ઇંગ્લેન્ડમાં કોરોનાવાયરસ રોગચાળાને અંકુશમાં રાખવા અને હોસ્પિટલો અઠવાડિયાઓમાં જ ભરાઈ જશે તેવી ચેતવણીઓ બાદ વડા પ્રધાન બોરિસ જ્હોન્સન દ્વારા તા. 31ને શનિવારે ચાર અઠવાડિયાના લોકડાઉનની ઘોષણા કરવામાં આવી હતી. આ લોકડાઉન પ્રતિબંધોનો ગુરૂવાર તા. 5 નવેમ્બરથી બુધવાર તા. 2 ડિસેમ્બર સુધી અમલ કરવામાં આવશે.

કોવિડ-19ની હોસ્પિટલમાં દાખલ થયેલા લોકોમાં માર્ચ માસમાં મૃત્યુ દર પ્રથમ તરંગના શિખરે હતો તેના કરતા જૂન માસના અંતમાં લગભગ અડધો થઇ ગયો હોવાનું એક અધ્યયનમાં દર્શાવવામાં આવ્યુ છે.

ફ્રાન્સે ઇસ્લામી ત્રાસવાદ સામે યુદ્ધની જાહેરાત કરી હતી જેને અમેરિકા, યૂરોપના દેશો અને ભારતે પોતાનો ટેકો જાહેર કર્યો હતો. પંદરેક દિવસ પહેલાં એક ઇતિહાસ શિક્ષકની હત્યા થઇ ત્યારે પણ ફ્રાન્સના પ્રમુખ ઇમેન્યુઅલ મેક્રોંએ એને ઇસ્લામી ત્રાસવાદની ઘટના ગણાવી હતી. ગુરૂવારે ફ્રાન્સના એક ચર્ચમાં ત્રણ વ્યક્તિન હત્યા થઇ હતી.ત્યાર બાદ ફ્રાન્સની સરકારે ઇસ્લામી ત્રાસવાદ સામે લડાઇની જાહેરાત કરી હતી.

કોરોના કેસોની સંખ્યામાં વધારાને પગલે ફ્રાન્સની સરકાર પેરિસ અને સંભવત રાજધાની નજીકના વિસ્તાર ઇલે-ડી ફ્રાન્સમાં ઇવનિંગ કરફ્યુ અમલ કરશે, એમ સરકારના પ્રવક્તા ગેબ્રિયલ એટ્રેલે મંગળવારે જણાવ્યું હતું.

ફ્રાન્સની સરકારે સોમવારે જણાવ્યું હતું કે માલીમાં તેના હવાઇ હુમલામાં અલ-કાયદા સાથે જોડાયેલા 50થી વધુ જેહાદીઓનો ખાતમો બોલાયો હતો. બુર્કિના ફાસો અને નાઇજરની સરહદો નજીકના વિસ્તારમાં 30 ઓક્ટોબરે હવાઈ હુમલા કરાયા હતા. આ વિસ્તારમાં સરકારી દળો અને ઇસ્લામિક ત્રાસવાદીઓ વચ્ચે જંગ ચાલુ છે.

ઓસ્ટ્રિયાની રાજધાની વિયેનામાં સોમવારે મોડી રાત્રે ત્રાસવાદી હુમલામાં 3 લોકોનાં મોત થયાં હતા અને 15થી વધુ લોકો લોકો લોકો ઘાયલ થયા છે. હુમલાખોરે 6 અલગ અલગ સ્થળો પર ફાયરિંગ થયું હતું. પોલીસે એક હુમલાખોરને ઠાર માર્યો હતો અને બીજા હુમલાખોરની શોધખોળ ચાલુ કરી હતી.

તુર્કી અને ગ્રીસ ટાપુમાં શુક્રવારે 7.0 તીવ્રતાના ભૂકંપથી ભારે વિનાશ થયો હતો અને ઓછામાં ઓછા 26 લોકોના મોત થયા હતા. આ ભીષણ ભૂકંપમાં સંખ્યાબંધ બિલ્ડિંગ ધરાશાયી થતાં 700થી લોકો ઘાયલ થયા હતા. ભુકંપને કારણે દરિયાકાંઠાના વિસ્તારોમાં અને ગ્રીસના સમોસ ટાપુમાં સુનામી આવ્યું હતું. તુર્કી અને ગ્રીસની સરહદ પરના શહેરોમાં દરિયાના પાણી શહેરમાં ઘુસી ગયા હતા.

ગુજરાત વિધાનસભાની ખાલી પડેલી આઠ બેઠક માટે ત્રણ નવેમ્બરે યોજાયેલી પેટાચૂંટણીમાં સરેરાશ 58.14 ટકા મતદાન થયું હતું. કોવિડના નિયમોનું પાલન કરીને યોજવામાં આવેલા ચૂંટણીમાં મહદઅંશે શાંતિપૂર્ણ મતદાન થયું હતું. સૌથી વધુ ડાંગ બેઠક પર 74.71 ટકા મતદાન થયું હતું. ગઢડામાં નૂતન વિદ્યાલય મતકેન્દ્ર પર બોગસ મતદાનના મુદ્દે કોંગ્રેસ અને ભાજપના કાર્યકારો વચ્ચે પોલીસની હાજરીમાં મારામારી થઈ હતી.

કેનેડાના ક્યુબેક શહેરમાં શનિવારે એક હુમલાખોરે સંખ્યાબંધ લોકો પર ચાકુના ઘા મારીને તેમને ઘાયલ કર્યા છે. આ હુમલામાં બે લોકોના મોત થયા છે. આ હુમલા પાછળનું કારણ જાણી શકાયું નથી. હુમલામાં ઘાયલ થયેલા પાંચ વ્યક્તિને હોસ્પિટલમાં દાખલ કરવામાં આવ્યા હતા.

ગુજરાતના ભૂતપૂર્વ મુખ્યપ્રધાન અને ભાજપના ભીષ્મ પિતામહ કેશુભાઈ પટેલનું ગુરુવારે સવારે 11.55 વાગ્યે અવસાન થયું હતું. તેમની ઉંમર 92 વર્ષ હતી. કેશુભાઈ પટેલને અગાઉ કોરોના થયો હતો અને સારવાર લીધી હતી. જોકે ગુરુવારે તબિયત એકાએક લથડી હતી અને અમદાવાદની સ્ટર્લિંગ હોસ્પિટલમાં સારવાર દરમ્યાન નિધન થયું છે.

યુએઈમાં આઈપીએલની પોતાની લીગ સ્ટેજની અંતિમ મેચમાં દિલ્હી કેપિટલ્સે સોમવારે અબુ ધાબીમાં કોહલીની રોયલ ચેલેન્જર્સ બેંગલોરને છ વિકેટે હરાવી પોઈન્ટ્સ ટેબલમાં પાછો પોતાનો બીજો ક્રમ હાંસલ કરી લીધો હતો, તો બેંગલોરે છેલ્લા મુકાબલામાં પરાજય છતાં પ્લે ઓફ્સમાં પોતાનું સ્થાન નિશ્ચિત કર્યું હતું.

આ વર્ષે ચેન્નાઈ સુપર કિંગ્સ આઈપીએલના પ્લે ઓફ્સમાંથી બહાર થઈ જનારી પહેલી ટીમ હતી અને ટીમના લગભગ કંગાળ કહી શકાય તેવા દેખાવ સાથે લીગ સ્ટેજ પુરો થયા પછી સાતમા ક્રમે રહી હતી. ચેન્નાઈના એક મહત્ત્વના ખેલાડી, ઓસ્ટ્રેલિયાના નિવૃત્ત ક્રિકેટર શેન વોટસને પણ ટીમની આ સીઝન પુરી થયાની સાથે જ તમામ પ્રકારના ક્રિકેટમાંથી નિવૃત્તિની જાહેરાત કરી હતી.

આઈપીએલ 2020મા રોયલ ચેલેન્જર્સ બેંગલોરની ટીમે વાઇસ કેપ્ટન પાર્થિવ પટેલને પડતો મુકી પહેલી મેચમાં જ ઓપનર તરીકે દેવદત્ત પડિક્કલને તક આપી હતી. પડિક્કલે ટીમ મેનેજમેન્ટ અને કેપ્ટન કોહલીને નિરાશ કર્યા નહોતા. તેણે પ્રથમ મેચમાં જ અડધી સદી કરી હતી. એ પછી પણ એ સારો દેખાવ કરતો રહ્યો અને સોમવારની છેલ્લી લીગ મેચમાં પણ તેણે અડધી સદી ફટકારી.