ક્રિસમસ પૂર્વેના બીજા લોકડાઉન પછી પણ કોરોનાવાયરસનો ચેપ શમવાનું નામ લેતો નથી અને ક્રિસમસને હવે માંડ એક વિકની વાર છે ત્યારે વાયરસના નવા પ્રકારને કારણે બમણી ગતીએ વધતા રોગચાળાને નાથવા માટે ગ્રેટર લંડન, મોટાભાગના એસેક્સ અને હર્ટફોર્ડશાયરના વિસ્તારો પર તા. 16ને બુધવારે 00:01 કલાકથી કોરોનાવાયરસ ટિયર 3 પ્રતિબંધો લાદવાની હેલ્થ સેક્રેટરી મેટ હેનકોક દ્વારા જાહેરાત કરવામાં આવી છે.

બોરિસ જ્હોન્સને તેમના ટોચના પ્રધાનો સમક્ષ પુનરોચ્ચાર કર્યો છે કે ઇયુ સાથે બિઝનેસ ડીલને સુરક્ષિત કરવામાં નિષ્ફળતા મળી શકે છે, પરંતુ તેમની ટીમ હજી પણ ડીલ સુધી પહોંચવાનો પ્રયાસ કરશે. વડાપ્રધાને ફ્રી ટ્રેડ એગ્રીમેન્ટ કરવાની ઇચ્છા પર ફરીથી ભાર મૂક્યો હતો, પરંતુ એ પણ પુનરોચ્ચાર કર્યો હતો કે યુકેની સ્વતંત્રતા અને સાર્વભૌમત્વનો આદર કરવો જોઈએ.

અમેરિકામાં આવતા વર્ષે માર્ચ મહિના સુધીમાં 100 મિલિયન લોકોને કોરોના સામે લડવા માટેની રસી આપવાની આશા રાખવામાં આવી છે, તેમ યુએસ કોવિડ-19 વેક્સિન પ્રોગ્રામના મુખ્ય સલાહકારે રવિવારે જણાવ્યું હતું. પ્રથમ રસી માટે અમેરિકન નિયંત્રકને સંકટ માટે અધિકૃત કરવામાં આવ્યા છે.

સરકાર માલિકીની એરલાઇન્સ કંપની એર ઇન્ડિયાને ખરીદવા માટે ટાટા ગ્રૂપ અને એર ઇન્ડિયાના કર્મચારીઓના એક ગ્રૂપ સહિત સંખ્યાબંધ ખેલાડીઓએ રસ દર્શાવ્યો છે. એર ઇન્ડિયા માટે બિડ કરવાની છેલ્લી તારીખ 14 ડિસેમ્બર હતી અને સરકારને સંખ્યાબંધ એક્સપ્રેસન ઓફ ઇન્ટરેસ્ટ મળ્યા છે.

બુલીઇંગ કરવાના આરોપો બદલ હોમ સેક્રેટરી પ્રીતિ પટેલને દૂર નહિં કરનાર વડાપ્રધાન બોરિસ જ્હોન્સનને અભૂતપૂર્વ કાનૂની પડકારનો સામનો કરવો પડી રહ્યો છે. પ્રીતિ પટેલે મંત્રીમંડળના નિયમોને તોડ્યા હોવાનું માલુમ પડ્યું હોવા છતાં બોરીસ જ્હોન્સને તેમના કહેવાતા કામોને નજર અંદાજ કર્યા હતા.

વડાપ્રધાન નરેન્દ્ર મોદીએ દિલ્હીમાં નવા સંસદ ભવનનો ગુરુવારે શિલાન્યાસ કર્યો હતો.સરકારની મહત્ત્વકાંક્ષી સેન્ટ્રલ વિસ્ટા યોજનાના ભાગરૂપે નવા સંસદ ભવનનું નિર્માણ કરવામાં આવશે. નવું સંસદ ભવન ત્રિકોણ આકારનુ હશે. વડાપ્રધાન મોદીએ શાસ્ત્રક્ત વિધિ સાથે સંસદના નવા બિલ્ડિંગ નિર્માણ માટે શિલાન્યાસ ભૂમિપૂજન કર્યું હતુંે.

અમુલના ભૂતપૂર્વ ચેરમેન અને ગુજરાતના ભૂતપૂર્વ ગૃહપ્રધાન વિપુલ ચૌધરીની રૂ.14.80 કરોડના કથિત બોનસ કૌભાંડમાં ગુજરાત પોલિસના ક્રાઇમ ઇન્વેસ્ટિગેશન ડિપાર્ટમેન્ટ (સીઆઇડી)એ રવિવારે ધરપકડ કરી હતી. પાંચ જાન્યુઆરીએ મહેસાણા દૂધસાગર ડેરીની ચૂંટણીના થોડા સપ્તાહ પહેલા ચૌધરીની ધરપકડ કરવામાં આવી હતી. સેશન કોર્ટે વિપુલ ચૌધરીના ચાર દિવસના રિમાન્ડ મંજૂર કર્યા હતા

વડાપ્રધાન નરેન્દ્ર મોદીએ મંગળવારે ગુજરાતની એક દિવસની મુલાકાત દરમિયાન કચ્છમાં જુદા જુદા ત્રણ પ્રોજેક્ટ્સનું લોકાર્પણ કર્યું હતું. વડાપ્રધાને કચ્છના ધોરડોમાં વોટર ડિસિલિનેશન પ્લાન્ટ, હાઇબ્રિડ રિન્યુએબલ એનર્જી પાર્ક અને ફુલી ઓટોમેટેડ મિલ્ક પ્રોસેસિંગ એન્ડ પેકિંગ પ્લાન્ટ પ્લાન્ટનો શિલાન્યાસ કર્યો હતો.

ડાયમંડ ઇન્ડસ્ટ્રીઝ માટે મહત્ત્વના ગણાતા જેમ્સ એન્ડ જ્વેલરી શો સુરત સ્પાર્કલ 2021 એક્ઝિબેશનનું 20-22 ફેબ્રુઆરીએ આયોજન થશે. સુરત સ્પાર્કલ 2021 ગુજરાતનું સૌથી મોટું જેમ્સ એન્ડ જ્વેલરી એક્ઝિબિશન છે, જે જેમ્સ એન્ડ જ્વેલરીના લેટેસ્ટ ટ્રેન્ડ દર્શાવવાનું આદર્શ પ્લેટફોર્મ છે.

અમેરિકામાં કોવિડ-19 માટેના વેક્સિનેશન કેમ્પેઈન (રશીકરણ ઝુંબેશ) નો સોમવારે (14 ડીસેમ્બર) ન્યૂ યોર્કમાં આરંભ થયો હતો અને પ્રેસિડેન્ટ ડોનાલ્ડ ટ્રમ્પે ટ્વીટ કરી એની જાહેરાત કરતાં જણાવ્યું હતું કે, પહેલી વેક્સિન અપાઈ ગઈ. અભિનંદન અમેરિકા, અભિનંદન દુનિયા.

ઈંગ્લેન્ડની ક્રિકેટ ટીમ જાન્યુઆરીમાં ભારતના પ્રવાસે જવાની છે, જેમાં તે ચાર ટેસ્ટ મેચ, પાંચ ટી-20 અને ત્રણ વન-ડે ઈન્ટરનેશનલ્સ રમશે.

ગૂગલ વર્ષના અંતે વર્ષમાં સૌથી વધારે સર્ચ થતાં વિષયો જાહેર કરે છે. જેમાં ગૂગલ પર વર્ષમાં સૌથી વધારે લોકોએ શું સર્ચ કર્યું. ભારત માટે પણ ગૂગલે સૌથી વધારે સર્ચ કરવામાં આવેલા વિષયો જાહેર કર્યાં છે. આ યાદીમાં આ વર્ષે ભારતમાં કરવામાં આવેલા ટોપ સર્ચથી લઈને, ટોપિક્સ, ઈવેન્ટ, લોકો અને જગ્યાઓ વિશે જણાવવામાં આવ્યું છે.

ભારતીય ક્રિકેટ ટીમના ભૂતપૂર્વ વિકેટકીપર પાર્થિવ પટેલે 35 વર્ષની ઉંમરે ક્રિકેટને અલવિદા કહી દીધું છે. માત્ર 17 વર્ષની વયે તેણે ટેસ્ટ ક્રિકેટમાં ડેબ્યુ કર્યું હતું. 2018માં પાર્થિવ છેલ્લીવાર ટીમ ઇંડિયા માટે મેચ રમ્યો હતો. 17 વર્ષની ઉંમરે એણે 2002માં ઇંગ્લેંડનો ટીમ ઇન્ડિયા સાથે પ્રવાસ કર્યો હતો.

2002માં 17 વર્ષ અને 153 દિવસની ઉંમરે ડેબ્યૂ કરીને પાર્થિવ પટેલ ટેસ્ટમાં સૌથી ઓછી ઉંમરનો વિકેટકીપર બન્યો હતો. કેરિયરની શાનદાર શરૂઆત પછી 2004માં દિનેશ કાર્તિક અને મહેન્દ્ર સિંહ ધોનીને તક મળતા ટીમમાંથી પાર્થિવે ધીમે ધીમે સ્થાન ગુમાવ્યુ.