એક મહત્વપૂર્ણ ચુકાદામાં ભારતની સુપ્રીમ કોર્ટે બુધવારે ગૌતમ અદાણી-હિંડનબર્ગ રીસર્ચ વિવાદમાં વિશેષ તપાસ ટીમ (SIT) અથવા સેન્ટ્રલ બ્યુરો ઑફ ઇન્વેસ્ટિગેશન (CBI) તપાસનો આદેશ આપવાનો ઇનકાર કર્યો હતો. આનાથી અદાણી ગ્રૂપને મોટી રાહત થઈ હતી. સર્વોચ્ચ અદાલતે એસટીઆઇ કે સીબીઆઇની જગ્યાએ બજારની નિયમનકારી સંસ્થા સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી)ને અદાણી જૂથની કંપનીઓ દ્વારા કથિત ઉલ્લંઘનના બાકીના બે કેસોની તપાસ ત્રણ મહિનામાં પૂર્ણ કરવાનો આદેશ આપ્યો હતો. કોર્ટે ખાસ કરીને હિન્ડબર્ગના રીપોર્ટની પ્રમાણભૂતતા અને સેબીના કાર્યક્ષેત્રની ચકાસણી કર્યા પછી આ નિર્ણય કર્યો હતો.

ગયા વર્ષે વેલ્થ રેન્કિંગમાં રોલર-કોસ્ટર રાઇડ કર્યા પછી શુક્રવારે ગૌતમ અદાણી ફરી એશિયાના સૌથી ધનાઢ્ય વ્યક્તિ બન્યાં હતાં. હિન્ડબર્ગના આક્ષેપોમાં વધુ કોઇ તપાસની જરૂર નથી તેવા સુપ્રીમ કોર્ટના ચુકાદા પછી ગૌતમ અદાણીની સંપત્તિમાં ઉછાળો આવ્યો હતો. બ્લૂમબર્ગ બિલિયોનેર્સ ઈન્ડેક્સ અનુસાર અદાણીની કુલ સંપત્તિ એક દિવસમાં $7.7 બિલિયન વધી $97.6 બિલિયન થઈ હતી અને મુકેશ અંબાણી પાસેથી એશિયાના સૌથી ધનિક વ્યક્તિનું સ્થાન છીનવી લીધું હતું. રિલાયન્સના ચેરમેન અંબાણી $97 બિલિયનની નેટવર્થ સાથે થોડા માર્જિનથી પાછળ રહ્યાં હતાં. દુનિયાના સૌથી ધનાઢ્ય લોકોની યાદીમાં ગૌતમ અદાણી ફરીથી મુકેશ અંબાણી કરતા આગળ નીકળી ગયા હતા.

ભારતની સૌથી મોટી એરલાઈન ઈન્ડિગોએ ગુરુવારે મુસાફરો પાસેથી વસૂલવામાં આવતો ફ્યુઅલ ચાર્જ પાછો ખેંચવાની જાહેરાત કરી હતી. એરલાઇનના આ નિર્ણયથી અમુક લાંબા રૂટ પરના વિમાન ભાડામાં રૂ. 1,000 સુધીનો ઘટાડો થશે.એરલાઇને જણાવ્યું હતું કે એવિએશન ટર્બાઇન ઇંધણ (ATF)ના ભાવમાં તાજેતરના ઘટાડાને કારણે 4 જાન્યુઆરીથી ઇંધણ ચાર્જ પાછો ખેંચી લેવામાં આવ્યો છે. જેટ ઈંધણના ભાવમાં વધારાને પગલે એરલાઈને 6 ઓક્ટોબર, 2023થી દરેક સ્થાનિક અને આંતરરાષ્ટ્રીય ટિકિટ પર ફ્યુઅલ ચાર્જ વસૂલવાનું શરૂ કર્યું હતું. આ ફ્યુઅલ ચાર્જ રૂ.300થી રૂ.1,000 સુધીનો હતો. એટીએફના ભાવમાં વધારાને કારણે ગયા વર્ષે ઇન્ડિગોએ ફ્યુઅલ ચાર્જ વસૂલવાનું ચાલુ કર્યું હતું.

ડિરેક્ટોરેટ જનરલ ઓફ સિવિલ એવિએશન (DGCA) વર્ષ 2023માં નિયમોનું ઉલ્લંઘન કરવા બદલ એરલાઇન્સો સામેની 542 ફરિયાદોમાં કાર્યવાહી કરી હતી. સૌથી મોટી બાબત એ છે કે, વર્ષ 2022માં 305 ફરિયાદ નોંધાઈ હતી, જ્યારે 2023ની સૌથી વધુ ફરિયાદો પરથી એરલાઈન્સ કંપનીઓની બેદરકારી વધી હોય તેવો રિપોર્ટ સામે આવ્યો છે. DGCAએ કહ્યું કે, એરલાઈન્સ ઉદ્યોગમાં સુરક્ષા નિયમો સૌથી ઉપર છે, તેમાં કોઈપણ પ્રકારની સમજુતી ન કરી શકાય. સુરક્ષા વધારવાના હેતુથી ડીજીસીએએ 2023માં કુલ 542 ફરિયાદોમાં કાર્યવાહી કરી છે, જ્યારે 2022માં 305 ફરિયાદોમાં કાર્યવાહી કરાઈ હતી. વધુ કડક સુરક્ષા બનાવવાના હેતુથી એરલાઈન્સ, એયરોડ્રમ, ઑપરેટરો, સંસ્થાઓ અને કર્મચારીઓ પર દેખરેખ કામગીરી વધુ કડક બનાવાઈ છે.

નવા વર્ષના પ્રારંભે ડિજિટલ પ્લેટફોર્મ પર ફિલ્મો-વેબસીરિઝના મનોરંજનની ભરમાર

2024ની શરૂઆત સાથે જ પ્રથમ મહિનાને મનોરંજનથી ભરપૂર બનાવવા માટે ડિજિટલ પ્લેટફોર્મે સક્રીય બની ગયું છે. જાન્યુઆરીમાં બ્લોકબસ્ટર ફિલ્મોથી લઇને ક્રાઈમ થ્રિલર સિરીઝનું નાના પડદે જોવા મળશે. જાન્યુઆરીમાં મનોરંજન પીરસવા માટે નેટફ્લિક્સ, એમેઝોન પ્રાઈમ, જિયો સિનેમા અને ઝી5 જેવા ઓટીટી પ્લેટફોર્મ સજ્જ થઈ ગયા છે. રણબીર કપૂર-રશ્મિકા મંદાનાની બ્લોકબસ્ટર એક્શન થ્રિલર ‘એનિમલ’ અંગે ઘણાં દિવસો સુધી ચર્ચા થઈ હતી.

2024માં અક્ષયકુમારનો દબદબો રહેશે

શાહરૂખ ખાને 2023ના વર્ષમાં ‘પઠાણ’થી શરૂ કરીને ‘ડંકી’ સુધી ત્રણ હિટ ફિલ્મો આપી હતી અને ગત વર્ષે જાન્યુઆરીથી ડિસેમ્બર સુધી શાહરૂખનો જાદુ છવાયેલો રહ્યો હતો. શાહરૂખની ત્રણ હિટ ફિલ્મોની વચ્ચે સલમાન ખાનની બે ફિલ્મો ‘કિસી કા ભાઈ કિસી જાન’ અને ‘ટાઈગર 3’ આવી હતી. આ બંને ફિલ્મો ખૂબ જ સફળ થઇ નહોતી. આમિર ખાનની કોઈ ફિલ્મ પણ નવા વર્ષે રિલીઝ થાય તેવી શક્યતા નથી. જોકે, ગત વર્ષે અક્ષયકુમારની ફિલ્મો ખાસ ચાલી નહોતી, પરંતુ ફિલ્મમેકર્સનો તેના પરનો ભરોસો અકબંધ રહ્યો છે. નવા વર્ષમાં અક્ષયકુમારની ચાર બિગ બજેટ ફિલ્મો આવી રહી છે.

આલિયા, રિતિક અને કાર્તિકની ફિલ્મો માટે ચાહકો આતુર

આ વર્ષે આલિયા ભટ્ટ, રિતિક રોશન અને કાર્તિક આર્યનની બહુચર્ચિત ફિલ્મો રીલીઝ થશે. રિતિક રોશનની નવી ફિલ્મ ફાઈટર 26 જાન્યુઆરીએ રિલીઝ થવાની છે. તેમાં રિતિકની સાથે દીપિકા પાદુકોણ અને અનિલ કપૂર છે. ભારતની પ્રથમ એરિયલ એક્શન ફિલ્મ ગણાતી ફાઈટરનું પ્રમોશન પૂર જોશમાં શરૂ થઈ ગયું છે. તેમાં રિતિક-દીપિકાની રોમેન્ટિક કેમિસ્ટ્રી અને એક્શન અંદાજને ઓડિયન્સ પસંદ કરી રહ્યું છે. કેટરિના કૈફ અને સાઉથના સ્ટાર વિજય સેતુપતિની ફિલ્મ મેરી ક્રિસમસ જાન્યુઆરીમાં આવી રહી છે. આ થ્રિલર ફિલ્મને અંધાધૂંધ અને બદલાપુર જેવી ફિલ્મોના ડાયરેક્ટર શ્રીરામ રાઘવને બનાવી છે.

ફિલ્મ રિવ્યૂ: ડંકી

શાહરૂખ ખાન છેલ્લા ચાર વર્ષથી બોલીવૂડથી દૂર હતો પરંતુ 2023માં તેણે ધમાકેદાર કમબેક કર્યું હતું. પઠાણ અને જવાન જેવી ધમાકેદાર ફિલ્મો આપ્યા પછી ચાહકો આતુરતાથી તેની ફિલ્મ ડંકીની રાહ જોઈ રહ્યા હતા. રાજકુમાર હિરાનીના ડાયરેક્શનમાં બનેલી આ ફિલ્મને લઈને દર્શકોમાં ખાસ્સો ઉત્સાહ હતો. શાહરૂખ ખાન અને રાજકુમાર હિરાનીએ પ્રથમવાર સાથે કામ કર્યું હતું. વિદેશો ગેરકાયદે ઘૂસણખોરી માટે વપરાતા રૂટને ડોન્કી કહેવામાં આવે છે. અર્થપૂર્ણ અને સંવેદનશીલ ફિલ્મ બતાવવા માટે જાણીતા ડાયરેક્ટર રાજકુમાર હિરાનીએ ‘ડંકી’ દ્વારા અધૂરી મહત્વાકાંક્ષાઓ, સાધનો અને સીમાઓથી ઉપરવટ જઈને સપનાઓને સાકાર કરવાની વાત આ ફિલ્મમાં જણાવી હતી. ફિલ્મની વાર્તા કંઇક આવી છે. બ્રેઇન ટ્યૂમર સામે લડી રહેલી મનુ (તાપસી પન્નુ) હોસ્પિટલમાંથી ભાગીને વકીલ પાસે આવે છે કારણકે