એશિયન હેલ્થકેર કર્મચારીઓએ કોવિડ-19 રોગચાળા દરમિયાન ખૂબ જ તણાવ અને થાક સહન કર્યા હોવાનું જાહેર કર્યું છે. આ કટોકટી દરમિયાન શ્યામ, એશિયન અને અન્ય એથનિક માઇનોરિટી BAME વર્કફોર્સ માનસિક આરોગ્યની વધતી સમસ્યાઓથી પીડાઈ રહ્યો છે એવા ડેટા બહાર આવ્યા છે.

બોરીસ જ્હોન્સનની સરકારને ઇયુ સાથેની બ્રેક્ઝિટ કેન્ટ્રેક્ટની કેટલીક બાબતોને ઓવરરાઈડ કરવાની સત્તા આપતા સૂચિત કાયદાએ હોઉસ ઓફ કોમન્સમાં તેનો પહેલી અવરોધ પસાર કરી દીધો છે. સાંસદોએ આ ઇન્ટરનલ માર્કેટ બિલ 340 મતોની બહુમતીથી સમર્થન આપ્યું હતું. જ્યારે તેના વિરોધમાં 263 મત આવ્યા હતા.

સરકાર આગામી મહિને વેતન સબસિડી યોજના ફર્લોનો અંત લાવનાર છે ત્યારે સાંસદોના પ્રભાવશાળી જૂથે ચાન્સેલર ઋષિ સુનકને અર્થવ્યવસ્થાના સંઘર્ષ કરતા ક્ષેત્રોને ટેકો આપવાનું ચાલુ રાખવા જણાવ્યું છે અને તેમના નિર્ણય પર પુનર્વિચારણા કરવા દબાણ કરનાર છે.

અમેરિકામાં પ્રેસિડન્ટની ચૂંટણીમાં ઇન્ડિયન અમેરિકન મતદારોને આકર્ષવા માટે બોલિવૂડની સુપરહિટ ફિલ્મ લગાનના લોકપ્રિય ગીત ચલે ચલો પરથી મ્યુઝિકલ વિડિયો રિમિક્સ બનાવવામાં આવ્યું છે. ડેમોક્રેટિક પાર્ટીના સભ્યોએ આ વિડિયો રિલીઝ કર્યો છે અને તેને ઘણા સાઉથ એશિયન ઓર્ગેનાઇઝેશન સપોર્ટ કરી રહ્યા છે, જેમાં સાઉથ એશિયન ફોર બિડેન, ઇમ્પેક્ટ ફંડ, ઇન્ડિયન ફોર બિડેન નેશનલ લીડરશીપ કાઉન્સિલનો સમાવેશ થાય છે.

પાકિસ્તાનની એક ભ્રષ્ટાચાર વિરોધી કોર્ટે બુધવારે (9 સપ્ટેમ્બર) તોશાખાના ભ્રષ્ટાચાર કેસમાં ભૂતપૂર્વ પ્રમુખ આસિફ અલી ઝરદારી તથા ભૂતપૂર્વ વડા પ્રધાન યુસુફ રઝા ગિલાનીને કસુરવાર ઠરાવ્યા હતા, તો બીજા એક ભૂતપૂર્વ વડાપ્રધાન નવાઝ શરીફને ભાગેડુ જાહેર કર્યા હતા. આ કેસમાં સરકારી તિજોરીને ભારે નુકશાન થયાનું જણાય છે.

શક્ય પ્રતિકૂળ આડઅસરોની તાત્કાલિક તપાસ માટે થોડોક સમય માટે થોભાવ્યા પછી ઑક્સફર્ડ યુનિવર્સિટીના સંભવિત કોરોનાવાયરસ રસીના પરીક્ષણો સેફ્ટી વોચડોગ્સથી લીલીઝંડી મળ્યા બાદ એસ્ટ્રાઝેનેકા દ્વારા બ્રિટિશ ક્લિનિકલ ટ્રાયલ્સ ફરીથી શરૂ કર્યા છે. ઑક્સફર્ડ યુનિવર્સિટી સાથે કામ કરતા બ્રિટીશ દવા ઉત્પાદક એસ્ટ્રાજેનેકાએ બ્રિટિશ મહિલા વોલંટીયર્સે કરોડરજ્જુને અસર કરતી બીમારી ટ્રાંસ્વર્સ મેલિટીસ (ટીએમ)ના લક્ષણો બતાવ્યા પછી ટ્રાયલ અટકાવ્યા હતા.

તિબેટ અને તાઇવાનથી દૂર રહેવાની સલાહ આપનાર ચીન ખુદ ભારતના મૂળભૂત હિતોને નજરઅંદાજ કરી તંગદિલી વધારવામાં લાગી ગયું છે. આની પાછળનું કારણ હવે જાણવા મળ્યું છે. ચીન-પાકિસ્તાન ઇકોનોમિક કોરિડોર (CPEC)ની અંતર્ગત જ્યાં ચીન પાકિસ્તાનમાં 87 બિલિયન ડોલરનું રોકાણ કરી રહ્યું છે ત્યાં ચુપચાપ પાકિસ્તાનના કબજા હેઠળના કાશ્મીર (POK)ના ગિલગિટ વિસ્તારમાં પાકિસ્તાની સેનાની મદદથી લશ્કરી થાણું ઊભું કરવામાં લાગી ગયું છે. ચીન અને પાકિસ્તાનની આ નાપાક ચાલના લીધે લદ્દાખમાં તંગદિલી વધી રહી છે.

અમેરિકામાં પ્રતિનિધિગૃહે એક વર્ષ પહેલા ફરજ દરમિયાન ગોળીબારથી માર્યા ગયેલા શહીદ ઇન્ડિયન અમેરિકન પોલિસ ઓફિસર સંદીપ સિંઘ ઢાલીવાલનું નામ હ્યુસ્ટનની પોસ્ટ ઓફિસ સાથે જોડી તેનું બહુમાન કરવાના ખરડાને સર્વસંમતીથી બહાલી આપી છે.

ફ્રાન્સથી લાવવામાં આવેલા આધુનિક યુદ્ધ વિમાનો રાફેલને ગુરુવારે સવારે ભારતીય હવાઇ દળના અંબાલા મથક પરથી ફ્લાયપાસ્ટ કર્યા બાદ હવાઇ દળમાં સામેલ કરવામાં આવ્યા હતા. રાફેલ માટેના ખાસ ભવ્ય સમારંભમાં ભારતના સંરક્ષણ પ્રધાન રાજનાથ સિંઘ અને ફ્રાન્સના સંરક્ષણ પ્રધાન ફ્લોરેન્સ પાર્લે હાજર હતાં.

1984 પછી પહેલીવાર શીખોના સર્વોચ્ચ તીર્થધામ અમૃતસરના સુવર્ણ મંદિરને વિદેશમાંથી દાન લેવાની પરવાનગી આપવામાં આવી છે. આ પરવાનગી આગામી પાંચ વર્ષ માટેની છે.

કોવિડ-19ના કારણે પાછી ઠેલાયા પછી મોડેથી રમાયેલી એક મહત્ત્વની ગ્રાંડ સ્લેમ ટેનિસ ટુર્નામેન્ટ – યુએસ ઓપનમાં ઓસ્ટ્રીઆનો ડોમિનિક થિએમ અને જાપાનની નાઓમી ઓસાકા અનુક્રમે પુરૂષો અને મહિલા વર્ગમાં ચેમ્પિયન બન્યા છે. ઓસાકાએ શનિવારે રમાયેલી ફાઈનલમાં બેલારૂસની, અગાઉ વર્લ્ડ નં. 1 રહી ચૂકેલી વિક્ટોરીઆ અઝારેન્કાને 1-6, 6-3, 6-3થી હરાવી હતી, તો રવિવારે રમાયેલી પુરૂષોની સિંગલ્સની ફાઈનલમાં થિએમે જર્મનીના એકેઝાન્ડર ઝવેરેવને ચાર કલાકથી વધુ ચાલેલા મુકાબલામાં 2-6, 4-6, 6-4, 6-3, 7-6 (8/6) થી હરાવ્યો હતો.

ફ્રાન્સમાં કોરોનાના કેસોમાં વધારો થઈ રહ્યો હોવા છતાં 27 સપ્ટેમ્બરથી ફ્રેન્ચ ઓપન ટેનિસ ટુર્નામેન્ટ રમાશે. આ ટુર્નામેન્ટમાં દર્શકોને સ્ટેડિયમમાં આવવાની પરવાનગી મળશે. ટુર્નામેન્ટના આયોજકોએ સોમવારે આ માહિતી આપી હતી. આયોજકોએ ગ્રાન્ડ સ્લેમ માટે આરોગ્યની માર્ગદર્શિકા પણ જારી કરી છે. તેનાથી ખેલાડીઓનો દર પાંચમા દિવસે કોરોના ટેસ્ટ થશે.