જાન્યુઆરીમાં કોરોનાવાયરસના પ્રકોપ સામે લાદવામાં આવેલા ત્રીજા રાષ્ટ્રીય લોકડાઉનમાંથી બહાર નીકળવાની વ્યૂહરચનાનું અનાવરણ કરતાં વડાપ્રધાન બોરિસ જોન્સને સોમવાર તા. 22ના રોજ જાહેરાત કરી હતી કે જો બધું જ બરોબર પાર ઉતર્યું તો ઇંગ્લેન્ડનું જનજીવન જૂન મહિનામાં વહેલી તકે સામાન્ય થઇ શકે છે.

અપીલ કોર્ટે એક ઐતિહાસિક ચૂકાદો યથાવત રાખીને બાળકોને બ્રિટિશ નાગરિકો તરીકે નોંધણી કરવા માટે હોમ ઓફિસે નક્કી કરેલી એક હજાર પાઉન્ડની ફી ગેરકાયદે ગણાવી છે.

પ્રેસિડેન્ટ બાઇડેને અમેરિકામાં કોરોનાથી મૃત્યુ પામેલાઓનો આંકડો પાંચ લાખથી વધી જવા અંગે ઘેરા આઘાત સાથે હૈયું ભાંગી ગયાની લાગણી વ્યક્ત કરી દેશવાસીઓને મહામારી સામે એકસંપથી લડવા અનુરોધ કર્યો હતો.

અમેરિકાના ટોચના વાઇરસ નિષ્ણાત અને દેશના મુખ્ય તબીબી સલાહકાર એન્થોની ફૌસીએ જણાવ્યું છે કે દેશમાં કોરોનાનો સામનો કરવાના મામલે કેટલાક નિયંત્રણો હળવા થઇ શકે છે, પણ પરંતુ અમેરિકનોએ કોરોનાથી બચવા 2020માં પણ કદાચ માસ્ક પહેરવા પડશે.

અમેરિકાની અવકાશ એજન્સી નાસાના પર્સીવિયરન્સ રોવરે ગુરૂવારે રાતે મંગળ ગ્રહ પર સફળ ઉતરાણ કર્યું હતું. નાસાએ ટ્વીટરના માધ્યમથી પર્સીવિયરન્સ રોવરે મંગળ ગ્રહની સપાટી પર સફળ ઉતરાણ કર્યું હોવાની માહિતી આપી હતી.

અમેરિકાના ટેક્સાસમાં ખતરનાક બર્ફીલા તોફાનના કારણે બુધવારે, 17 ફેબ્રુઆરીએ સતત ત્રીજા દિવસે સ્થિતિ ગંભીર બની હતી. કાતિલ ઠંડીને કારણે 24 લોકોના મોત થયા હોવાનો અંદાજ છે. લાખ્ખો લોકોએ વીજળી, પાણી જેવી પાયાની સુવિધા વગર ઠંડા ઘરોમાં પુરાઈ રહેવું પડ્યું હતું.

ગુજરાતના છ શહેરો – અમદાવાદ, વડોદરા, સુરત, રાજકોટ, જામનગર અને ભાવનગરની મહાપાલિકાની ચૂંટણીઓ રવિવારે (21 ફેબ્રુઆરી) યોજાઈ હતી, તેના પરિણામો મંગળવારે (23 ફેબ્રુઆરી) જાહેર થતાં અપેક્ષા મુજબ તમામ છ શહેરોમાં ભાજપે જંગી બહુમતી સાથે સત્તા જાળવી રાખી હતી.

ગુજરાતમાં છ મહાનગરપાલિકાની ચૂંટણીમાં મંગળવાર, 23 ફેબ્રુઆરીએ ભાજપનો જંગી બહુમતીથી વિજય થયો હતો અને કોંગ્રેસનો સફાયો થયો હતો.

મહારાષ્ટ્રના મુખ્યપ્રધાન ઉદ્ધવ ઠાકરેએ રવિવાર, 21 ફેબ્રુઆરી 2021ના લોકોને ચેતવણી આપી હતી કે રાજ્યમાં પૂર્ણ લોકડાઉનને ટાળવા માટે લોકોએ કોરોનાના નિયમોનું સંપૂર્ણ પાલન કરવું જોઇએ.

ફ્રાન્સની નેશનલ એસેમ્બલીએ દેશમાં ઇસ્લામિક કટ્ટરવાદને ડામવા માટે મંગળવારે જંગી બહુમતીથી એક બિલ પસાર કર્યું હતું. આ બિલમાં મુખ્યત્વે શહેર અને ગામોમાં ઈસ્લામિક કટ્ટરવાદના ફેલાવાને રોકવા માટેની જોગવાઈ કરવામાં આવી છે.

ભારતના ચેન્નઈમાં શુક્રવારે આઈપીએલની ટીમ્સ માટે ખેલાડીઓની હરાજી થઈ હતી, જેમાં સાઉથ આફ્રિકાના ઓલરાઉન્ડર ક્રિસ મોરિસે રૂ. 16.25 કરોડ (162.25 મિલિયન) માં રાજસ્થાન રોયલ્સનો કોન્ટ્રાક્ટ મેળવી ભારતની આ ક્રિકેટ સ્પર્ધા માટેના અત્યાર સુધીના સૌથી મોંઘા ખેલાડી તરીકેનો રેકોર્ડ કર્યો હતો.

આઈપીએલની 14મી સીઝનના ઓક્શનમાં પાંચ ગુજરાતી ક્રિકેટર્સને લોટરી લાગી છે. તેમાં ચેતેશ્વર પૂજારા, લુકમેન મેરીવાલા, રીપલ પટેલ અને ચેતન સાકરિયાનો સમાવેશ થાય છે.

ભારતના ચેન્નાઈમાં ગયા સપ્તાહે યોજાઈ ગયેલા આઈપીએલના ખેલાડીઓ માટેના ઓક્શનમાં 8 ટીમ્સે કુલ 57 ખેલાડીઓના સોદા કર્યા હતા, જેમાં 22 વિદેશી ખેલાડીઓનો પણ સમાવેશ થાય છે.

સર્બિયાના નોવાક જોકોવિચે રવિવારે મેલબોર્નમાં ઓસ્ટ્રેલિયન ઓપન ટેનિસ સ્પર્ધાની ફાઈનમાં રશિયાના ડેનિલ મેડવેડેવને હરાવી રેકોર્ડ નવમી વખત ઓસ્ટ્રેલિયન ઓપનનો તાજ હાંસલ કર્યો હતો.

ભારતીય ક્રિકેટ કન્ટ્રોલ બોર્ડે ઇંગ્લેન્ડ સામેની પાંચ ટી-20 મેચની સીરીઝ માટે ભારતીય ક્રિકેટ ટીમની જાહેરાત કરી છે. ટીમમાં આક્રમક બેટ્સમેન સૂર્ય કુમાર યાદવ અને ઝારખંડનાં યુવા સુકાની, બેટ્સમેન ઇશાન કિશનને પહેલી વખત સામેલ કરાયા છે.