ફેસબૂક, એમેઝોન, સ્નેપડીલ, ઇન્ટેલ, નેટફ્લિક્સ અને અન્ય દિગ્ગજ ટેકનોલોજી કંપનીઓએ 2022માં નોકરીઓમાં કાપ મૂક્યો હતો. કેટલીક કંપનીઓએ કોરોના મહામારીની અસરોને ટાંકીને અને અન્ય કંપનીઓએ ઝડપી વૃદ્ધિના સમયગાળા દરમિયાન ઓવરહાયરિંગ જેવા કારણો આપ્યા હતા. ક્રંચબેઝ ટેલી અનુસાર, વર્ષ 2022 દરમિયાન યુએસ ટેક સેક્ટરમાં 91,000 થી વધુ કામદારોએ તેમની નોકરી ગુમાવી છે. જોકે હવે હોલિડે સિઝન પછી ટૂંકસમયમાં વધુ છટણીઓ થવાની આશંકા છે અને ટેક કંપનીઓની આગેવાની હેઠળની તમામ ક્ષેત્રોની ઘણી કંપનીઓ જાન્યુઆરીથીતાં હજારો કર્મચારીઓની છટણી કરવા તૈયાર છે.

ભારતનું અર્થતંત્ર ચાલુ નાણાકીય વર્ષમાં માત્ર સાત ટકાની વૃદ્ધિ નોંધાવશે તો ભારત વિશ્વમાં સૌથી વધુ ઝડપથી વિકસતા અર્થતંત્રનો પ્રતિષ્ઠાભર્યો દરજ્જો ગુમાવી શકે છે. ખાડી દેશ સાઉદી અરેબિયાનું અર્થતંત્ર ચાલુ વર્ષે 7.6 ટકા વૃદ્ધિ નોંધાવે તેવો અંદાજ છે, જે ભારત કરતાં વધુ હશે. હકીકતમાં ભારતની જીડીપી વૃદ્ધિ ચાલુ નાણાકીય વર્ષના જુલાઈ સપ્ટેમ્બર ક્વાર્ટરમાં 6.3 ટકા રહી હતી, જે સાઉદી અરેબિયાના 8.7 ટકા વૃદ્ધિ કરતાં ઘણી નીચી છે.

ડિજિટલ પેમેન્ટસ જાયન્ટ ફોનપેનાના શેરધારકોએ ભારતમાં હેડક્વાર્ટર શિફ્ટ કરવાના નિર્ણયને અને તેને પગલે વેલ્યુએશનમાં થયેલા વધારાને કારણે ભારત સરકારને ટેક્સમાં $1 બિલિયન ચૂકવવા પડશે. ડિજિટલ પેમેન્ટ કંપનીએ તેનું હેડક્વાર્ટર ભારતમાં શિફ્ટ કરતા પેરેન્ટ કંપની વોલમાર્ટે આ ટેક્સ ચૂકવવાનો આવ્યો છે. વોલમાર્ટે ફ્લિપકાર્ટને હસ્તગત કર્યા પછી ફોનપે પ્રાઇવેટ લિમિટેડને તેનાથી અલગ કર્યુ છે. તેનું મુખ્યમથક પણ સિંગાપોરથી ભારતમાં લાવ્યા છે.

વિશ્વના અર્થતંત્રો હાલમાં મંદીનો સામનો કરી રહ્યા છે, ત્યારે ભારતના અર્થતંત્રમાં પણ નરમાઈના સંકેત મળી રહ્યા છે. અર્થતંત્રમાં ઘટતી જતી માંગ તથા માઇનિંગ અને મેન્યુફેક્ચરિંગ ક્ષેત્રના નબળા દેખાવને કારણે ચાલુ નાણાકીય વર્ષમાં ભારતના જીડીપીમાં ગયા વર્ષની સરખામણીમાં મોટો ઘટાડો થવાનો સરકારે અંદાજ રજૂ કર્યો છે. બજેટ પહેલા સરકારે જારી કરેલા ડેટા મુજબ ભારતીય અર્થતંત્ર 2022-23ના નાણાકીય વર્ષમાં 7 ટકાની વૃદ્ધિ નોંધાવશે. આની સામે દેશની જીડીપીમાં ગયા નાણાકીય વર્ષમાં 8.7 ટકાની વૃદ્ધિ થઈ હતી. ચાલુ વર્ષે જીડીપીમાં ઘટાડાને કારણે ભારત વિશ્વમાં સૌથી વધુ ઝડપથી વિકસતા અર્થતંત્રનો દરજ્જો ગુમાવે તેવી ધારણા છે.

બોયકોટ બોલિવૂડ ટ્રેન્ડ વચ્ચે મુંબઈમાં યોગીની બોલિવૂડ હસ્તીઓ સાથે બેઠક

હિન્દુ વિરોધી ચિત્રણોને પગલે ભારતમાં છેલ્લાં કેટલાંક સમયથી બોયકોટ બોલિવૂડ ટ્રેન્ડ ચાલી રહ્યો છે અને મોટાભાગની હિન્દી ફિલ્મો ફ્લોપ બની રહી છે. બીજી તરફ સાઉથ ઇન્ડિયાની ફિલ્મો જંગી કમાણી કરી રહી છે. બોલિવૂડની આ તમામ ચિંતાઓએ વચ્ચે ઉત્તરપ્રદેશના મુખ્યપ્રધાન અને હિન્દુવાદી નેતા યોગી આદિત્યનાથે તેમના રાજ્ય બોલિવૂડને આમંત્રણ આપવા માટે મુંબઈમાં બોલિવૂડ હસ્તીઓ સાથે બેઠક કરી હતી. ઉત્તર પ્રદેશ ફિલ્મ સીટીના પ્રમોશન અને પ્લાનિંગ અંતર્ગત યોજાયેલી આ બેઠકમાં અભિનેતા સુનિલ શેટ્ટીએ યોગી આદિત્યનાથને ‘બોયકોટ બોલિવૂડ’ ટ્રેન્ડ બંધ કરાવવા માટે રિકવેસ્ટ કરી હતી.

‘પઠાણ’માં દીપિકાના ઉત્તેજક ક્લોઝ-અપ પર સેન્સર બોર્ડની કાતર

સેન્ટ્રલ બોર્ડ ઓફ ફિલ્મ સર્ટિફિકેશન (CBFC) એ શાહરૂખ ખાનની આગામી ફિલ્મ પઠાણના ગીત બેશરમ રંગમાં મુખ્ય ત્રણ ફેરફારોની ભલામણ કરી છે. જો કે, તેમાંના કોઈપણ ફેરફારોમાં ભગવી બિકીની સંબંધિત ન હોવાનું માનવામાં આવે છે. અહીં ઉલ્લેખનીય છે કે ભગવી બિકીને કારણે આ ફિલ્મ વિવાદમાં ફસાઈ હતી અને તેનો બહિષ્કાર કરવાનો ટ્રેન્ડ ચાલ્યો હતો. સેન્સર બોર્ડ દ્વારા 10 થી વધુ કટની ભલામણ કરવામાં આવી છે,

સર્કસ પણ નિષ્ફળ રહેતા રણવીરની ફ્લોપ ફિલ્મની હેટ્રિક

રણવીર સિંહની 23 ડિસેમ્બર 2022એ રીલિઝ થયેલી ફિલ્મ સર્કસ પણ નિષ્ફળ રહેતા આ એક્ટરે ફ્લોપ ફિલ્મોની હેટ્રીક કરી છે. અગાઉ 13 મે 2022માં રીલિઝ થયેલી ફિલ્મ જયેશભાઇ જોરદાર અને 23 ડિસેમ્બર 2021ના રોજ રીલિઝ થયેલી ફિલ્મ “83” ફ્લોપ રહી હતી. જયેશભાઇ જોરદારે રૂ.15.59 કરોડની કમાણી કરી હતી, જ્યારે ક્રિકેટ આધારિત “83”એ રૂ.109.02 કરોડની કમાણી કરી હતી. લગભગ રૂપિયા 120 કરોડના બજેટમાં બનેલી ફિલ્મ સર્કલ માત્ર રૂ.29 કરોડની કમાણી કરી શકી હતી.

બોલીવૂડ બાદશાહ છે ગ્રેટ આર્ટિસ્ટ

શાહરુખ ખાનના ચાહકો વિશ્વભરમાં ફેલાયેલા છે. માત્ર દેશમાં જ નહીં વિદેશમાં પણ તેમની ફિલ્મોની આતુરતાથી રાહ જોવાતી હોય છે. શાહરુખ ખાનની લોકપ્રિયતાનો અંદાજ એના પરથી લગાવી શકાય છે કે, તેમને જાણીતા ફેમસ મેગેઝીન એમ્પાયરે વિશ્વના 50 મહાન કલાકારોની યાદીમાં સ્થાન આપ્યું છે. આ યાદીમાં બોલિવૂડમાંથી સામેલ થનાર એકમાત્ર અભિનેતા શાહરુખ ખાન છે. હોલીવુડમાંથી અભિનેતા ડેનજેલ વોશિંગટન, ટોમ હૈંક્સ, એન્થની માર્લન બ્રૈંડો, મેરિલ સ્ટ્રીપ, જૈક નિકોલસન સહિત અનેક કલાકોરના નામનો સમાવેશ થાય છે.