સરકાર, પોલીસ અને કાઉન્સિલો છેલ્લા કેટલાક મહિનાઓ દરમિયાન થઇ રહેલા હજારો સાઉથ એશિયન બાળકોના જાતીય શોષણને રોકવામાં નિષ્ફળ રહી છે. ભૂતપૂર્વ ચિફ ક્રાઉન પ્રોસીક્યુટર, સાંસદો, ચેરિટીઝ અને પીડિતોના કમિશનરે પણ અમારા તારણોને આવકારી સંમત થયા છે કે સત્તાવાળાઓએ ભોગ બનેલા લોકોને તેમના હાલ પર છોડી દીધા છે.

અમેરિકાના મેસેચ્યુસેટ્સ રાજ્યમાં રહેતા ભારતીય પરિવારે પ્રામાણિકતાનું મોટું ઉદાહરણ પૂરૂં પાડયું છે. આ પરિવારે એક સ્થાનિક મહિલાને તેની લોટરી ટિકિટ પરત આપી હતી. આ મહિલાએ આ ટિકિટ બેકાર સમજીને ફેંકી દીધી હતી. આ ટિકિટને કારણે જ આ મહિલા 10 લાખ ડોલર જીતી ગઇ હતી.

ટાટા સન્સે તેની સંપૂર્ણ માલિકીની પેટાકંપની ટાટા ડિજિટલ મારફત અલી બાબાનું રોકાણ ધરાવતી ઓનલાઇન ગ્રોસરી કંપની બિગ બાસ્કેટ(સુપરમાર્કેટ ગ્રોસરી સપ્લાય પ્રાઇવેટ લિમિટેડ)નો બહુમતી હિસ્સો ખરીદ્યો છે. મીડિયા અહેવાલ મુજબ આ સોદો 1.31 બિલિયન ડોલર (રૂ.95 અબજ)માં કરવામાં આવ્યો છે.

ભારતીય અમેરિકન કમલા હેરિસ અમેરિકાના વાઈસ પ્રેસિડેન્ટ ચૂંટાયા પછી ભારતીયોની અને ખાસ તો અમેરિકન ભારતીયોની તેમની પાસેથી અમેરિકાની સરકારના ભારત પ્રત્યેના સકારાત્મક વલણ અંગેની અપેક્ષાઓ ખૂબજ વધી ગઈ છે. અને તેમાં પણ એપ્રિલ મહિનામાં ભારત કોરોના વાઈરસના રોગચાળાના બીજા મોજામાં બહુ ખરાબ રીતે સપડાયું ત્યારે તો એ અપેક્ષાઓ ગગનચૂંબી બની ગઈ હતી.

’કોરોનાવાયરસ રોગચાળા પર નિયંત્રણ કરવામાં સરકારની ભૂલોના પરિણામે હજારો લોકો બિનજરૂરી રીતે મૃત્યુ પામ્યા હતા અને બોરીસ જૉન્સન તેમજ હેલ્થ સેક્રેટરી મેટ હેનકોક તેમના પદ માટે અયોગ્ય છે તેમજ વડાપ્રધાને વૈજ્ઞાનિક સલાહ અવગણીને ખોટી રીતે લોકડાઉન કરવામાં વિલંબ કર્યો હતો’’ એવો આક્ષેપ વડા પ્રધાનના ભૂતપૂર્વ ઉચ્ચ સલાહકાર ડોમિનિક કમિંગ્સે કર્યો હતો.

સરકારના ન્યુ એન્ડ ઇમર્જીંગ રેસ્પીરેટરી વાયરસ થ્રેટ્સ એડવાઇઝરી (નેર્વાટેગ)ના સભ્ય અને કેમ્બ્રિજ યુનિવર્સિટીના પ્રોફેસર રવિ ગુપ્તાએ જણાવ્યું હતું કે નવા કેસો “પ્રમાણમાં ઓછા” હોવા છતાં કોવિડના ભારતીય વેરિયન્ટમાં વ્યાપક પ્રમાણમાં વૃધ્ધી થઇ છે.

બે અભ્યાસો સૂચવે છે કે જો વ્યક્તિને કોરોનાવાયરસવો ચેપ લાગ્યો હોય અને તેણે રસી પણ મેળવી હોય તો તેમના શરીરમાં કોરોનાવાયરસના એન્ટિબોડીઝ વર્ષો સુધી ટકી શકે છે. રોગપ્રતિકારક પ્રતિક્રિયાના ભાગ રૂપે ઉત્પન્ન થયેલ અસ્થિ મજ્જા (બોન મેરો)ના કોષો વાયરસને યાદ રાખે છે

બ્રિટનના 56 વર્ષીય વડાપ્રધાન બોરિસ જૉન્સને લંડનમાં વેસ્ટમિન્સ્ટરમાં આવેલા રોમન કેથલિક કેથેડ્રલમાં શનિવારે ઢળતી બપોરે તા. 29ના રોજ અંગત મિત્રો અને પરિવારજનોની હાજરીમાં એક નાના ખાનગી સમારંભમાં તેમની 33 વર્ષીય વાગ્દતા કેરી સાયમન્ડ્સ સાથે લગ્ન કર્યા હતાં.

ગુજરાતમાં 17મેએ ત્રાટકેલા તાઉતે વાવાઝોડાથી અસરગ્રસ્ત બનેલા ખેડૂતો માટે રાજ્ય સરકારે ગુરુવારે રૂ.500 કરોડના કૃષિ સહાય પેકેજની જાહેરાત કરી હતી. રાજ્યના મુખ્યપ્રધાન વિજય રુપાણીના નેતૃત્વમાં યોજાયેલી કોર કમિટીની બેઠખમાં આ અંગેનો મહત્વનો નિર્ણય લેવાયો હતો.

ગુજરાતમાં સોમવારે કોરોના વાઇરસના નવા 1,681 કેસ નોંધાયા હતા, જે છેલ્લાં 71 દિવસમાં સૌથી ઓછા દૈનિક કેસ છે. રાજ્યમાં એક દિવસમાં 18 દર્દીઓનાં મોત સાથે કુલ મૃત્યુઆંક વધીને 9,833 થયો હતો. અમદાવાદમાં નવા 270 કેસ નોંધાયા હતા અને 4નાં મોત થયા હતા

રોલ્સ રોયસનું નામ, લક્ઝરી, સ્ટાન્ડર્ડ બધું જ મોંઘુ છે. તેમાં પણ હવે કંપનીએ વિશ્વની સૌથી મોંઘી £20 મિલિયનની કાર એક અનામી બિલિયોનેર દંપતી માટે બનાવી છે.બોટ ટેઈલ કન્વર્ટિબલ ગ્રાન્ડ ટૂરર એ ખૂબ જ વ્યક્તિગત સ્પર્શ આપીને ખાસ પ્રેરાણાથી હાથથી બનાવાયેલી કાર છે. રોલ્સ રોયસની ત્રણ પૈકીની પ્રથમ કાર ખરીદનીર માલિક દેખીતી રીતે શેમ્પેઈન, અલ્ફ્રેસ્કો ભોજન અને પેનના શોખીન છે.