એપલની કોન્ટ્રાક્ટ મેન્યુફેક્ચરર અને તાઈવાનની અગ્રણી સેમીકન્ડક્ટર ઉત્પાદક ફોક્સકોને તેના નવા પ્રોજેક્ટ માટે બેંગલુરુમાં રૂ.300 કરોડમાં 300 એકર જમીન ખરીદી છે. આ સોદો તેની પેટાકંપની ફોક્સકોન હોન હાઈ ટેક્નોલોજી મારફત કરાયો છે. ફોક્સકોન એપલની પ્રોડક્ટની સૌથી મોટી ઉત્પાદક છે. ફોક્સકોનના બેંગલુરુ પ્લાન્ટમાં એપલ પ્રોડક્ટ્સ ઉપરાંત અન્ય ઈલેક્ટ્રોનિક્સનું ઉત્પાદન કરવામાં આવશે. એપલ ધીમે ધીમે ચીન પર પોતાનો આધાર ઘટાડી રહી છે અને ભારતમાં પણ તેની હાજરીમાં વધારો થયો છે. ભારતમાં ફોક્સકોનના બીજા રોકાણ પણ છે.

ભારત સરકારે લશ્કરી દળો માટેની ખરીદીમાં આત્મનિર્ભરતા હાંસલ કરવા માટે રવિવારે વધુ એક મહત્ત્વનું પગલું ભર્યું હતું. મંત્રાલયે માત્ર ઘરેલુ સંરક્ષણ ઉદ્યોગ પાસેથી ખરીદી શકાય તેવા મિલિટરી કમ્પોનન્ટ અને સબસિસ્ટમની ચોથી યાદીને મંજૂરી આપી હતી. તેમાં 928 આઇટમનો સમાવેશ કરાયો છે. તેના પર તબક્કાવાર ધોરણે આગામી સાડા પાંચ વર્ષ માટે આયાત પ્રતિબંધ અમલી બનશે. સંરક્ષણ મંત્રાલયે જણાવ્યું હતું કે સંરક્ષણ ઉત્પાદનમાં ‘આત્મનિર્ભરતા’ને પ્રોત્સાહન આપવાની યોજના ભાગરૂપે આ નિર્ણય લેવામાં આવ્યો છે.

ચીનની ઓટો ક્ષેત્રની અગ્રણી કંપની SAICની માલિકીની MG મોટર ભારત ખાતેના તેના કાર બિઝનેસનો બહુમતી હિસ્સો વેચવા માટે વિચારણા કરી રહી છે અને આ હિસ્સો ખરીદવાની સ્પર્ધામાં રિલાયન્સ ઇન્ડસ્ટ્રીઝ, હીરો ગ્રૂપ, પ્રેમજી ઇન્વેસ્ટ અને JSW ગ્રૂપ સહિતની અગ્રણી કંપનીઓ સામેલ છે, એમ ગુરુવારે મીડિયા રીપોર્ટમાં જણાવ્યું હતું. બિલિયોનેર મુકેશ અંબાણીના વડપણ હેઠળની રિલાયન્સ ઈન્ડસ્ટ્રીઝ અત્યારે ઓઈલ રિફાઈનરીથી લઈને ટેલિકોમ, રિટેલ, મીડિયા સહિતના બિઝનેસમાં હાજરી ધરાવે છે.

ગંભીર આર્થિક અને રાજકીય કટોકટીનો સામનો કરી રહેલા પાકિસ્તાનના ચલણમાં પણ તીવ્ર ઘટાડો થયો છે. પાકિસ્તાનના ઇતિહાસમાં પ્રથમવાર ગુરુવારે ડોલર સામે રૂપિયો 300થી નીચી સપાટીએ ગબડ્યો હતો. ભ્રષ્ટાચારના કેસમાં પૂર્વ વડાપ્રધાન ઇમરાન ખાનની ધરપકડ બાદ દેશના જુદા જુદા ભાગોમાં હિંસા ફાટી નીકળ્યાં પછીથી પાકિસ્તાની રૂપિયાને મોટો ફટકો પડ્યો છે. કરન્સી ડીલરોના જણાવ્યા અનુસાર દિવસનું ટ્રેડિંગ સમાપ્ત થાય તે પહેલા એક તબક્કે યુએસ ડોલર ખુલ્લા બજારમાં 301 રૂપિયાના ભાવે વેચાઈ રહ્યો હતો, બીજી તરફ ઇન્ટરબેન્ક ફોરેક્સ માર્કેટમાં ડોલર સામે રૂપિયો 299ના સ્તરે પટકાયો હતો.

લગ્ન પછી ઝડપથી માતા બનેલી અભિનેત્રીઓ

બોલીવૂડમાં અભિનેત્રીઓ કારકિર્દીને વધુ પ્રાથમિકતા આપતી હોવાથી લગ્ન કરવામાં કે માતા બનવામાં વધુ સમય લે છે. જોકે, હવે તો સ્થિતિ ઘણી બદલાતી જોવા મળે છે કે લગ્ન વગર જ કેટલીક અભિનેત્રીઓ માતા બની છે. પરંતુ અહીં આ મુદ્દે નહીં પણ એવી અભિનેત્રીઓની વાત કરીશું જે લગ્ન બાદ તરત જ માતા બની છે. 14 મે ના રોજ મધર્સ ડે નિમિત્તે જાણીએ કે આ યાદીમાં કોનો સમાવેશ થાય છે. આલિયા ભટ્ટ – આલિયા ભટ્ટે ગત વર્ષે એપ્રિલ 2022માં રણબીર કપૂર સાથે લગ્ન કર્યા હતા અને જૂન 2022માં તેણે ગર્ભવતી હોવાની જાહેરાત કરી હતી.

પરિણીતી ચોપરાની AAP નેતા રાઘવ ચઢ્ઢા સાથે સગાઈ

બોલિવૂડ અભિનેત્રી પરિણીતી ચોપરાએ શનિવારે આમ આદમી પાર્ટીના નેતા રાઘવ ચઢ્ઢા સાથે સગાઈ કરી હતી. શીખ ધાર્મિક વિધિ અનુસાર બંનેએ સગાઈ કરી હતી. છેલ્લાં કેટલાંક મહિનાઓની અટકળો પછી બંનેએ નવી દિલ્હીમાં કપૂરથલા હાઉસ ખાતે પરિવાર, મિત્રો અને પ્રતિષ્ઠિત મહેમાનોની હાજરીમાં વીંટીઓની આપ-લે કરી હતી. પરિણીતી અને રાઘવની સગાઈ માટે પ્રિયંકા ચોપરા ખાસ લંડનથી દિલ્હી આવી હતી. સગાઈ થયા પછી પ્રિયંકાએ રાઘવ અને પરિણીતી સાથે તસવીરો શેર કરતાં બંનેને અભિનંદન પાઠવ્યા હતા. સગાઈ પૂરી થતાં જ પ્રિયંકા લંડન જવા રવાના થઈ હતી.

સલમાનને જુહી સાથે લગ્ન કરવા હતા, પણ…

સલમાન વિશે નવી વાત એ બહાર આવી છે કે એ સાથી કલાકાર અભિનેત્રી જુહી ચાવલા સાથે લગ્ન કરવા ઇચ્છતો હતો. અમુક કારણસર એ લગ્ન થઈ શક્યા નહોતા. એનું કારણ જુહીએ જ જણાવ્યું છે. થોડાક દિવસો પહેલાં સોશિયલ મિડિયા પર એક વીડિયો વાઈરલ થયો હતો, જેમાં સલમાનને એવું બોલતા દર્શાવાયો છે કે એને જુહી બહુ ગમતી હતી અને એની સાથે લગ્ન કરવા માટે તેણે જુહીનાં માતા-પિતા પાસે જુહીનાં હાથની માગણી પણ કરી હતી. પરંતુ જુહીનાં માતા-પિતાએ તેની ઓફર નકારી કાઢી હતી.

વિદ્યા બાલન જાસૂસની ભૂમિકામાં

વિદ્યા બાલને અગાઉ ‘કહાની’ ફિલ્મમાં સસ્પેન્સ અને થ્રિલરનો અનુભવ કરાવ્યો હતો. હવે તે ફરીથી એકવાર સસ્પેન્સ ફિલ્મમાં જોવા મળશે. ‘નીયત’ નામની આ ફિલ્મમાં વિદ્યા બાલને જાસૂસનો રોલ કર્યો છે. આ ફિલ્મનું દિગ્દર્શન અનુ મેનને કર્યું છે. વિદ્યા અને અનુ અગાઉ શકુંતલા દેવીમાં સાથે કામ કરી ચૂક્યા છે. ટેલિવિઝનના જાણીતા અભિનેત્રી રામ કપૂર, રાહુલ બોઝ, નિરજ કાબી, અમૃતા પૂરી, શબાના ગોસ્વામી, નિકી વાલિયા, દીપનિતા શર્મા, શશાંક અરોરા, પ્રાજક્તા કોલી, દાનેશ રિઝવી, ઈશિકા મેહરા અને માધવ દેવલ પણ આ ફિલ્મમાં જોવા મળશે.