રેપના આરોપમાં અમદાવાદની પોલીસે બુધવારે કેડિલા ફાર્માસ્યુટિકલ્સના ચેરમેન અને મેનેજિંગ ડાયરેક્ટર રાજીવ મોદીને ક્લીનચિટ આપી હતી. 2022માં તેમની કંપનીમાં ફ્લાઇટ એટેન્ડન્ટ તરીકે જોડાનાર એક બલ્ગેરિયન યુવતીએ તેમના પર બળાત્કારનો આરોપ મૂક્યો હતો. લગભગ પાંચ કલાક સુધી રાજીવ મોદીની પૂછપરછના છ દિવસ પછી સોલા હાઈકોર્ટના પોલીસ ઈન્સ્પેક્ટર આર એચ સોલંકીએ બુધવારે નવરંગપુરાની જ્યુડિશિયલ મેજિસ્ટ્રેટની કોર્ટમાં ‘એક સમરી’ રિપોર્ટ દાખલ કર્યો હતો, જેમાં જણાવ્યું હતું કે મોદી અને અન્ય આરોપી, તેમના કર્મચારી, જોન્સન મેથ્યુ વિરુદ્ધ કોઈ પુરાવા મળ્યા નથી.

આર્ટિફિશિયલ ઈન્ટેલિજન્સ (AI)માં સર્વોપરિતા માટેની વૈશ્વિક રેસ ‘હનૂમાન’ના આગમન પછી વધુ તીવ્ર બનશે. ભારતના બિલિયોનેર ઉદ્યોગપતિ મુકેશ અંબાણીની આગેવાની હેઠળની રિલાયન્સ દ્વારા સમર્થિત એઆઇ ટુલ હનુમાન માર્ચમાં લોન્ચિંગ માટે તૈયાર છે. હનુમાન એક ChatGPT જેવું જ AI ચેટબોટ હોવાનું કહેવાય છે અને તેને BharatGPT લોન્ચ કરશે. અહેવાલો મુજબ હનુમાનને ભારતજીપીટીએ વિકસાવ્યું છે. આ કન્સોર્ટિયમમાં રિલાયન્સ અને ભારતના આઠ પ્રતિષ્ઠિત યુનિવર્સિટીઓનો સમાવેશ થાય છે.

એરપોડ્સ અને મેક્સ જેવી જાણીતી પ્રોડક્સ્ટની ઑડિઓ સુવિધાઓની દેખરેખ રાખતી હાર્ડવેર ટીમમાં અગ્રણી ટેકનોલોજી કંપની એપલે મોટા ફેરફાર કર્યા છે. એપલના અકુસ્ટિક્સ ડિવિઝનના વડા ગેરી ગ્રીવ્સ રાજીનામું આપી રહ્યાં છે અને કંપનીએ તેમની જગ્યાએ રૂચિર દવેની નિમણુક કરી હોવાનો બ્લૂમબર્ગે અહેવાલ આપ્યો હતો. રૂચિર દવે એકુસ્ટિક્સ ડિવિઝનના વાઇસ પ્રેસિડેન્ટનું પદ સંભાળવા જઈ રહ્યા છે. જોકે આ અંગે કંપનીએ હજુ કોઇ સત્તાવાર જાહેરાત કરી નથી. બ્લૂમબર્ગનો અહેવાલ મુજબ આ હિલચાલથી વાકેફ લોકોએ દવેની નવી ભૂમિકા અંગે માહિતી આપી છે. એપલની હાર્ડવેર ટીમમાં લગભગ 300 કર્મચારીઓ છે અને કંપનીના હોમપેડ,એરપોડ્સ અને સ્પીકર્સ બિઝનેસમાં નિર્ણાયક ભૂમિકા ભજવે છે. તે સાઉન્ડ અને માઇક્રોફોન ટેક્નોલોજીઓમાં પ્રગતિની પણ દેખરેખ રાખે છે.

વિખ્યાત ગઝલ ગાયક પંકજ ઉધાસનું નિધન

‘ચિઠ્ઠી આયે હૈ’ અને ‘ઔર આહિસ્તા કિજીયે બાતેં’ માટે પ્રખ્યાત બનેલા ગઝલ ગાયક પંકજ ઉધાસનું લાંબી માંદગી પછી સોમવાર, 26 ફેબ્રુઆરીએ મુંબઈમાં અવસાન થયું હતું. તેઓ 72 વર્ષના હતાં. ઉધાસે સાથી સંગીતકારો જગજીત સિંહ અને તલત અઝીઝ સાથે મળીને સમગ્ર ભારતમાં ગઝલ સંગીતને લોકપ્રિય બનાવવામાં મહત્વની ભૂમિકા ભજવી હતી. તેમની પુત્રી નાયાબે એક ઇન્સ્ટાગ્રામ પોસ્ટમાં લખ્યું કે ખૂબ જ ભારે હૃદય સાથે તમને જણાવીએ છીએ કે 26મી ફેબ્રુઆરી 2024ના રોજ લાંબી માંદગીને કારણે પદ્મશ્રી પંકજ ઉધાસનું દુઃખદ અવસાન થયું હતું. પંકજ ઉધાસે બોલીવુડમાં ઘણા યાદગાર ગીતો અને ગઝલો ગાઈ હતી અને પોતાના સુમધુર અવાજથી દેશ-વિદેશમાં લાખો લોકોને પોતાના ચાહક બનાવ્યા હતાં. 1980માં તેમણે તેમનું પ્રથમ ગઝલ આલ્બમ, “આહત” બહાર પાડ્યું હતું, જે એક સફળ કારકિર્દીની શરૂઆતનો સંકેત હતું.

દાદાસાહેબ ફાળકે ઈન્ટરનેશનલ ફિલ્મ ફેસ્ટિવલ એવોર્ડઃ શાહરૂખ શ્રેષ્ઠ અભિનેતા

બોલીવૂડમાં ફિલ્મફેર એવોર્ડ અને દાદાસાહેબ ફાળકે ઈન્ટરનેશનલ ફિલ્મ ફેસ્ટિવલ એવોર્ડની સૌથી પ્રતિષ્ઠિત સન્માન માનવામાં આવે છે. દર નવા વર્ષની શરૂઆતમાં બોલીવૂડ અને ટીવી જગતના સ્ટાર્સ આ એવોર્ડ સમારોહની આતુરતાથી રાહ જુએ છે. 2024નો દાદાસાહેબ ફાળકે ઈન્ટરનેશનલ ફિલ્મ ફેસ્ટિવલ એવોર્ડ વિતરણ સમારંભ તાજેતરમાં મુંબઈ ખાતે યોજાયો હતો. જેમાં બોલીવૂડના બાદશાહ શાહરૂખ ખાનને સર્વશ્રેષ્ઠ અભિનેતા તરીકે સન્માનિત કરવામાં આવ્યા હતા. શાહરૂખને ફિલ્મ જવાન માટે શ્રેષ્ઠ અભિનેતાનો એવોર્ડ આપવામાં આવ્યો હતો.

બોલીવૂડમાં આ વર્ષે વધુ કિલકારીઓ ગુંજશે

ઘણા સમયથી બોલીવૂડમાં જેની અટકળો હતી તે અનુષ્કા શર્માએ તાજેતરમાં પુત્ર અકાયને જન્મ આપ્યો હતો. ક્રિકેટર વિરાટ કોહલી અને અભિનેત્રી અનુષ્કા શર્માના બીજા સંતાન અંગે સોશિયલ મીડિયામાં ઘણા સમયથી ચર્ચાઓ થતી હતી, પરંતુ તે બંને આ અંગે છેલ્લે સુધી મૌન રહ્યા હતા. તેમણે પુત્રના જન્મના છ દિવસ પછી તે અંગે જાહેરાત કરી હતી. આ વર્ષે બોલીવૂડમાં બીજા બે દંપત્તીઓને ત્યાં પ્રથમ બાળકની કિલકારી ગુંજશે તેવા સમાચાર બહાર આવી રહ્યા છે. અભિનેતા વરુણ ધવન અને નતાશા દલાલ ટૂંક સમયમાં પપ્પા-મમ્મી બનવાના છે. વરુણ ધવને પોતાના સોશિયલ મિડિયા એકાઉન્ટ દ્વારા નતાશા પ્રેગનન્ટ હોવાની જાહેરાત કરી છે. વરૂણ ધવને પત્ની નતાશા સાથેની એક તસવીર પોસ્ટ કરી હતી, જેમાં તે નતાશાના બેબી બમ્પને કિસ કરતો નજરે પડે છે. વરૂણે બ્લેક એન્ડ વ્હાઇટ ફોટો સાથે કેપ્શનમાં લખ્યું છે,