અયોધ્યામાં રામજન્મભૂમિ મંદિરમાં સોમવાર, 22 જાન્યુઆરીએ રામ લલ્લાની મૂર્તિની પ્રાણ પ્રતિષ્ઠા સાથે સમગ્ર દેશ રામમય બન્યો હતો. દેશભરમાં હર્ષ અને ઉત્સાહના વાતાવરણ સાથે વિશ્વભરના હિન્દુઓની આશરે 550 વર્ષની આતુરતાનો અંત આવ્યો હતો. એક સપ્તાહ લાંબી પૂજા વિધિ પછી વડાપ્રધાન નરેન્દ્ર મોદીના હસ્તે થયેલી પ્રાણ પ્રતિષ્ઠા દરમિયાન મંદિરના ગર્ભગૃહમાં ઉત્તરપ્રદેશના રાજ્યપાલ આનંદીબેન પટેલ, મુખ્યપ્રધાન યોગી આદિત્યનાથ, મહંત નૃત્ય ગોપાલદાસજી તથા રામ મંદિરના ટ્રસ્ટીઓ ઉપસ્થિત રહ્યાં હતા. આ સમગ્ર ભવ્ય-દિવ્ય પ્રસંગે આર્મીના હેલિકોપ્ટરોએ અયોધ્યા પર પુષ્પવર્ષા કરી હતી અને 30 કલાકારોએ રામ મંદિર પરિસરમાં વિવિધ ભારતીય સંગીતનાં વાદ્યો વગાડ્યાં હતાં. રામમંદિરમાં રામ લલ્લાની મૂર્તિની પ્રાણ પ્રતિષ્ઠા વિધિ સવારે 12:29થી 12:30 કરવામાં આવી હતી. વડાપ્રધાને બપોરે 12:05 થી 12:55 સુધી પ્રાણ પ્રતિષ્ઠા સમારોહની ધાર્મિક વિધિમાં ભાગ લીધો હતો.

અયોધ્યામાં પ્રાણ પ્રતિષ્ઠા સંપન્ન થયા પછી મંદિર પ્રાંગણમાં મહેમાનોની વચ્ચે વડાપ્રધાન મોદીએ જણાવ્યું હતું કે અભૂતપૂર્વ ધીરજ, અસંખ્ય બલિદાન અને આકરી તપસ્યા પછી આપણા ભગવાન રામનું આગમન થયું છે. હું આ અવસર પર દેશને અભિનંદન આપું છું.

વડાપ્રધાન નરેન્દ્ર મોદીએ સોમવારે અયોધ્યામાં રામંદિરની પ્રાણ પ્રતિષ્ઠા વિધિ કરી હતી. મુઘલ યુગની બાબરી મસ્જિદની જગ્યા પર બનેલા રામ મંદિરની મુલાકાતે દર વર્ષે 100 મિલિયન પ્રવાસીઓ આવવાનો અંદાજ છે.

ભારત અને અમેરિકાના દ્વિપક્ષીય સંબંધો ભવિષ્યમાં વધુ ગાઢ બનશે તેના પર ભાર મૂકીને અમેરિકા સ્થિત ભારતીય રાજદૂત તરનજિત સિંહ સંધુએ શનિવારે જણાવ્યું હતું કે યુએસ-ભારત સંબંધો માત્ર બે દેશો માટે જ નહીં, પરંતુ સમગ્ર વિશ્વના હિત માટે પણ ખૂબ જ મહત્વપૂર્ણ છે.

સિલિકોન વેલીની બે સરકારી શાળાઓ તેમના અભ્યાસક્રમમાં વિશ્વ ભાષા તરીકે હિન્દીનો સમાવેશ કરશે. આની સાથે કેલિફોર્નિયાની કોઇ સ્કૂલોમાં પ્રથમ વખત વિદ્યાર્થીઓને હિન્દી ભાષાનો પણ વિકલ્પ મળશે.

કિંગફિશરના ભાગેડુ અપરાધી વિજય માલ્યા, હીરાના વેપારી નીરવ મોદી અને સંરક્ષણ વેપારી સંજય ભંડારીના પ્રત્યાર્પણને ઝડપી બનાવવા માટે ભારતની તપાસ એજન્સીઓની ટીમ યુકેની મુલાકાત લેવાની વિચારણા કરી રહી છે.

નવી દિલ્હીમાં અમેરિકા સાથેની ટ્રેડ પોલિસી ફોરમ (TPF) બેઠકમાં ભારતે શનિવારે યુએસના બિઝનેસ વિઝા મેળવવામાં થતાં વિલંબ અંગે ચિંતા વ્યક્ત કરી હતી. ભારતે વેપારીઓ અને રોકાણકારો માટે યુએસ વિઝાની ફાસ્ટ ટ્રેક પ્રોસેસ ચાલુ કરવાની રજૂઆત કરી હતી.

​​ગયા વર્ષના છેલ્લાં ક્વાર્ટરમાં ભારતના વિદ્યાર્થીઓને કેનેડાએ જારી કરેલી સ્ટડી પરમિટમાં 86 ટકાનો ધરખમ ઘટાડો થયો છે. ગયા વર્ષના છેલ્લા ક્વાર્ટરમાં કેનેડાએ ભારતના 14,910 વિદ્યાર્થીઓને સ્ટડી પરમિટ આપી હતી,

વડોદરા શહેરના હરણી વિસ્તાર ખાતે આવેલા મોટનાથ તળાવમાં ગુરુવારે બોટ પલટી ખાઈ જતાં 13 વિદ્યાર્થી, બે શિક્ષકો સહિત 15 વ્યક્તિઓના મોત થયા હતાં. દુર્ઘટના સમયે બોટમાં 27 લોકો સવાર હોવાનું માનવામાં આવે છે.

ગુજરાત કોંગ્રેસને વધુ ફટકો પડ્યો છે. પાર્ટીના વરિષ્ઠ નેતા સી જે ચાવડાએ ઉત્તર ગુજરાતના વિજાપુર મતવિસ્તારના ધારાસભ્ય તરીકે રાજીનામું આપ્યું હતું અને તે ભાજપમાં જોડાય તેવી શક્યતા છે.

ભારતે ગયા સપ્તાહે પુરી થયેલી અફઘાનિસ્તાન સામેની ઘરઆંગણેની ત્રણ ટી-20 મેચની સીરીઝની ત્રીજી અને છેલ્લી ટી-20માં બુધવારે (17 જાન્યુઆરી) રાત્રે બેંગલુરૂમાં બે સુપર ઓવર પછી અફઘાનિસ્તાનને 10 રને હરાવ્યું હતું.

ભારતીય ટીમના સુકાની રોહિત શર્માએ અફઘાનિસ્તાન સામેની ત્રીજી ટી-20માં બુધવારે ઝમકદાર અણનમ સદી સાથે ટી-20માં પાંચમી સદી નોંધાવી હતી અને એ સાથે તેણે આ ફોર્મેટમાં સૌથી વધુ સદીનો રેકોર્ડ કર્યા હતો.

ભારત સાથે પાંચ ટેસ્ટ મેચની સીરીઝ માટે ઈંગ્લેન્ડની ક્રિકેટ ટીમ રવિવારે (21 જાન્યુઆરી) રાત્રે ભારતમાં હૈદરાબાદ પહોંચી ગઈ હતી. સીરીઝની પ્રથમ ટેસ્ટ મેચ હૈદરાબાદમાં જ ગુરૂવાર (25 જાન્યુઆરી) થી રમાશે. પાંચમી અને અંતિમ ટેસ્ટ મેચ 7 માર્ચથી

ભારતીય ટેનિસ સ્ટાર સાનિયા મિર્ઝાથી અલગ થઈને પાકિસ્તાના દિગ્ગજ ક્રિકેટર શોએબ મલિકે પાકિસ્તાની અભિનેત્રી સના જાવેદ સાથે ત્રીજા લગ્ન કર્યા છે. મલિકે શનિવારે સોશિયલ મીડિયા પોસ્ટમાં લગ્ન સમારંભની તસવીરો મૂકીને આ અંગેની જાહેરાત કરી હતી.