રેડીમેઇડ ફેશનેબલ ડ્રેસીસના ઉત્પાદનમાં યુકે આખામાં મોખરે એવા ગુજરાતીઓના ગઢ ગણાતા લેસ્ટરમાં વિખ્યાત હાઇસ્ટ્રીટ ફેશનેબલ બ્રાન્ડ્સ માટે ડ્રેસીસનું સીલાઇ કામ કરી આપતા સબકોન્ટ્રાક્ટર્સ દ્વારા મોટા પ્રમાણમાં ગુજરાતી કમાદારોનું જ આર્થિક શોષણ કરાતું હોવાનું અને તમામ પ્રકારના લેબર કાયદા તથા અન્ય નીતિ નિયમોનો તેમની ફેક્ટરીઓમાં સરેઆમ ભંગ થતો હોવાનું ‘ગરવી ગુજરાત‘ દ્વારા હાથ ધરેલા ઇન્વેસ્ટીગેશનમાં બહાર આવ્યું છે.

ડાર્વેન સાથે બ્લેકબર્નમાં બે અઠવાડિયામાં નવા જાહેર થયેલા કોરોનાવાઈરસના ચેપનો ભોગ બનેલા 114 લોકો પૈકી 85% લોકો ‘સાઉથ એશિયન એટલે કે ભારતીય કે પાકિસ્તાની મૂળના છે એમ સ્થાનિક આરોગ્ય વડાએ જણાવ્યું હતું. તેના પાછળનું કારણ કાઉન્સિલે લેસ્ટર-શૈલીનું સંપૂર્ણ લોકડાઉન ટાળવા માટે મર્યાદિત સંખ્યામાં લોકોને અન્ય ઘરોની મુલાકાત લેવાની મંજૂરી આપી છે. કાઉન્સિલના નેતાએ ‘ખૂબ જ વાસ્તવિક’ ખતરો હોવાનું જણાવ્યું છે.

ગ્રાહકોએ ખરીદેલા લેપટોપની ડીલીવરી ડાયવર્ટ કરીને લગભગ £20,000ના એપલ લેપટોપ કમ્પ્યુટર્સની ચોરી કરવા બદલ ડર્બીના બાયરન સ્ટ્રીટના રવિ ચંદારાણાને 18 મહિનાની જેલની સજા કરાઇ હતી અને 100 કલાક અવેતન કામ કરવા આદેશ અપાયો હતો. તો બક્સબર્ન વૉક, રુશી મીડ, લેસ્ટર ખાતે રહેતા દીપ અઢીયાને 13 મહિનાની જેલની સજા કરાઇ હતી અને 80 કલાક અવેતન કામ અવેતન કામ કરવા આદેશ અપાયો હતો. બન્નેની સજા બે વર્ષ માટે સસ્પેન્ડેડ રહેશે.

જ્હોન હોપ્કિન્સ યુનિવર્સિટીના રેકોર્ડ પ્રમાણે અમેરિકામાં સોમવાર (20 જુલાઈ) સુધીમાં કોરોનાના ચેપના કેસો 3830926 નોંધાયા છે. તેમાંથી 1160087 દર્દીઓ સાજા થયા છે. કોરોનાથી વિશ્વભરમાં 140909 નોંધાયા છે. વિશ્વભરમાં 14707451 કેસોમાંથી 8294208 દર્દીઓ સાજા થયા છે. વિશ્વમાં કોરોનાથી મોતનો આંક 609986 નોંધાયો છે.

અમેરિકાના પ્રેસિડેન્ટ ડોનાલ્ડ ટ્રમ્પે તાજેતરમાં જારી કરેલા એચ-1બી વીઝા અંગેના જાહેરનામાને પડકારતો એક કેસ 174 ભારતીયોએ કોલમ્બિયાની ડિસ્ટ્રિક્ટ કોર્ટમાં કર્યો છે. આ આદેશ અનુસાર અરજદારોને વીઝા મળી ગયા હોવા છતાં તેઓ અમેરિકામાં પ્રવેશી શકે નહીં અથવા તો તેમને વીઝા ઈસ્યુ કરાશે જ નહીં તેવી સ્થિતિ ઉભી થઈ શકે છે. મંગળવારે દાખલ કરાયેલા આ કેસના અરજદારોમાં ચાર સગીર વયના લોકોનો પણ સમાવેશ થાય છે.

પિયૂષ – શું વપરાશકારજગત ગાંડપણ – ઘેલછાથી દોરવાય છે? લોકો એક સાથે છ સાડી ખરીદતા હોય છે કારણ કે તેઓ કોઇ પાર્ટીમાં જાય અને બીજી વ્યક્તિએ પણ તેવી સાડી પહેરી હોય તો તેમનો સારાપણાનો અહંમ સંતોષાય. લોકો દર ત્રણ નવો મોબાઇલ ખરીદતા હોય છે કારણ કે બીજા કોઇએ પણ નવો મોબાઇલ ખરીદેલો હોય છે. હું નાનો હતો ત્યારે મને કોઇ ઝાડ ઉપર ચઢતાં અટકાવતું નહોતું, મને મારા આહાર સાથે વધારાના પોષણ કે પુરવણી અપાતી ન હતી અને મારે જે કરવું હોય તે કરવા દેવાતું હતું. આજે પરિસ્થિતિ એવી છે કે, આપણે આપણા બાળકો ઉપર બધા જ પ્રકારના આહાર અને ચીજો રીતસર લાદી દઇએ છીએ, જે મારા હિસાબે ગાંડપણ – ઘેલછા છે. શું વપરાશજગત ગાંડપણ – ઘેલછાથી દોરવાય છે?

આ વર્ષે ઓક્ટોબર-નવેમ્બરમાં યોજાવાનો હતો તે ટી-20 ક્રિકેટ વર્લ્ડ કપ આખરે એક વર્ષ માટે પાછો ઠેલાયો છે. આંતરરાષ્ટ્રીય ક્રિકેટ કાઉન્સિલના ગવર્નિંગ બોર્ડની સોમવારે (20 જુલાઈ) ટેલિકોન્ફરન્સિંગ દ્વારા મળેલી બેઠકમાં આ નિર્ણય લેવાયો હતો. કોરોનાવાઈરસના રોગચાળાના કારણે ઓસ્ટ્રેલિયામાં રમાનારી આ ટૂર્નામેન્ટ ઉપર અનિશ્ચિતતાના વાદળો ઘેરાયેલા હતા.

ઇન્ડિયન પ્રીમિયર લીગ (IPL)ની શરૂઆતની 8 ટીમોમાંથી એક ડેક્કન ચાર્જર્સ (DC)ને ગેરકાયદે ટર્મિનેટ કરવાનું BCCIને મોંઘું પડ્યું છે. આ કેસમાં કોર્ટે આર્બિટ્રેટર નિયુક્ત કર્યા હતા. લવાદે BCCIની વિરુદ્ધ આપેલા ચુકાદામાં બોર્ડને 4800 કરોડની પેનલ્ટી ફરમાવી છે. DCની માલિકી પહેલા ડેક્કન ક્રોનિકલ્સ હોલ્ડિંગ્સ (DCHL) પાસે હતી. આ કેસ 2012નો છે.

ઓસ્ટ્રેલિયાએ આગામી સપ્ટેમ્બરમાં ઈંગ્લેન્ડના સૂચિત પ્રવાસ માટે ગયા સપ્તાહે 26 સભ્યોની ટીમની પસંદગી કરી છે, જેમાં ગ્લેન મેક્સવેલ અને ઉસ્માન ખ્વાજા જેવા ખેલાડીઓ સિવાય કેટલાક નવા ચહેરા પણ સામેલ કરાયા છે. ક્રિકેટ ઓસ્ટ્રેલિયા (સીએ)એ ટીમની જાહેરાત કરી હતી. “બાયો સીક્યોર” નિયમો હેઠળ યોજાનારા આ સંભવિત પ્રવાસમાં કામચલાઉ ધોરણે નક્કી થયેલા કાર્યક્રમ મુજબ સપ્ટેમ્બરની 4, 6 અને 8મીએ ત્રણ ટી-20 મેચ રમાશે અને તે પછી 10, 12 તથા 15મીએ ત્રણ વન-ડે ઈન્ટરનેશનલ્સ રમાશે.