ઇંગ્લેન્ડના લોકોને સામુહિક ધોરણે રસી આપવા માટે દેશને સાત વેક્સીનેશન સુપર સેન્ટરમાં ફેરવી દેવામાં આવ્યો છે અને બીજા નાના મોટા 1200 રસી કેન્દ્રોની મદદથી યુકેમાં વસતા પુખ્ત વયના દરેક વ્યક્તિને પાનખર ઋતુ સુધીમાં કોવિડની રસી આપવાનું લક્ષ્ય નિર્ધારીત કરવામાં આવ્યું છે.

નોર્થ વેસ્ટ લંડનમાં આવેલા નીસ્ડન મંદિર સામેના રોડ એટલે કે મેડો ગાથના પૂર્વ ભાગના રોડનું નામ મંદિરના પ્રેરણાદાયક, પ.પૂ. પ્રમુખ સ્વામી મહારાજના માનમાં સત્તાવાર રીતે ‘પ્રમુખ સ્વામી રોડ’ કરવામાં આવ્યું છે.

ભારતમાં 16 જાન્યુઆરીથી કોરોના રસીકરણનો પ્રારંભ થશે. વડાપ્રધાન નરેન્દ્ર મોદીએ આ કાર્યક્રમને વિશ્વનું સૌથી મોટું રસીકરણ અભિયાન ગણાવ્યું હતું. વેક્સિનેશન માટે હેલ્થકેર અને ફ્રન્ટલાઇન વર્કર્સને પ્રાથમિકતામાં આવશે.

કેપીટોલ હુમલા પછી તથા પ્રમુખપદે વરાયેલા જો બાઈડેનના વિજયને ગત સપ્તાહે પડકારતો મત આપનારા રીપબ્લિકનો સામે કોર્પોરેટ જગતની નારાજગી વધી છે. કેટલાક કોર્પોરેટ્સે તો આવા રીપબ્લિકનોના પ્રચાર ભંડોળમાં કાપ મુકવા અથવા બંધ કરવા સુધીની ધમકી આપી છે.

સુપ્રીમ કોર્ટે સોમવારે ત્રણ કૃષિ કાયદાના અમલને મોકૂફ રાખ્યો હતો તથા આંદોલનકારી ખે઼ડૂતો અને સરકાર વચ્ચે મંત્રણા માટે કૃષિ નિષ્ણાતોની સમિતિ બનાવવાની જાહેરાત કરી હતી. સુપ્રીમ કોર્ટના આક્રમક વલણથી આશરે એક મહિનાથી દિલ્હીની સીમાડે આંદોલન કરી રહેલા ખેડૂતોને મોટી રાહત મળી છે અને મોદી સરકારને ફટકો પડ્યો છે.

કોરોના સામે રસીકરણ અભિયાન 16મી જાન્યુઆરીથી ચાલુ થવાનું છે ત્યારે એર ઇન્ડિયાની કાર્ગો ફ્લાઇટ મારફત વેક્સિનનો 2.76 લાખનો સ્ટોક સોમવારે અમદાવાદ એરપોર્ટ પર આવી પહોંચ્યો હતો. નાયબ મુખ્યપ્રધાન નીતિન પટેલ એરપોર્ટ પર આવીને વેક્સિનના વધામણાં કર્યા હતા.

ગુજરાતના ભૂતપૂર્વ મુખ્ય પ્રધાન અને ભૂતપૂર્વ વિદેશ પ્રધાન માધવસિંહ સોલંકીનું (94) શનિવારે ગાંધીનગરમાં નિધન થયું છે. વડાપ્રધાન નરેન્દ્ર મોદીએ પણ સદગતને ટ્વીટર દ્વારા શ્રદ્ધાંજલી પાઠવીને તેમના જણાવ્યું હતું કે ગુજરાતના રાજકારણમાં માધવસિંહ સોલંકીનું ખૂબ મહત્ત્વનું પ્રદાન હતું.

અમેરિકાના પ્રેસિડન્ટ ડોનાલ્ડ ટ્રમ્પના સેંકડો સમર્થકોએ સંસદ ભવન કેપિટલ હિલમાં ધુસી ગયા હતા અને તેનાથી થયેલા હિંસામાં ઓછામાં ઓછા પાંચ લોકોના મોત થયા થયા હતા અને ત્રણ વ્યક્તિને ગંભીર ઇજા થઈ હતી.

બહુ વગોવાયેલા, અમેરિકાના ઈતિહાસના સૌથી બેજવાબદાર તેમજ કલંકિત ગણાવાયેલા પ્રેસિડેન્ટ ટ્રમ્પના ભાવિનો ફેંસલો આ સપ્તાહે, આગામી એક-બે દિવસોમાં લેવાશે.

ભારત અને બ્રિટન વચ્ચે મર્યાદિત ફ્લાઇટનો શુક્રવારે ફરી પ્રારંભ થયો હતો. બ્રિટન નવા પ્રકારના કોરોના વાઇરસને પગલે ભારત સરકારે 23 ડિસેમ્બરે બંને દેશો વચ્ચેની ફ્લાઇટ પર હંગામી પ્રતિબંધ મૂક્યો હતો.

ભારત અને ઓસ્ટ્રેલિયા વચ્ચે સીડનીમાં રમાયેલી ત્રીજી ટેસ્ટ મેચ સોમવારે ડ્રો થઈ હતી. ભારતે બીજી ઈનિંગમાં ખૂબજ મક્કમપણે બેટિંગ કરી ઓસ્ટ્રેલિયન બોલર્સને થકવી નાખ્યા હતા અને એકંદરે ભારત માટે ડ્રો પણ વિજય જેટલો જ મહત્ત્વનો રહ્યો હતો.

ભારત અને ઓસ્ટ્રેલિયા વચ્ચેની વર્તમાન સીરીઝની ચોથી અને છેલ્લી ટેસ્ટ મેચ નિર્ધારિત કાર્યક્રમ મુજબ બ્રિસ્બેનમાં જ રમાશે. આ બાબતે ક્રિકેટ ઓસ્ટ્રેલિયાના વચગાળાના સીઈઓ નિક હોકલીએ સોમવારે એક નિવેદનમાં સમર્થન આપ્યું હતું.

સીડની ટેસ્ટમાં ભારતીય ખેલાડીઓ જસપ્રીત બુમરાહ અને મોહમ્મદ સિરાજ સામે પ્રેક્ષકો દ્વારા રેસિસ્ટ કોમેન્ટ સતત બે દિવસ કરાતાં હોબાળો થયો હતો. મેચના ત્રીજા અને ચોથા દિવસે ભારતીય ખેલાડીઓને કોમેન્ટ્સના નિશાન બનાવાયા હતા.

ઓસ્ટ્રેલિયાની ક્લેર પોલોસાક ભારત અને ઓસ્ટ્રેલિયા વચ્ચેની સિડની ટેસ્ટ મેચમાં અમ્પાયરિંગ કરનારી પહેલી મહિલા મેચ અધિકારી બની છે. ન્યૂ સાઉથ વેલ્સની 32 વર્ષની પોલોસાક મેચમાં ચોથા અમ્પાયર નિમાઈ હતી.

ભારત અને ઓસ્ટ્રેલિયા વચ્ચેની ચોથી અને છેલ્લી ટેસ્ટ મેચ 15 જાન્યુઆરીથી બ્રિસ્બેનમાં રમાવાની છે. આ મેચમાં ભારત માટે ઈજાગ્રસ્ત ખેલાડીઓની લાંબી યાદીના કારણે ટીમની પસંદગીનું કાર્ય મુશ્કેલ છે.