લેસ્ટરના મેયર સર પીટર સોલસ્બીએ સરકાર પર ‘અસંગત અને સ્કેચી ડેટા’ના આધારે તેમના શહેરમાં લોકડાઉન લાદવા, જનજીવન અને આજીવિકા સાથે રાજરમત કરવાનો આરોપ લગાવ્યો છે. મેયરે સ્થાનિક ઉદ્યોગોને મદદ કરવા સરકારના નાણાંના £13 મિલિયન ખર્ચવાની મંજૂરી માંગતા બે પત્રો મિનિસ્ટર્સને મોકલ્યા છે પરંતુ તેઓ હજી બે અઠવાડિયા પછી પણ જવાબની રાહ જુએ છે. 2011ની વસ્તી ગણતરી અનુસાર, લેસ્ટરના લગભગ 40 ટકા લોકો એશિયન બ્રિટિશર્સ છે.

એક ભારતીય નાગરિક માટે અમેરિકામાં સ્થાયી નિવાસ અથવા ગ્રીન કાર્ડ મૅળવવા માટેનો બેકલોગ ૧૯૫ વર્ષથી વધારેનો છે. ટોચના રીપબ્લિકન સેનેટર માઇક લીએ પોતાના સેનેટ સહયોગીઓને આ સમસ્યાના ઉકેલ એક લેજિસ્લેટિવ ઠરાવ પસાર કરવાની અપીલ કરી છે.

ભારતના શાહી પરિવારના એક ભૂતપૂર્વ સભ્યે યુકે બેન્ક એકાઉન્ટમાં પડેલા નાણા અંગેના દાયકા જૂના કાનૂની જંગમાંથી છૂટકારો માંગ્યો છે. હૈદ્રાબાદના આઠમા નિઝામના પદવીધારક પ્રિન્સ મુકર્રમ જાએ ગત વર્ષે હાઇકોર્ટના આદેશ બાદ 4 લાખ પાઉન્ડમાંથી પોતાનો હિસ્સો જતો કર્યો હતો.

કોરોના વાઈરસનો ફેલાવો રોકવા અને રાષ્ટ્રવ્યાપી નિયંત્રણો હળવા કરવા માટેના વધુ પગલાં તરીકે આ શુક્રવાર તા. 24થી ઇંગ્લેન્ડમાં દુકાનો, સુપરમાર્કેટ્સ, શૉપિંગ સેન્ટર્સ, બેંકો, હાઉસિંગ સોસાયટીઝ, પોસ્ટ ઑફિસ અને ટ્રાન્સસ્પોર્ટ હબ્સ જેવા કે ઇન્ડોર ટ્રેન સ્ટેશન, ટર્મિનલ્સ, એરપોર્ટ્સ, દરિયાઇ બંદરો, ઇન્ડોર બસ અને કોચ સ્ટેશન જેવી બંધ જાહેર જગ્યાઓમાં ચહેરો ઢંકાય તેવા માસ્ક પહેરવા કે ચહેરો ઢાંકી રાખવાનું ફરજીયાત બની ગયું છે.

અમેરિકામાં કોરોનાવાઇરસનો ફેલાવો વધતા પ્રેસિડેન્ટ ડોનાલ્ડ ટ્રમ્પે ફ્લોરિડાના જેક્સનવિલેમાં આયોજિત રીપબ્લિકન નેશનલ કન્વેન્શન રદ્ કર્યું છે. તાજેતરમાં કોરોના અંગે પ્રેસિડેન્ટ ટ્રમ્પના વલણમાં પરિવર્તન થયું છે. કોરોનાવાઈરસના રોગચાળાના સમયમાં સભા-સંમેલનો માટે ઉત્સાહ દાખવનારા ટ્રમ્પે હવે કન્વેન્શન રદ કરવા અંગે જણાવ્યું હતું કે, ફ્લોરિડામાં કોરોનાનો ફેલાવો ઝડપથી વધી રહ્યો છે. કન્વેન્શન માટે આ યોગ્ય સમય નથી. તેમણે આયોજનની મુદ્દતમાં વધારો કર્યો છે. તેમણે આ અંગે ફ્લોરિડાના ગવર્નર રોન ડેસેંટિસ અને અન્ય રાજ્ય તેમ જ સ્થાનિક અધિકારીઓને આ નિર્ણયની માહિતી આપી છે.

અમેરિકામાં કોરોના મહામારીના પ્રકોપ વચ્ચે રવિવાર, 26 જુલાઇ અને સોમવારે, 27 જુલાઇએ વાવાઝોડાને પણ તબાહી મચાવી છે. અમેરિકાના ટેક્સાસમાં ખાસ કરીને સમુદ્રી વિસ્તારોમાં હન્ના નામના વાવાઝોડાએ ભારે તારાજી સર્જી છે. જેને પગલે ટેક્સાસમાં અનેક લોકો અંધારપટમાં ફસાયા છે અને વાહન વ્યવહાર થંભી ગયો છે. અનેક વિસ્તારોમાં મુશળધાર વરસાદ પડયો હતો.

સદગુરુ – આપણા જીવનના ચોક્કસ ક્ષેત્રો એવા છે કે, જ્યાં શીખવાની તમામ પ્રક્રિયા ભૂતકાળમાં બની ગયેલી ઘટનાઓ આધારિત હોય છે. તમે એબીસી લખો છો કારણ કે ભૂતકાળમાં કોઇકે એબીસી લખ્યું હોય છે. તમે તમારી જાતે એબીસી લખ્યું ના હોત. આથી જ તમે તમારા પોતાનામાંથી જે બહાર નથી આવી શકતું તે જ તમે કરી શકો. તમે માનવીય અનુભવમાંથી બહાર આવતું હોય તે જ કરી શકો છો. એબીસી લખવાનું હજારો માનવ પેઢીના ભાષાકીય અનુભવના નિચોડ સમાન હોઇ તે તમે કરી શકો છો.

આઈસીસીએ ગયા સપ્તાહે વર્લ્ડ કપ ટી-10 ક્રિકેટ ટુર્નામેન્ટ આ વર્ષે નહીં યોજવા અને આવતા વર્ષે તેના આયોજનની જાહેરાત કર્યા પછી ધારણા મુજબ ભારતની લોકપ્રિય ક્રિકેટ ટુર્નામેન્ટ આઈપીએલ આખરે સપ્ટેમ્બરમાં યુનાઈટેડ આરબ અમિરાત (યુએઈ)માં યોજાશે એવી માહિતી આઈપીએલના ચેરમેન બ્રિજેશ પટેલે ગયા સપ્તાહે જ આપી હતી.

હાલમાં વિશ્વમાં લોકડાઉન વચ્ચે ચાલી રહેલી ઓનલાઈન ચેસ ટુર્નામેન્ટ – લેજન્ડ્સ ઓફ ચેસ સ્પર્ધામાં શ્રેણીબદ્ધ પરાજયો પછી આખરે સોમવારે રાત્રે (27 જુલાઈ) ભારતના વિશ્વનાથન આનંદે ઈઝરાયેલના બોરિસ ગેલફાન્ડને સાતમા રાઉન્ડમાં 2.5 વિરૂદ્ધ 0.5થી હરાવી આ સ્પર્ધામાં પોતાનો પહેલો વિજય મેળવ્યો હતો.

આવતા વર્ષની પ્રથમ ગ્રાન્ડસ્લેમ ટેનિસ સ્પર્ધા – ઓસ્ટ્રેલિયન ઓપનના આયોજકો તે બાયો-સિક્યોર)માં ઓછા દર્શકોની હાજરીમાં યોજવાની તૈયારી કરી રહ્યા છે. ટેનિસ ઓસ્ટ્રેલિયાના મુખ્ય કાર્યકારી ક્રેગ ટીલેએ આ માહિતી આપતાં કહ્યું હતું કે, 2021ની પ્રથમ ગ્રાન્ડ સ્લેમ ટૂર્નામેન્ટ માટે જરૂરી યોજના બનાવવામાં મદદ માટે યુએસ ઓપન અને ફ્રેન્ચ ઓપન રમાય ત્યારે અમે તેના ઉપર ખાસ બારિક નજર રાખીશું. જાન્યુઆરીમાં રમાનારી આ ટૂર્નામેન્ટનું માળખુ તો તૈયાર કરી જ લીધુ છે.