ભારતમાં NRI યુવક અથવા યુવતી સાથે પરણવાનો એક ક્રેઝ જોવા મળે છે જેમાં ઘણી વખત લોકો છેતરાઈ જતા હોય છે. આવી સ્થિતિમાં ભારતીય નાગરિકોને મદદ કરવા માટે કાયદા પંચે કડક નિયમો ઘડવાની ભલામણ કરી છે. તેના કારણે કોઈ પણ NRI જ્યારે કોઈ ભારતીય યુવતી અથવા યુવક સાથે લગ્ન કરશે ત્યારે તેનું ભારતમાં ફરજિયાત રજિસ્ટ્રેશન કરવામાં આવશે.

વડાપ્રધાન નરેન્દ્ર મોદીએ બુધવાર, 14 ફેબ્રુઆરીએ વૈદિક મંત્રોચ્ચાર અને સ્વામિનારાયણ સંપ્રદાયના સંતોની પાવન ઉપસ્થિતિમાં અબુ ધાબી ખાતેના ભવ્યાતિભવ્ય પ્રથમ BAPS હિન્દુ મંદિરનું લોકાર્પણ કર્યું હતું.

અમેરિકના પ્રેસિડેન્ટની ચૂંટણીમાં જ્યોર્જ વોશિંગ્ટન પછી ક્યારેય કોઈ સ્વતંત્ર ઉમેદવાર વિજેતા રહ્યા નથી, પરંતુ અમેરિકાના લોકો માટે વક્રોક્તિ એવી છે કે તેમણે 2024ની ચૂંટણીમાં મુખ્યત્વે બે સૌથી બિનલોકપ્રિય પ્રેસિડેન્ટમાંથી એકની પસંદગી કરવાની છે.

ન્યૂયોર્કના એક ન્યાયાધીશે શુક્રવારે ભૂતપૂર્વ યુએસ પ્રમુખ ડોનાલ્ડ ટ્રમ્પ અને ટ્રમ્પ સંગઠનને એક સિવિલ ફ્રોડ કેસમાં આશરે 355 મિલિયન ડોલરનો દંડ ચૂકવવાનો આદેશ આપ્યો હતો. 90 પાનાના ચુકાદા મુજબ ટ્રમ્પને ત્રણ વર્ષ માટે ન્યૂયોર્ક રાજ્યમાં કંપની ડાયરેક્ટર તરીકે કામ કરવા પર પ્રતિબંધ મૂકવામાં આવ્યો છે.

ન્યૂ જર્સીમાં ગુરુવારે એક બિલ્ડિંગમાં આગ ભભૂકી ઉઠતાં ભારતના વિદ્યાર્થીઓ અને પ્રોફેશનલ્સ સહિત ડઝનેક લોકો વિસ્થાપિત થયાં હતાં. જોકે આ ઘટનામાં રહેવાસીઓ કે અન્ય કોઇને ઇજાના અહેવાલ મળ્યાં ન હતાં.

બ્રિટનમાં આ વર્ષના અંત ભાગમાં યોજાનારી ચૂંટણી પહેલા વડાપ્રધાન ઋષિ સુનકની કન્ઝર્વેટિવ પાર્ટીનો શુક્રવારે હાઉસ કોમન્સની બે બેઠકોની પેટાચૂંટણીમાં પરાજય થયો હતો. આ બંને બેઠકો લેબર પાર્ટીએ સત્તારૂઢ પાર્ટી પાસેથી છીનવી લીધી હતી.

એક ઐતિહાસિક ચુકાદામાં સુપ્રીમ કોર્ટે બુધવારે મોદી સરકારની ઈલેક્ટોરલ બોન્ડ સ્કીમને રદ કરી દીધી હતી. કોર્ટે જણાવ્યું હતું કે તે નાગરિકોના માહિતીના અધિકારનું ઉલ્લંઘન કરે છે. ભારતના મુખ્ય ન્યાયાધીશ ડીવાય ચંદ્રચુડે જણાવ્યું હતું કે ચૂંટણી બોન્ડ યોજના ગેરબંધારણીય અને મનસ્વી હતી અને તે રાજકીય પક્ષો અને દાતાઓ વચ્ચે ગોઠવણ તરફ દોરી શકે છે.

સંસ્કૃત વિદ્વાન જગદગુરુ રામભદ્રાચાર્ય અને જાણીતા ઉર્દૂ કવિ ગુલઝારની 58મા જ્ઞાનપીઠ એવોર્ડ માટે પસંદગી કરાઈ હોવાની જ્ઞાનપીઠ પસંદગી સમિતિએ શનિવારે જાહેરાત કરી હતી. ચિત્રકૂટમાં તુલસી પીઠના સ્થાપક અને વડા રામભદ્રાચાર્ય પ્રખ્યાત હિંદુ આધ્યાત્મિક નેતા, શિક્ષક તથા 240થી વધુ પુસ્તકો અને ગ્રંથોના લેખક છે.

ભાજપે બુધવાર, 14 ફેબ્રુઆરીએ ગુજરાતમાંથી રાજ્યસભાના ચાર ઉમેદવારોના નામ જાહેર કર્યા હતા. ભાજપની ટિકિટ પરથી જેપી નડ્ડા, ગોવિંદભાઈ ધોળકિયા, મયંક નાયક, જશવંતસિંહ પરમાર રાજ્યસભામાં જશે.

સુપ્રીમ કોર્ટે મંગળવારે આરજેડી નેતા તેજસ્વી યાદવ સામેની તેમની કથિત “ફક્ત ગુજરાતીઓ જ ઠગ હોઈ શકે છે” ટિપ્પણીના મામલે બદનક્ષીની ફરિયાદને રદ કરી હતી. તેજસ્વી પોતાના નિવેદનને પાછું ખેંચી લેવા સંમત થયા પછી સર્વોચ્ચ અદાલતે તેમને આ રાહત આપી હતી.

ભારતના પ્રવાસે ગયેલી ઈંગ્લેન્ડની ટીમને પાંચ ટેસ્ટ મેચની સીરીઝની ત્રીજી ટેસ્ટમાં ચોથા દિવસે રવિવારે (18 ફેબ્રુઆરી) ભારતે રેકોર્ડ 434 રનથી હરાવી સીરીઝમાં 2-1ની લીડ મેળવી હતી.

મલેશિયામાં ગયા સપ્તાહે રમાયેલી બેડમિંટન એશિયા ટીમ ચેમ્પિયનશિપ્સની મહિલા ફાઈનલ્સ રવિવારે રમાઈ હતી, જેમાં ભારતીય ખેલાડીઓએ થાઈલેન્ડને 3-2થી હરાવી પ્રથમવાર આ ટાઈટલ હાંસલ કરી ઈતિહાસ સર્જ્યો હતો.

ભારતને લાંબા સમય પછી એક ડાબોડી ઓપનર મળ્યો છે અને યશસ્વી જયસ્વાલે ઈન્ટરનેશનલ કેરીયર શરૂ કર્યાના એક વર્ષ કરતાં પણ ઓછા સમયમાં ટેસ્ટ ક્રિકેટમાં બીજી ડબલ સેન્ચુરી ફટકારી છે અને સાથે સાથે છગ્ગાનો વર્લ્ડ રેકોર્ડ પણ કર્યો છે.