્રીત સિંહે એક ઈન્ટરવ્યુ દરમિયાન કહ્યું હતું કે તેની નવી ફિલ્મ ‘છતરીવાલી’નું ટ્રેલર કહે છે કે આ જરૂરી છે અને આથી આ પુસ્તકો અને સિલેબસનો ભાગ છે.

કરિશ્માને ભરણપોષણ પેટે દર મહિને મળે છે રૂ. દસ લાખ

કરિશ્મા કપૂર તેના સાસાંરિક અંગત જીવનના કારણે હંમેશા ચર્ચામાં રહે છે. કરિશ્માએ 1990ના દસકામાં બોલિવૂડમાં પ્રવેશ કર્યો હતો અને ત્યારબાદ તેણે રાજા હિન્દુસ્તાની, દિલ તો પાગલ હૈ, હીરો નંબર વન સહિતની ઘણી હિટ ફિલ્મોમાં કામ કર્યું હતું. ગોવિંદા સાથે તેની જોડી ખૂબ જ જામી હતી. કરિશ્માનું નામ ટોચની અભિનેત્રીઓની યાદીમાં સામેલ થયું ત્યારે તેની સગાઈ અભિષેક બચ્ચન સાથે થઈ હતી. થોડા મહિનામાં જ બંનેની સગાઈ તૂટી ગઈ અને પછી કરિશ્માએ ઉતાવળમાં બિઝનેસમેન સંજય કપૂર સાથે લગ્ન કર્યા હતા અને સંસારમાં વ્યસ્ત બની ગઇ હતી.

બોલિવૂડ સ્ટાર્સ સિદ્ધાર્થ મલ્હોત્રા-કિયારા અડવાણી લગ્નબંધનમાં બંધાયા

જેસલમેરની સૂર્યગઢ હોટેલમાં બોલિવૂડ સ્ટાર્સ સિદ્ધાર્થ મલ્હોત્રા અને કિયારા અડવાણી લગ્નબંધનમાં બંધાયા હતા. લગ્નના કાર્યક્રમો ખૂબ જ ધૂમધામથી શરૂ થયા હતા. રાજસ્થાન બોલિવૂડના લગ્નો માટે પ્રિય બની ગયું છે. અગાઉ વિકી કૌશલ-કેટરિના કૈફ અને નિક જોનાસ-પ્રિયંકા ચોપરાએ રાજસ્થાનમાં લગ્ન કર્યા હતા. સિદ્ધાર્થ-કિયારાના લગ્ન પ્રસંગોમાં હલ્દી, મહેંદી અને સંગીત સેરેમની કરવામાં આવી હતી. આ પછી બંનેના શાહી લગ્ન થયા હતા. સિદ્ધાર્થ અને કિયારા શનિવારે તેમના લગ્ન સ્થળ પર પહોંચ્યા હતા. દંપતીએ મીડિયા સાથે વાત કરી ન હતી, પરંતુ સિદ્ધાર્થના ભાઈ હર્ષદ મલ્હોત્રા,