ભારતને પાછળ રાખીને યુકે વિશ્વનું છઠ્ઠા ક્રમનું સૌથી મોટું શેરબજાર બન્યું હતું. નવ મહિનામાં પ્રથમ વખત આવ્યું બન્યું છે. પાઉન્ડમાં નરમાઈથી લંડન શેરબજારમાં હેવીવેઇટ નિકાસકાર કંપનીઓના આકર્ષણમાં વધારો થયો હતો, ત્યારે અદાણી ગ્રૂપની સમસ્યાથી મુંબઈમાં શેરબજારમાં ગાબડુ પડ્યું હતું. બ્લૂમબર્ગના 22 ફેબ્રુઆરીના ડેટા મુજબ ઇટીએફ અને એડીઆર સિવાય યુકેમાં પ્રાયમરી લિસ્ટિંગ ધરાવતી કંપનીઓનું કુલ માર્કેટ કેપ 3.1 ટ્રિલિયન ડોલર થયું હતું, જે ભારતના બજાર કરતાં 5.1 બિલિયન ડોલર વધુ હતું. 29 મે પછી પ્રથમ વખત યુકેના ઈક્વિટી માર્કેટે ભારતને પાછળ છોડી દીધું હતું.

વેદાંત રિસોર્સિસ પાસેથી 2.98 બિલિયન ડોલરમાં એસેટ ખરીદવાની હિન્દુસ્તાન ઝિન્કની યોજનાનો ભારત સરકારે વિરોધ કર્યો છે. તેનાથી આ અગ્રણી માઇનિંગ કંપનીના 7.7 બિલિયન ડોલરના ચોખ્ખા દેવામાં ઘટાડો કરવાની બિલિયોનેર અનિલ અગ્રવાલની યોજનાને ફટકો પડ્યો છે. ભારત સરકાર હિન્દુસ્તાન ઝિન્કમાં આશરે 30 ટકા ઇક્વિટી હિસ્સો ધરાવે છે. હિન્દુસ્તાન ઝિન્કે વેદાંત લિમિટેટની આફ્રિકા ખાતેની કેટલીક ઝિન્ક એસેટ ખરીદવાની યોજના બનાવી છે, જેનો સરકારે વિરોધ કર્યો છે. હિન્દુસ્તાન ઝિન્કનો 65 ટકા હિસ્સો વેદાંત પાસે છે.

બ્રિટિશ વીમા કંપની પ્રુડેન્શિયલના ચીફ એક્ઝિક્યુટિવ ઓફિસર (સીઇઓ) તરીકે અનિલ વાધવાણીની 25 ફેબ્રુઆરીએ કાર્યભાર સંભાળ્યો હતો. બ્રિટનની આ અગ્રણી કંપની એશિયન દેશો પર ફોકસ કરી રહી છે ત્યારે આ નિમણુકનું વિશેષ મહત્ત્વ છે. તેમની નવી ભૂમિકા વિશે બોલતા વાધવાણીએ કહ્યું કે તેઓ કંપનીના એશિયન અને આફ્રિકન કામગીરીના વિકાસમાં શ્રેષ્ઠ સમય દરમિયાન ટીમમાં જોડાવા માટે રોમાંચિત છે અને તેઓ ગ્રાહકો, સહકર્મીઓ, રોકાણકારો અને મુખ્ય હિતધારકોને મળવા આતુર છે. પ્રુડેન્શિયલે એક નિવેદનમાં જણાવ્યું હતું કે વાધવાણી મેન્યુલાઇફ એશિયાના ભૂતપૂર્વ પ્રેસિડન્ટ અને સીઇઓ છે.

અમદાવાદ ખાતેની વિશ્વપ્રસિદ્ધ આઇઆઇએમના ભૂતપૂર્વ વિદ્યાર્થી અજય બાંગાને અમેરિકાના પ્રેસિડન્ટ જો બાઇડનને વર્લ્ડ બેન્કના વડા તરીકે નોમિનેટ કર્યા છે. પરંપરા મુજબ વર્લ્ડ બેન્કના પ્રમુખ તરીકે અમેરિકાની નોમિની જ હોય છે. વિશ્વની આ અગ્રણી નાણાસંસ્થાના આ મહત્વના હોદા પર ભારતવંશીનું નોમિનેશન વિશ્વમાં ભારતનો દબદબો વધી રહ્યો હોવાનો સંકેત આપે છે. વ્હાઇટ હાઉસે બાંગાના નોમિનેશનની જાહેરાત કરી હતી. બાઇડેને એક નિવેદનમાં કહ્યું હતું કે ‘ઇતિહાસની આ મહત્વના ક્ષણે વર્લ્ડ બેન્કને લીડ કરવા માટે અજય એકદમ સજ્જ છે.

કાશ્મીર ફાઈલ્સ શ્રેષ્ઠ ફિલ્મ, રણબીર-આલિયાને ફાળકે એવોર્ડ

દાદાસાહેબ ફાળકે ઇન્ટરનેશનલ ફિલ્મ ફેસ્ટિવલ એવોર્ડ્ઝ 2022નો સમારંભ તાજેતરમાં મુંબઇમાં આયોજિત કરવામાં આવ્યો હતો. આ એવોર્ડ સમારંભમાં બોલિવૂડના ઘણા સ્ટાર્સે હાજરી આપી હતી. આ ફેસ્ટિવલમાં વિવેક અગ્નિહોત્રીની બહુચર્ચિત ફિલ્મ ‘ધ કાશ્મીર ફાઇલ્સ’ને શ્રેષ્ઠ ફિલ્મનો એવોર્ડ આપવામાં આવ્યો હતો. દાદાસાહેબ ફાળકે ઈન્ટરનેશનલ ફિલ્મ ફેસ્ટિવલ 2023’ના રેડ કાર્પેટ પર બોલિવૂડના સ્ટાર્સનો મેળાવડો જોવા મળ્યો હતો. આ એવોર્ડ શોમાં રેખાથી લઈને આલિયા ભટ્ટ સુધી સિનેમા જગતની હસ્તીઓએ ભાગ લીધો હતો.

‘પઠાણ’ ફિલ્મે રચ્યો ઈતિહાસ, રૂ.1000 કરોડની ક્લબમાં સામેલ

બહુચર્ચિત ફિલ્મ ‘પઠાણ’ને એક નવી સિદ્ધિ મળી છે. શાહરૂખ ખાન અભિનિત આ ફિલ્મ અંતે રિલીઝના 27મા દિવસે વિશ્વવ્યાપી રૂ. 1000 કરોડના ક્લબમાં પ્રવેશી ગઈ છે. આ સાથે ‘પઠાણ’ એવી પ્રથમ હિન્દી ફિલ્મ બની છે જેણે તેની રિલીઝના પ્રથમ તબક્કામાં 1000 કરોડનો આંકડો વટાવ્યો છે. જોકે, આમિરખાન અભિનિત ‘દંગલ’ હજુ પણ 2023 કરોડના બિઝનેસ સાથે વિશ્વમાં સૌથી વધુ કમાણી કરનારી ભારતીય ફિલ્મ છે. ‘દંગલ’ પ્રથમવાર 23 ડિસેમ્બર 2016ના રોજ રિલીઝ થઈ હતી.

મલાઇકા-અર્જુનના માર્ચમાં લગ્ન?

બોલીવૂડમાં અર્જુન કપૂર અને મલાઈકા અરોરા વચ્ચેના સંબંધો જગજાહેર છે. તેમની સગાઈ અને લગ્નના સમાચાર હંમેશા વાયરલ થતા રહે છે. તેમના ચાહકો આ બંનેને લગ્નના બંધનમાં બંધાયેલ જોવા માટે ઉત્સુક રહે છે. હવે ફરીથી તેમના લગ્ન અને સગાઈની ચર્ચા સોશિયલ મીડિયામાં થાય છે. સૂત્રો કહે છે કે તે માર્ચ મહિનામાં લગ્ન કરશે. તાજેતરમાં બંને સોશિયલ મીડિયા પર સતત એકબીજા સાથે રોમેન્ટિક ફોટો શેર કરી રહ્યાં છે. તેઓ એકબીજા સાથે વિદેશમાં વેકેશન માણતા પણ જોવા મળે છે. હવે તેમના ચાહકો ઈચ્છે છે કે આ બંને હવે લગ્ન કરી લે.

11 ફિલ્મો ફ્લોપ થયા પછી અમિતાભ બોલીવૂડ છોડવાના મૂડમાં હતા

બોલીવૂડમાં અમિતાભ બચ્ચન અને જયા બચ્ચનને આદર્શ યુગલ માનવામાં આવે છે. પોતાની સફળતામાં જયા બચ્ચનની મહત્ત્વની ભૂમિકા હોવાનું પણ અમિતાભ બચ્ચને અગાઉ સ્વીકાર્યું છે. જાણીતા ફિલ્મ લેખક અને સલમાન ખાનના પિતા સલીમ ખાને જણાવ્યું હતું કે, 11 ફ્લોપ ફિલ્મો પછી અમિતાભ બચ્ચન ફિલ્મ ઈન્ડસ્ટ્રી છોડવાની તૈયારીમાં હતા. આ દરમિયાન તેમનાં પત્ની જયા ભાદુરીએ ઝંઝીર ફિલ્મ સ્વીકારી અને એંગ્રી