યુકેમાં ઓમિક્રોન વાઇરસના કારણે પ્રથમ મૃત્યુ થયું હોવાની જાહેરાત કરાઇ છે. કોવિડ રોગચાળાના કારણે ભયાનક ખાનાખરાબી પછી નવા કોવિડ વેરીઅન્ટ ઓમિક્રોનના ભયાનક જુવાળમાંથી બચાવવા વડા પ્રધાન બોરિસ જૉન્સને “ઓમિક્રોન કટોકટી” જાહેર કરી તેનો સામનો કરવા આ અઠવાડિયાથી ઇંગ્લેન્ડમાં 18 વર્ષથી વધુ ઉંમરના દરેકને બૂસ્ટર જેબ્સ આપવાની જાહેરાત કરી હતી.

યુગાન્ડાના એશિયન ડાયસ્પોરાના સદસ્યો 1972માં ક્રૂર સરમુખત્યાર ઈદી અમીન દ્વારા એશિયનોને હાંકી કાઢવાની 50મી વર્ષગાંઠની ઉજવણી કરવા માટે ભેગા થઇ રહ્યા છે ત્યારે યુગાન્ડાના રાષ્ટ્રપતિ યોવેરી મુસેવેની દ્વારા ઇસ્ટ આફ્રિકાના અગ્રણી પરિવારોમાંના એક પરિવારના સભ્ય એવા નિમિષા માધવાણીની વરણી યુકેના હાઈ કમિશનર તરીકે નિયુક્તી કરવામાં આવી છે.

અમેરિકાના મિડવેસ્ટના કેટલાય રાજ્યોમાં ગયા સપ્તાહે શુક્રવારે મધ્ય રાત્રીથી શનિવાર સવાર સુધી શ્રેણીબદ્ધ વંટોળિયાઓએ (ટોર્નેડોઝ) અનેક શહેરોને ધમરોળી વ્યાપક વિનાશ વેર્યો હતો.

ગળાકાપ સ્પર્ધાના અંતે મિસ યુનિવર્સ 2021 તરીકે ભારતની હરનાઝ સંધૂની પસંદગી થઇ છે. 12 ડિસેમ્બરે ઈઝરાયેલ ખાતે યોજાયેલી 70મી મિસ યુનિવર્સ સ્પર્ધા યોજાઈ હતી વિશ્વભરમાંથી 75થી વધુ સુંદરીઓ આવી હતી.

કોરોનાના ઓમિક્રોન વેરિયન્ટ સામે કોવિડ વેક્સિનના બે ડોઝ પૂરતા નથી અને આ ઝડપી સ્વરૂપ બદલતા આ વેરિન્ટને અટકાવવા માટે બૂસ્ટર ડોઝ જરૂરી છે, એમ બ્રિટનના એક અભ્યાસમાં જણાવાયું છે.

મહેસાણા જિલ્લાના ઊંઝાના ધારાસભ્ય આશાબેન પટેલનું ડેન્ગ્યૂને કારણે રવિવારે અવસાન થયું હતું. તેમની ઉંમર 44 વર્ષ હતી. અમદાવાદમાં સારવાર દરમિયાન નિધન થયા બાદ તેમના પાર્થિવ દેહને ઊંઝા લઈ જવામાં આવ્યો હતો.

ગુજરાતમાં 10 જાન્યુઆરીએ વાયબ્રન્ટ સમીટ માટે રાજ્યના મુખ્યપ્રધાન ભૂપેન્દ્ર પટેલના વડપણ હેઠળના એક પ્રતિનિધિમંડળ બે દિવસ દુબઈના પ્રવાસ ગયું હતું. આ દરમિયાન રોડ શો થયો હતો અને દુબઇના ઉદ્યોગપતિઓ સાથે 19 સમજૂતીપત્ર (એમઓયુ) પર હસ્તાક્ષ કરવામાં આવ્યા હતા.

જામનગરમાં શુક્રવારે કોરોનાના નવા વેરિયન્ટ ઓમિક્રોનનના નવા બે કેસ નોંધાયા હતા. અગાઉ ઝિમ્બાબ્વેથી જામનગર આવેલા 72 વર્ષના વ્યક્તિ ઓમિક્રોન પોઝિટવ આવ્યા હતા. આ વૃદ્ધના સંપર્ક સંપર્કમાં આવેલી બે વ્યક્તિ પણ ઓમિક્રોન પોઝિટિવ આવ્યા છે.

રશિયાના પ્રેસિડન્ટ વ્લાદિમીર પુતિન છ ડિસેમ્બરે ભારતના મહેમાન બન્યા હતા ત્યારે ગુજરાતનું ખંભાત ચર્ચાનો વિષય બન્યું હતું. તેનું કારણ એ છે મોદીએ પુતિનને ખંભાતના અકીકના બાઉલ ભેટમાં આપ્યા હતા.

કોરોનાના નવા વેરિયન્ટ ઓમિક્રોનના ભય વચ્ચે ગુજરાત સરકારે શુક્રવારે આઠ મહાનગરોમાં નાઇટ કર્ફ્યૂને 31 ડિસેમ્બર સુધી લંબાવ્યો છે. રાજ્યના જે આઠ મહાનગરપાલિકામાં નાઈટ કર્ફ્યૂ લંબાવવામાં આવ્યો છે તેમાં, અમદાવાદ, સુરત, વડોદરા, રાજકોટ, ભાવનગર, જુનાગઢ, જામનગર અને ગાંધીનગરનો સમાવેશ થાય છે.

ઓસ્ટ્રેલિયા અને ઈંગ્લેન્ડ વચ્ચે ઓસ્ટ્રેલિયામાં શરૂ થયેલી એશિઝ જંગની પહેલી ટેસ્ટમાં ઈંગ્લેન્ડનો ઓસ્ટ્રેલિયા સામે 10 વિકેટે કારમો પરાજય થયો હતો.
ઓસ્ટ્રેલિયાએ ચોથા જ દિવસે ઈંગ્લેન્ડને 9 વિકેટે હરાવી પાંચ ટેસ્ટની સીરીઝમાં 1-0ની સરસાઈ સ્થાપિત કરી હતી.

ભારતીય ક્રિકેટ ટીમ આ મહિને સાઉથ આફ્રિકાના પ્રવાસે જવાની છે અને એ સીરીઝમાં ટેસ્ટ ટીમમાં રોહિત શર્માને વાઈસ કેપ્ટન તેમજ વન-ડે ટીમમાં સુકાની બનાવાયો હતો, પણ સોમવારે ભારતીય ક્રિકેટ બોર્ડે કરેલી જાહેરાત મુજબ રોહિત શર્માને મુંબઈમાં પ્રેકટીસ દરમિયાન ઈજા થતાં હવે તે સાઉથ આફ્રિકા સામેની ત્રણ ટેસ્ટ મેચની સીરીઝમાં રમી શકે તેમ નથી.

ભારતીય ક્રિકેટ બોર્ડે એક મહત્વના નિર્ણયમાં વિરાટ કોહલીને વન-ડે ટીમના કેપ્ટન તરીકે હટાવી દીધો હતો. કોહલીએ ટી-20માં સુકાનીપદ છોડવાનો પોતે જ નિર્ણય લીધો હતો, પણ વન-ડેનું સુકાનીપદ છોડવાની તેની ઈચ્છા નહોતી, તેનાથી વિપરિત એવું કહી શકાય કે એ પદેથી હટવાનો તેનો ઈરાદો નહીં હોવા છતાં તેને હટાવી દેવાયો છે.

ભારતમાં ક્રિકેટ માટેનું આકર્ષણ અનેરુ છે અને તે ફરીએકવાર પુરવાર થયું છે. આ વર્ષના ગૂગલના ટ્રેન્ડિંગ ક્વેરીમાં કોરોના વેક્સિન કે કો-વિન પોર્ટલની પાછળ રાખીને ઇન્ડિયન પ્રીમિયર લીગ (આઇપીએલ) અને આઇસીસી ટી-20 વર્લ્ડ કપ ટોચના સ્થાને રહ્યાં છે, એમ ગૂગલ ઇન્ડિયાના યર ઇન સર્ચ 2020માં જણાવાયું હતું.