સેન્ટ્રલ બોર્ડ ઓફ ફિલ્મ સર્ટિફિકેશન (CBFC) એ શાહરૂખ ખાનની આગામી ફિલ્મ પઠાણના ગીત બેશરમ રંગમાં મુખ્ય ત્રણ ફેરફારોની ભલામણ કરી છે. જો કે, તેમાંના કોઈપણ ફેરફારોમાં ભગવી બિકીની સંબંધિત ન હોવાનું માનવામાં આવે છે. અહીં ઉલ્લેખનીય છે કે ભગવી બિકીને કારણે આ ફિલ્મ વિવાદમાં ફસાઈ હતી અને તેનો બહિષ્કાર કરવાનો ટ્રેન્ડ ચાલ્યો હતો. સેન્સર બોર્ડ દ્વારા 10 થી વધુ કટની ભલામણ કરવામાં આવી છે,
જોકે “આંશિક નગ્નતા” ટાંકીને, સેન્સર બોર્ડે પઠાણના નિર્માતાઓને કહ્યું છે કે “બહુત હી તંગ કિયા” ના ગીતો દરમિયાન ક્લોઝ-અપ નિતંબ શૉટ, સાઇડ પોઝ અને કામુક નૃત્યની હિલચાલને યોગ્ય દ્રશ્યો સાથે બદલવામાં આવે. તે અજ્ઞાત છે કે જો ભગવા બિકીનીના દ્રશ્યો કે જેણે હલચલ મચાવી હતી તેને રાખવામાં અથવા દૂર કરવામાં આવી છે.
‘પઠાણ’માં મોટાપાયે કાપકૂપ કરવામાં આવી હોવાની પુષ્ટિ સેન્સર બોર્ડના વડા પ્રસૂન જોશી દ્વારા અગાઉ જ કરવામાં આવી હતી. બેશરમ રંગ ગીતમાં દીપિકાના કેટલાક સાઈડ પોઝ પણ હવે બાદ થઈ ગયા છે.
સેન્સર બોર્ડ દ્વારા અન્ય વિવિધ ભલામણો કરવામાં આવી છે. ‘ઈસે સસ્તી સ્કોચ નહીં મિલી’ ડાયલોગને ‘ઈસે સસ્તી ડ્રિંક નહીં મિલી’ સાથે બદલવો પડશે. ‘બ્લેક જેલ, રશિયા’ ટેક્સ્ટને માત્ર ‘બ્લેક જેલ’થ કરાશે. ‘અશોક ચક્ર’ને હટાવીને તેની જગ્યાએ ‘વીર પુરસ્કાર’, ‘ભૂતપૂર્વ KGB’ને ‘ભૂતપૂર્વ SBU’ અને ‘ભારતમાતા’ને ‘હમારી ભારતમાતા’ સાથે બદલવા માટે કહેવામાં આવ્યું છે.
ફિલમમાં ૧૩ જગ્યા પર પીએમઓનો ઉલ્લેખ હતો તેમાં વડાપ્રધાનને બદલે પ્રમુખ અથવા તો મંત્રી શબ્દ કરી દેવામાં આવ્યો છે. ભારતીય જાસૂસી સંસ્થા રો ના એજન્ટને બદલે હમારે એજન્ટ એવો શબ્દ પ્રયોગ કરવામાં આવ્યો છે. શાહરૂખ ખાનની આગામી ફિલ્મ 25 જાન્યુઆરીએ રિલીઝ થવાની છે.
