ટાટા ગ્રૂપની માલિકીની એર ઈન્ડિયાની બંને પેટાકંપનીઓ એર ઈન્ડિયા એક્સપ્રેસ અને એરએશિયા ઈન્ડિયાએ નવા બોઈંગ 737-8 એરક્રાફ્ટ પર ‘એર ઈન્ડિયા એક્સપ્રેસ’ તરીકે એક એક કોમન નવા બ્રાન્ડિંગનું અનાવરણ કર્યું હતું. નવી એરક્રાફ્ટ લિવરીમાં ઓરેન્જ અને ટર્ટોઇઝ વાઇબ્રન્ટ શેડ્સનો સમાવેશ થાય છે. એરલાઇન અધિકારીઓએ જણાવ્યું હતું કે પ્રભાવશાળી એક્સપ્રેસ ઓરેન્જ એર ઇન્ડિયા એક્સપ્રેસના ઉત્સાહ અને ચપળતાના બ્રાન્ડ મૂલ્યોનું પ્રતીક છે. ટર્ટોઇઝ સમકાલીન પ્રીમિયમ સંવેદનશીલતા અને ડિજિટલ-ફર્સ્ટ અભિગમને મૂર્ત બનાવે છે.

ડાબરની ત્રણ પેટાકંપનીઓ સામે અમેરિકા અને કેનેડામાં અનેક કેસ દાખલ કરવામાં આવ્યા છે. ગ્રાહકોનો આરોપ છે કે કંપનીની હેર પ્રોડક્ટ્સને કારણે અંડાશય અને ગર્ભાશયનું કેન્સર થાય છે. આ પેટાકંપનીઓમાં નમસ્તે લેબોરેટરીઝ એલએલસી (“નમસ્તે”), ડર્મોવિવા સ્કિન એસેન્શિયલ્સ (“ડર્મોવિવા”) અને ડાબર ઇન્ટરનેશનલ (“DINTL”)નો સમાવેશ થાય છે. ત્રણેય કંપનીઓ તમામ ડાબર ઇન્ડિયા લિમિટેડની પેટાકંપનીઓ છે. જોકે કંપનીએ જણાવ્યું હતું કે આ દાવા “અપ્રમાણિત અને અપૂર્ણ” અભ્યાસ પર આધારિત છે.

ગૂગલે ગુરુવારે જાહેરાત કરી હતી કે તે ભારતમાં પિક્સલ સ્માર્ટફોનનું ઉત્પાદન શરૂ કરવાની યોજના ધરાવે છે. સર્ચ જાયન્ટ ભારતમાં પિક્સલ 8 નું ઉત્પાદન કરશે અને પ્રથમ યુનિટ 2024માં ઉપલબ્ધ થવાની અપેક્ષા છે. પિક્સલ 8 કંપની દ્વારા આ મહિનાની શરૂઆતમાં પ્રીમિયમ પિક્સલ 8 પ્રો મોડલની સાથે ભારતમાં અને વૈશ્વિક બજારોમાં લોન્ચ કરવામાં આવ્યો હતો. આ સ્માર્ટફોનમાં કસ્ટમ ગૂગલ ટેન્સર G3 ચિપ અને Titan M2 સુરક્ષા ચિપ છે. ફોનમાં ડ્યુઅલ રીઅર કેમેરા સેટઅપ છે અને એક્સ્ટ્રીમ બેટરી સેવર મોડ સાથે 72 કલાક સુધીની બેટરી લાઇફ છે.

ભારત નેપાળ, કેમરૂન, મલેશિયા, ફિલિપાઇન્સ, સેશેલ્સ, આઇવરી કોસ્ટ અને રિપબ્લિક ઓફ ગિનીમાં નોન-બાસમતી સફેદ ચોખાની નિકાસને મંજૂરી આપશે, એમ બુધવારે એક સરકારી નોટિફિકેશનમાં જણાવાયું હતું. સરકારે જણાવ્યું હતું કે તેને નેપાળ, કેમરૂન અને મલેશિયા સહિત સાત દેશોમાં 10,34,800 ટન નોન-બાસમતી સફેદ ચોખાની નિકાસને મંજૂરી આપી છે. ડિરેક્ટોરેટ જનરલ ઓફ ફોરેન ટ્રેડ (DGFT)એ એક નોટિફિકેશનમાં જણાવ્યું હતું કે નેશનલ કોઓપરેટિવ એક્સપોર્ટ્સ લિમિટેડ (NCEL) મારફત નિકાસની પરવાનગી આપવામાં આવી છે.

બોલીવૂડની ઘણી ફિલ્મોમાં પિતા અને સંતાન વચ્ચેના સંબંધોની અદભૂત રજૂઆત

સામાન્ય રીતે બોલીવૂડની ફિલ્મોમાં બે મુખ્ય અભિનેતા-અભિનેત્રીના પ્રણય પ્રસંગો, પ્રેમગીતો, વિરહ અને મિલન વગેરે દૃશ્યો જોવા મળે છે. પરંતુ કેટલીક ફિલ્મોમાં અભિનેતાના જીવન સંઘર્ષની અને સફળતાની કથા હોય છે. કેટલીક ફિલ્મોમાં નવા-આધુનિક યુગના ચોર કે ગેંગસ્ટરની રક્તરંજિત કહાની પણ હોય છે. બીજી તરફ, બહુ ઓછી હિન્દી ફિલ્મો પિતા-સંતાન વચ્ચેના સંબંધ પર બની છે. સામાન્ય રીતે ભારતીય સમાજમાં પોતાનાં સંતાનોને સુખી, શિસ્તપ્રિય, સુશિક્ષિત બનાવવા પિતા સત સંઘર્ષ કરતા હોય છે. જ્યારે માતા પોતાની મમતા, વ્હાલથી સંતાનોને સંસ્કારી અને પરિવારપ્રિય બનાવે છે. કેટલીક હિન્દી ફિલ્મોમાં પિતા અને સંતાનો વચ્ચેના સંબંધમાં પિતાના વિવિધ સ્વરૂપ જોવા મળ્યાં છે.

જુની અને નવી પેઢીની અભિનેત્રીઓ રાષ્ટ્રીય ફિલ્મ પુરસ્કારથી સન્માનિત

ભારતનાં પ્રેસિડેન્ટ શ્રીમતી દ્રોપદી મુર્મુએ તાજેતરમાં નવી દિલ્હી ખાતે 2021 માટેના 69મા રાષ્ટ્રીય ફિલ્મ પુરસ્કાર એનાયત કર્યા હતા. આ પ્રસંગે પીઢ અભિનેત્રી વહીદા રહેમાનને પ્રતિષ્ઠિત દાદાસાહેબ ફાળકે એવોર્ડ એનાયત કર્યો હતો. પ્રેસિડેન્ટ મુર્મુએ વહીદા રહેમાનને અભિનંદન પાઠવતાં કહ્યું હતું કે, તેઓ પોતાની કળા અને વ્યક્તિત્વ સાથે ફિલ્મ ઉદ્યોગનાં શિખર પર સ્થાપિત થયા છે. અંગત જીવનમાં પણ તેમણે એક પ્રતિષ્ઠિત, આત્મવિશ્વાસ અને મૌલિકતા ધરાવતી મહિલા તરીકે પોતાની આગવી ઓળખ ઊભી કરી હતી. તેમણે ઘણી એવી ફિલ્મો પસંદ કરી હતી જેમાં તેમની ભૂમિકાઓએ સામાન્ય રીતે મહિલાઓ સાથે સંકળાયેલા ઘણા અવરોધોને તોડી નાખ્યા હતા.

રણબીર કપૂરની ધાર્મિક કટિબદ્ધતા!

રણબીર કપૂરે બોલીવૂડમાં તેની છાપ એક ચોકલેટી અભિનેતા તરીકે ઊભી કરી છે. તે ફિલ્મોમાં હંમેશા નવા અવતારમાં જ જોવા મળે છે. આવી સ્થિતિમાં તે પોતાના કામ પર ખૂબ ધ્યાન પણ આપે છે. હવે એવી ચર્ચા છે કે, તે નિતેશ તિવારીની રામાયણ ફિલ્મમાં ભગવાન રામની ભૂમિકામાં જોવા મળશે. આ માટે તેણે માસાંહાર અને દારૂનું સેવન બંધ કરી દીધું હોવાની ચર્ચા છે. મીડિયાના સૂત્રોના જણાવ્યા પ્રમાણે, ‘આ પૌરાણિક વિષય પરની ફિલ્મનું શૂટિંગ થાય ત્યાં સુધીમાં રણબીર કપૂર તેના રોલ માટે ખૂબ જ મહેનત કરવાનો છે.

સારાને યુકેમાં ફરવું ગમે છે

સૈફ અલી ખાન અને અમૃતા સિંઘની પુત્રી સારા અલી ખાનને જુદા-જુદા સ્થળોનો પ્રવાસ કરવાનું ખૂબ જ પસંદ છે. તે સમય મળે ત્યારે બ્રેક લઈને નવા-નવા વિસ્તારો ખૂંદવા નીકળી પડે છે. સારાનું સોશિયલ મીડિયા એકાઉન્ટ ટ્રાવેલ ડાયરીથી ભરચક હોય છે. સારાના પસંદગીના પ્રવાસન સ્થળોમાં લંડનનો પણ સમાવેશ થાય છે. સારા તાજેતરમાં પોતાની માતા અમૃતા સિંઘ સાથે યુકે પહોંચી છે. તેણે લંડનથી સોશિયલ મીડિયામાં ફોટોગ્રાફ્સ પોસ્ટ કર્યા હતા. કેપ્શનમાં સારાએ લખ્યું છે કે, વિલન્સ ઈન વિલાયત. કભી વર્ક આઉટ યા કોફી, કભી બ્રેકિંગ ડાયટ, બટ ઓલ ધ વ્હાઈલ-માય બ્રાઈટ બોલ્ડ કલર્સ કોઝિંગ રાયોટ.