બ્રિટનમાં કોરોનાવાઈરસના કેસ અને નવા ચેપમાં તીવ્ર વધારો થઇ રહ્યો છે અને રોજના નવા નોંધાતા કેસની સંખ્યા 3,000 ઉપર પહોંચી ગઇ છે. વિતેલા સપ્તાહમાં શનિવારે (5 સપ્ટેમ્બર) નોંધાયેલા 1,813 કેસથી ઘણા વધુ છે. આ વધારાના કારણે ડર ઉભો થયો છે કે બ્રિટનમાં કોરોનાવાઈરસનું અનિયંત્રિત પુનરુત્થાન તો નથી થઇ રહ્યું ને! જો કે આશાનું કિરણ એ છે કે છ સપ્તાહના વધતા જતા કેસોમાં હજી સુધી મોતની સંખ્યામાં વધારો થયો નથી, રવિવારે ઇંગ્લેન્ડમાં ત્રણ મૃત્યુ નોંધાયા હતા અને યુકેનો સત્તાવાર મૃત્યુઆંક 41,551 થયો હતો. યુકેમાં રોગચાળો હવે યુવાન વય જૂથોમાં વધુ પ્રમાણમાં કેન્દ્રિત થઈ રહ્યો છે તેમ જ 40થી ઓછી વયના લોકોમાં 66 ટકા જેટલા નવા ચેપ છે.

બિઝનેસ લીડર્સે બ્રેક્ઝિટ ડીલ જરૂરી હોવાની વડાપ્રધાનને ચેતવણી આપતાં જણાવ્યું છે કે કોરોનાવાયરસ ફાટી નીકળવાના કારણે બ્રિટનની આર્થિક રીકવરીને સુરક્ષિત રાખવા અને બ્રિટિશ ગ્રાહકોને મોંઘવારીથી બચાવવા માટે બ્રેક્ઝિટ ડીલ સુરક્ષિત કરવુ જરૂરી છે.

ભારત અને ચીનની વચ્ચે લદાખ સરહદે તંગદિલી વધી રહી છે. સોમવાર, 7 સપ્ટેમ્બરની મોડી રાત્રે પેન્ગોગ ત્સો લેઇક પર વાસ્તવિક નિયંત્રણ રેખા(એલએસી)ની પાસે ભારત અને ચીનના સૈનિકો વચ્ચે ફાયરિંગની ઘટના બની હતી. ચીનની સરકારી મીડિયા ગ્લોબલ ટાઇમ્સે ભારતીય સૈનિકો પર પેન્ગોગ ત્સોના દક્ષિણ કિનારા પર ફાયરિંગ કરવાનો આરોપ લગાવ્યો છે.

ડ્રસ કેસમાં નોર્કોટિક્સ કંટ્રોલ બ્યૂરોએ ધરપકડ કરવામાં આવ્યા બાદ રિયા ચક્રવર્તીને બુધવારની સવારે દક્ષિણ મુંબઈની બાયકુલા જેલમાં મોકલવામાં આવી હતી. સુશાંત સિંહ રાજપૂત અપમૃત્યુ કેસમાં નશીલા પદાર્થની હેરફેર અંગેની તપાસ બાદ મંગળવારે રિયાની ધરપકડ કરવામાં આવી હતી. આ પછી સ્થાનિક કોર્ટે તેને 22 સપ્ટેમ્બર સુધી જ્યુડિશિયલ કસ્ટડીમાં મોકલી આપી હતી.

પ્રમુખ ટ્રમ્પ અને તેમના ડેમોક્રેટીક હરીફ જો બિડેન ચૂંટણી પ્રચારના અંતિમ તબક્કામાં એકબીજા સામે આક્રમક બન્યા છે. રાષ્ટ્રીય સર્વેક્ષણમાં બિડેનથી પાછળ રહેલા ટ્રમ્પે તેમના હરીફને અર્થતંત્ર માટે ખતરાજનક, મંદબુદ્ધિના, નીરસ અને મૂર્ખ ગણાવ્યા હતા. જ્યારે બિડેને નિવૃત્ત જવાનો પરત્વે ટ્રમ્પના અપમાનજનક વ્યવહારનો મુદ્દો ઉઠાવ્યો હતો.

મ્પ એડમિનિસ્ટ્રેશને અમેરિકાના રાજ્યોને કોવિડ-19 માટેની સંભવિત રસીના વિતરણ માટે 1 નવેમ્બરે સજ્જ રહેવા તાકીદ કરી છે. ઉલ્લેખનીય છે કે, દેશમાં 3 નવેમ્બરે પ્રેસિડેન્ટપદની ચૂંટણી યોજાવાની છે.

અમેરિકાના ભૂતપૂર્વ પ્રમુખ રિચર્ડ નિક્સને ભારતીય મહિલાઓ વિશે કરેલી એક અભદ્ર કોમેન્ટની ટેપ બહાર આવતાં ખળભળાટ મચી ગયો હતો. આ ટેપમાં નિક્સન એવું કહેતાં સાંભળી શકાતું હતું કે ભારતીય સ્ત્રીઓ એકદમ કદરૂપી હોય છે. કોણ જાણે કેવી રીતે બાળકો પેદા કરે છે.

સરદાર સરોવર નર્મદા ડેમમાંથી પાણી છોડવાની માત્રામાં ઘટાડો કરવામાં આવતા ગુરૂવારે સવારની સ્થિતિએ નર્મદા ડેમની સપાટી ૧૩૫ મીટરની નજીક પહોંચી હતી. નર્મદા ડેમની સપાટી હાલ ૧૩૪.૮૮ મીટરે પહોંચી હતી એટલે કે નર્મદા ડેમ ૯૭.૨૫ ટકા ભરાઇ ગયો છે.

ગુજરાતના મુખ્યપ્રધાન વિજય રૂપાણીએ ‘ધ ગુજરાત ગુંડા એન્ડ એન્ટી સોશિયલ એક્ટિવિટીઝ (પ્રિવેન્શન) એક્ટ’ નામથી એક નવો જ કાયદો અમલમાં મુકવાનો ઈરાદો જાહેર કર્યો હતો જેને હવે કેબિનેટમાંથી મંજૂરી મળી ગઇ છે. બુધવારે મંત્રી પરિષદની બેઠકમાં મુખ્યમંત્રીએ સ્વંય આ કાયદાના મુસદ્દાને વટહુકમ સ્વરૂપે રજૂ કર્યું હતું.

ઇઝ ઓફ ડુઈંગ બિઝનેસ અંગેની રાજ્યોની યાદીમાં આંધ્રપ્રદેશ સતત ત્રીજા વર્ષે ટોચના સ્થાને રહ્યું છે. જોકે બિઝનેસ માટે વિશ્વભરમાં જાણીતું ગુજરાત કેન્દ્રીય વાણિજ્ય મંત્રાલયની આ યાદીમાં પાંચ સ્થાન ગબડીને છેક દસમાં સ્થાને આવી ગયું છે.