બિઝનેસ મેગેઝિન ફોર્બ્સે 2023 માટે વિશ્વની સૌથી શક્તિશાળી મહિલાઓની તેની વાર્ષિક યાદી બહાર પાડી હતી અને તેમાં ચાર ભારતીયો મહિલાનો સમાવેશ કર્યો હતો. આ મહિલાઓએ ભારતમાંથી ઉભરતા વિવિધ અને પ્રભાવશાળી અવાજોનું પ્રદર્શન કરીને વૈશ્વિક મંચ પર તેમનું નામ રોશન કર્યું છે. આ યાદીમાં કેન્દ્રીય નાણાપ્રધાન નિર્મલા સીતારમણ 32મા સ્થાને રહ્યાં હતા. યાદીમાં અન્ય ત્રણ ભારતીય મહિલાઓમાં આઇટી કંપની HCL સીઈઓ રોશની નાદર મલ્હોત્રા 60માં ક્રમે, સ્ટીલ ઓથોરિટી ઓફ ઈન્ડિયાના ચેરપર્સન સોમા મંડલ 70માં ક્રમે અને બાયોકોનના સ્થાપક કિરણ મઝુમદાર-શો 76મા ક્રમે રહ્યાં હતા.

એશિયાની સૌથી મોટી ઝુપડપટ્ટી ગણાવતા ધારાવીના રિડેવલપમેન્ટ માટે ગૌતમ અદાણીની આગેવાની હેઠળના અદાણી ગ્રૂપને પ્રોજેક્ટ્સ આપવામાં આવ્યો છે. વિરોધ પક્ષો મહારાષ્ટ્ર સરકારના આ નિર્ણયનો વિરોધ કરી રહ્યાં છે. અગાઉ કોંગ્રેસે આ પ્રોજેક્ટનો વિરોધ કરીને જણાવ્યું હતું કે મોદી સરકારે આ પ્રોજેક્ટમાં અદાણી ગ્રૂપની તરફેણ કરી છે. હવે મુદ્દે શિવસેના (UBT)ના નેતા ઉદ્ધવ ઠાકરે 16 ડિસેમ્બરે અદાણી ગ્રૂપની મુંબઈ ઓફિસ સામે વિરોધ પ્રદર્શન કરશે. ઠાકરેએ આક્ષેપ કર્યો હતો કે આ પ્રોજેક્ટનો કોન્ટ્રાક્ટ આપવામાં સરકારે અદાણી ગ્રૂપની દેખિતી રીતે તરફેણ કરી છે. ધારાવી પુનઃવિકાસ પ્રોજેક્ટ માટે અદાણી જૂથની તરફેણમાં ઘણા શંકાસ્પદ નિર્ણયો લેવામાં આવ્યા છે. તેમાં TDR (ટ્રાન્સફરેબલ ડેવલપમેન્ટ રાઇટ્સ)ના વેચાણની કલમ પણ સામેલ છે.

સાત ધનિક દેશોના ગ્રૂપ જી-7એ પહેલી જાન્યુઆરીથી રશિયન હીરા પર સીધા પ્રતિબંધની જાહેરાત કરી હતી. આ ઉપરાંત પહેલી માર્ચથી રશિયન હીરાની પરોક્ષ આયાત પર તબક્કાવાર પ્રતિબંધો લાદવામાં આવ્યા આવશે, એમ બુધવારે એક નિવેદનમાં જણાવાયું હતું. જી-સેવન દેશોના આ નિર્ણયથી ભારતની ડાયમંડ ઇન્ડસ્ટ્રીને મોટી અસર થવાની ધારણા છે. વિશ્વના 90 ટકા ડાયમંડનું કટિંગ અને પોલિશિંગ ભારતમાં થાય છે. તેથી ભારત અને વિશ્વના રફ ડાયમંડની સૌથી મોટી ઉત્પાદક કંપની ડી બીયર્સ આ પ્રતિબંધના અમલ અંગે કેટલીક સ્પષ્ટતા માગી હતી. બજારના 30% હિસ્સા સાથે રશિયા વોલ્યુમની રીતે વિશ્વમાં રફ ડાયમંડનું સૌથી વધુ ઉત્પાદન કરે છે.

અમેરિકા સ્થિત રેટિંગ એજન્સી S&P ગ્લોબલ રેટિંગ્સે બુધવારે જણાવ્યું હતું કે ભારત 2030 સુધીમાં વિશ્વની ત્રીજી સૌથી મોટી અર્થવ્યવસ્થા બની જશે, પરંતુ દેશ માટે એક મોટી કસોટી ‘અપાર તક’નો ઉપયોગ કરીને આગામી મોટું વૈશ્વિક ઉત્પાદન હબ બનવાની રહેશે. રેટિંગ એજન્સીએ તેના રીપોર્ટમાં જણાવ્યું હતું કે ભારતનો જીડીપી 7 ટકાના દરે વધી રહ્યો છે અને આગામી સાત વર્ષમાં અમેરિકા અને ચીન પછી ભારત સૌથી મોટી ઈકોનોમી હશે. હાલમાં જર્મની અને જાપાન ત્રીજા અને ચોથા નંબર પર છે જે હવે ભારત કરતા પાછળ રહી જશે.અમેરિકા હાલમાં 25.5 ટ્રિલિયન ડોલરના જીડીપી સાથે ટોચ પર છે,

સાઉથ ઇન્ડિયાની અધધધ… બજેટની છ ફિલ્મોથી બોલીવૂડને મોટો પડકાર

છેલ્લા ઘણા સમયથી બોલીવૂડની સામે સાઉથ ઇન્ડિયન ફિલ્મ ઇન્ડસ્ટ્રીનો દબદબો વધુ જોવા મળે છે. સાઉથમાંથી ઘણી હિટ ફિલ્મો રીલીઝ થઇ રહી છે અને બોક્સ ઓફિસ પર ધમાલ મચાવી છે. હવે નજીકના ભવિષ્યમાં બે બ્લોકબસ્ટર ફિલ્મો આવી રહી છે. આ ઉપરાંત સાઉથની છ ફિલ્મો બોક્સ ઓફિસ પર ધૂમ મચાવે એવી શક્યતા છે અને આ ફિલ્મો માટે કુલ રૂ. 2,135 કરોડ ખર્ચવામાં આવ્યા હોવાનું કહેવાય છે. આ ફિલ્મોના ટીઝર જોઈને ચાહકોમાં તેની આતુરતા વધી છે. કાંતારા: એ લીજેન્ડ ચેપ્ટર 1 સાઉથની ફિલ્મ ‘કાંતારા’ બ્લોકબસ્ટર સાબિત થઈ હતી અને હવે નિર્માતાએ ‘કાંતારા એ લીજેન્ડ ચેપ્ટર 1’નું ટીઝર જાહેર કર્યું છે. જે જોઈને લોકોમાં એક્સાઇટમેન્ટ જોવા મળે છે.

શાહરૂખે ખરીદી ભારતની સૌથી મોંઘી EV કાર

બોલીવૂડના બાદશાહ શાહરૂખ ખાનની નવી ‘ડંકી’ની રિલીઝની તૈયારીઓ ચાલી છે. શાહરુખ ખાન વિવિધ કારનો ચાહક પણ છે. તેના કારના કાફલામાં હુંડાઈની ભારતમાંની સૌથી મોંઘી EV કારનો વધારો થયો છે. તેણે તાજેતરમાં હુંડાઈની ‘Ioniq 5 EV’ કાર ખરીદી હતી. શાહરૂખ કોરિયાની હુંડાઈ મોટર્સ કંપની સાથે 25 વર્ષથી જોડાયેલો રહ્યો છે. તેની પાસે આ કંપનીની અનેક કાર છે. ‘Ioniq 5 EV’ની કિંમત રૂ. 45 લાખ 95 હજાર છે. શાહરૂખ પાસે જેટલી કાર છે એમાં આ પ્રથમ ઈલેક્ટ્રિક વેહિકલ (EV) કાર છે. તેની પાસે ભારતની સૌથી મોંઘી કાર ‘રોલ્સ-રોયસ કલિનન બ્લેક બેજ’ છે, જેની કિંમત રૂ. સાત કરોડ રૂપિયા છે.

અંતે કપિલ શર્મા અને સુનીલ ગ્રોવરના અબોલા તૂટ્યા

ભારતના કોમેડી જગતમાં સૌથી હિટ જોડી કપિલ શર્મા અને સુનીલ ગ્રોવર ફરી એકવાર સાથે જોવા મળશે. બંનેએ પોતાની દુશ્મની ભૂલીને 6 વર્ષ પછી સાથે કામ કરવાનું નક્કી કર્યું છે. આ સુપરહિટ જોડી હવે નેટફ્લિક્સ પર કોમેડી શોમાં જોવા મળશે. આ શોમાં કૃષ્ણા અભિષેક, અર્ચના પુરણ સિંહ, કીકુ શારદા અને રાજીવ ઠાકુર સહિત ‘ધ કપિલ શર્મા શો’ની આખી ટીમ મનોરંજન રજૂ કરશે. 2018માં એક વિવાદ પછી, હાસ્યકાર કપિલ શર્મા અને સુનીલ ગ્રોવર તેમના ચાહકોને હસાવવા માટે પાછા એકસાથે પાંચ ફરી રહ્યાં છે. એક વીડિયોમાં બંનેએ સાથે મળીને આ જાહેરાત કરી છે. આ શોને હજુ સુધી કોઈ નામ આપવામાં આવ્યું નથી.

25 વર્ષ પછી સલમાન-કરણ જોહર…હમ સાથ સાથ હૈ….

સલમાન ખાન અને કરણ જોહરે 25 વર્ષ અગાઉ સાથે એક ફિલ્મ કરી હતી. ત્યારથી તેમની વચ્ચે ઘણીવાર એકબીજા સાથે ફિલ્મ કરવાની ચર્ચાઓ થતી રહેતી હતી. પરંતુ આજ દિન સુધી કોઈ ફિલ્મ આવી નથી. હવે આખરે સલમાન ખાન અને કરણ જોહરે સાથે ફિલ્મ કરવાનું નક્કી કર્યું છે. સલમાને આ વાતની પુષ્ટિ કરી છે અને ફિલ્મનું નામ પણ જાહેર કર્યું છે. અગાઉ એવું કહેવાતું હતું કે, સલમાને વિષ્ણુ વર્ધન દ્વારા દિગ્દર્શિત ફિલ્મ સાઈન કરી છે, જેનું નિર્માણ કરણ જોહરના ધર્મા પ્રોડક્શન દ્વારા થશે. હવે અભિનેતાએ ફિલ્મનું નામ જાહેર કર્યું છે. સલમાન ખાને મીડિયાને જણાવ્યું હતું કે, “હું ધ બુલ નામની ફિલ્મ કરી રહ્યો છું.