ગ્રેટર માંચેસ્ટરના મેયર એન્ડી બર્નહામે બોરિસ જ્હોન્સન સરકાર ઉપર આરોપ મૂક્યો છે કે તેઓ કોવિડ-19 રોગચાળા દરમિયાન સાઉથ એશિયન લોકોને પૂરતી મદદ કરવામાં નિષ્ફળ રહ્યા હતા, તેમને પૂરતો ટેકો અપાયો નથી અને તેમને “સંપૂર્ણ રીતે ભૂલી ગયા” છે. તા. 23ના રોજ વડા પ્રધાને આ વિસ્તારમાં સૌથી વધુ આકરા નિયંત્રણો લાદ્યા હતા. આ વિસ્તારનું નેતૃત્વ પહેલા ભૂતપૂર્વ લેબર અને હેલ્થ સેક્રેટરી કરતા હતા. ગ્રેટર માન્ચેસ્ટરને સહાયમાં કેટલા પૈસા મળવા જોઈએ તે અંગે મેયર અને મિનિસ્ટર્સ વચ્ચે વાતચીત થઈ હતી.

ભારત અને અમેરિકા વચ્ચે બેઝિક એક્સ્ચેન્જ એન્ડ કો-ઓપરેશન એગ્રીમેન્ટ (BECA) પર મંગળવારે નવી દિલ્હીમાં હસ્તાક્ષર કરવામાં આવ્યા હતા. ભારતના વિદેશપ્રધાન એસ જયશંકર અને સંરક્ષણપ્રધાન રાજનાથ સિંહેએ અમેરિકાના સેક્રેટરી ઓફ સ્ટેટ માઇક પોમ્પિયો અને ડિફેન્સ સેક્રેટરી માર્ક એસ્પેર સાથે ત્રીજા દોરની 2+2 મંત્રણા કરી હતી.

બ્રિટનની નેશનલ ક્રાઇમ એજન્સી (એનસીએ) દ્વારા લાંબા સમયથી કરવામાં આવી રહેલી કાર્યવાહીના અંતે જાહેર જીવન માટે જોખમ ઊભું કરવા અને સામેની વ્યક્તિને ઇજા પહોંચાડવા માટે એક ગુજરાતી યુવાન સામે શસ્ત્રો અને દારૂગોળો રાખવાનો કેસ કરાયો હતો. ચેશાયરના ૨૬ વર્ષના હિતેશ પટેલને તેના અન્ય બે સાથીઓ બિલાલ ખાન અને ઉમર ઝહીર સાથે ગયા સપ્તાહે માંચેસ્ટરની મેજીસ્ટ્રેટ કોર્ટમાં રજૂ કરાયો હતો.

કિશોરવયના બે યુવકો પર ફ્રેન્ચ શિક્ષકની હત્યા બદલ આરોપ મુકવામાં આવ્યો છે. તેમના પર બુધવારે ત્રાસવાદી હત્યામાં ભાગીદારીનો આરોપ મુકવામાં આવ્યો છે, તેમ પ્રોસીક્યુટર્સે જણાવ્યું હતું. વધ કરાયેલા શિક્ષકને રાષ્ટ્રવ્યાપી શ્રદ્ધાંજલી આપવામાં આવી હતી.

અમેરિકામાં પ્રેસિડેન્ટપદની ચૂંટણીની સત્તાવાર તારીખ આડે ગણતરીના દિવસો બાકી છે ત્યારે ચૂંટણી પહેલાના મતદાનમાં 2016નો રેકોર્ડ તૂટી ગયો છે. ઇન્ડિપેન્ડેન્ટ વોટ મોનિટરે જણાવ્યું હતું કે, આ વખતે જે પ્રી-પોલીંગ થઇ રહ્યું છે તેમાં અત્યારસુધીના કુલ વોટિંગનો આંકડો 2016માં બેલેટ મતદાનના આંકડાથી આગળ નિકળી ગયો છે.

ચાન્સેલર ઋષિ સુનકે ગુરૂવારે તા. 22ના રોજ રોગચાળાના બીજા મોજાને પહોંચી વળવા લૉક ડાઉન પ્રતિબંઘોને લક્ષમાં લઇને તકલીફ અનુભવતા યુકેભરના વેપાર – ધંધા અને ઉદ્યોગોને વેતન અને વધારાનું અનુદાન આપવા જોબ સપોર્ટ યોજનાના વિસ્તરણની હાઉસ ઑફ કૉમન્સમાં ઘોષણા કરી હતી. આ યોજના અંતર્ગત મુખ્યત્વે ઇંગ્લેન્ડના ટાયર 2 હાઇ એલર્ટ લેવલ હેઠળના વિસ્તારોમાં બિઝનેસીસને મદદ કરાશે.

ભારતના જાણીતા ઉદ્યોગપતિ કુમાર મંગલમ બિરલાનો પરિવાર અમેરિકામાં એક રેસ્ટોરાં શનિવારે રેસિઝમનો ભોગ બન્યો હતો. કુમાર મંગલમ બિરલાની પુત્રી અનન્યા બિરલાએ કેલિફોર્નિયા સ્થિત આ રેસ્ટારાંની ટીકા કરી કરીને આ આક્ષેપ કર્યો હતો

કેન્દ્ર સરકારે જમ્મુ અને કાશ્મીર માટે નવા જમીન કાયદાનું મંગળવારે નોટિફિકેશન જારી કર્યું છે. તેનાથી જમ્મુ અને કાશ્મીરમાં કોઇ પણ ભારતીય નાગરિક દ્વારા જમીન ખરીદીનો માર્ગ મોકળો થયો છે. જો કે ખેતીની જમીન પર પ્રતિબંધ ચાલુ રહેશે.

ગુજરાતી ફિલ્મોના સુપરસ્ટાર અને ભૂતપૂર્વ ધારાસભ્ય નરેશ કનોડિયાનું કોરોનાના કારણે મંગળવાર, 27 ઓક્ટોબરે અમદાવાદની એક હોસ્પિટલમાં અવસાન થયું હતું. તેમની ઉંમર 77 વર્ષ હતી.

ઈંગ્લેન્ડ એન્ડ વેલ્સ ક્રિકેટ બોર્ડ અને ક્રિકેટ સાઉથ આફ્રિકાએ જાહેરાત કરી છે કે હવે સાઉથ આફ્રિકાની ધરતી પર આંતરરાષ્ટ્રીય ક્રિકેટ શરૂ થશે. કોરોના વાયરસના વિશ્વ વ્યાપી રોગચાળા પછી સાઉથ આફ્રિકામાં આંતરરાષ્ટ્રીય ક્રિકેટની આ શરૂઆત થશે.

સોમવારે કિંગ્સ ઈલેવન પંજાબે આઈપીએલમાં સતત પાંચમો વિજય હાંસલ કરી પ્લેઓફ્સ માટેની પોતાની દાવેદારી વધુ મજબૂત બનાવી છે. મનદીપ સિંઘ અને ક્રિસ ગેઈલની ધમાકેદાર બેટિંગ સાથે પંજાબની ટીમે 150 રનનો ટાર્ગેટ ફક્ત બે વિકેટ ગુમાવી 19મી ઓવરમાં હાંસલ કરી લીધો હતો અને કોલકાતા નાઈટ રાઈડર્સને 8 વિકેટ હરાવ્યું હતું. 12 મેચમાંથી છ વિજય સાથે કિંગ્સ ઈલેવન પોઈન્ટ્સ ટેબલમાં ચોથા સ્થાને પહોંચી છે.

ઓસ્ટ્રેલિયાના પ્રવાસે જનારી ભારતીય ક્રિકેટ ટીમની જાહેરાત ક્રિકેટ કંટ્રોલ બોર્ડ (BCCI)એ સોમવારે (26) કરી હતી. ટીમ આઈપીએલ પુરી થયા પછી સીધી ઓસ્ટ્રેલિયાના પ્રવાસે રવાના થશે. ભારતીય ટીમ ઓસ્ટ્રેલિયાના પ્રવાસમાં ચાર ટેસ્ટ મેચ તેમજ ત્રણ-ત્રણ ટી-20 અને વન-ડે પણ રમાશે. ટેસ્ટ ટીમમાં પાંચ ફાસ્ટ બોલર્સનો સમાવેશ કરાયો છે. ત્રણ સ્પિનર્સને પણ લેવાયા છે. ટી-20 ટીમમાં વરૂણ ચક્રવર્તીને પ્રથમવાર તક અપાઈ છે.

રવિવારે રાજસ્થાન રોયલ્સે મુંબઇ ઇન્ડિયન્સને હરાવતાં જ ચેન્નઇ સુપર કિંગ્સ આ સ્પર્ધાની પ્લે ઓફ્સ સુધી પહોંચી શકી નથી. જો કે, શુક્રવારે (23મી) જ તે મુંબઇ ઇન્ડિયન્સ સામે 10 વિકેટે હારી ગઈ ત્યારે તેની શકયતાઓ તો પુરી થઈ ગઈ હતી.