ટેસ્લાના માલિક ઈલોન મસ્કે આખરે લોકપ્રિય સોશિયલ નેટવર્કિંગ સાઈટ ટ્વીટર ખરીદવા માટે 44 બિલિયન ડોલરની ડીલ કરી છે. ઈલોન મસ્ક સાથેના સોદા સાથે ટ્વીટરે જણાવ્યું હતું કે ખરીદીની પ્રક્રિયા પૂર્ણ થઈ જાય તે પછી તે ખાનગી માલિકીની કંપની બની જશે. ટ્વીટરે શેરધારકોને ટ્રાન્ઝેક્શનની ભલામણ કરવા બોર્ડ મીટિંગ બાદ સોમવારે મોડી રાત્રે $44 બિલિયનના સોદાની જાહેરાત કરી હતી. ઈલોન મસ્કે ગયા અઠવાડિયે માઇક્રોબ્લોગિંગ સાઇટ ટ્વીટરને $44 બિલિયનમાં ખરીદવાની ઓફર કરી હતી. મસ્કએ કહ્યું કે તે ટ્વીટર ખરીદવા માંગે છે, કારણ કે તેને નથી લાગતું કે તે મુક્ત અભિવ્યક્તિના પ્લેટફોર્મ તરીકે તેની સંભવિતતા અનુસાર આગળ વધી રહ્યું છે. ટ્વીટર ખરીદવાની ઓફર કરી ત્યારથી જ મસ્ક કંપની પર આ ડીલ માટે દબાણ કરી રહ્યા હતા. વોલ સ્ટ્રીટ જર્નલના સમાચાર અનુસાર, ડીલને લઈને મસ્ક અને ટ્વિટર વચ્ચે બેઠક થઈ હતી. ત્યારથી નક્કી કરવામાં આવ્યું હતું કે ટ્વીટર મસ્કની ઓફર સ્વીકારવાનું મન બનાવી લીધું છે.

ગુજરાત સ્થિત અદાણી ગ્રૂપના ચેરમેન ગૌતમ અદાણી 123.7 બિલિયન ડોલરની સંપત્તિ સાથે વિશ્વના પાંચમાં ક્રમના સૌથી ધનિક બન્યાં છે. સોમવાર (25 એપ્રિલ)એ તેમણે અમેરિકાના પ્રખ્યાત ઇન્વેસ્ટર વોરેન બફેટને પાછળ રાખીને આ સિદ્ધી હાંસલ કરી હતી, એમ ફોર્બ્સ રિયલ ટાઇમ બિલિયોનેર ઇન્ડેક્સના તાજેતરના રેન્કિંગમાં જણાવાયું છે. ફોર્બ્સ બિલિયોનેર ઇન્ડેક્સ મુજબ બર્કશાયર હેથવેના ચેરમેન બફેટની નેટવર્થ હાલમાં 121.7 બિલિયન ડોલર છે. વિશ્વમાં હાલ સૌથી અમીર વ્યક્તિઓની યાદીમાં ગૌતમ અદાણી કરતાં ચાર ધનિકો આગળ છે, જેમાં 130.2 બિલિયન ડોલરની નેટવર્થ ધરાવતા માઇક્રોસોફ્ટના સહ-સ્થાપક બિલ ગેટ્સ, 166.8 બિલિયન ડોલરની નેટવર્થ ધરાવતા બર્નાર્ડ આર્નોલ્ટ, 170.2 બિલિયન ડોલરની નેટવર્થ ધરાવતા જેફ બેઝોસ અને 269.7 બિલિયન ડોલરની નેટવર્થ ધરાવતા ઇલોન મસ્કનો સમાવેશ થાય છે. અદાણી ગ્રૂપના ચેરમેનને ભારતમાં સૌથી ધનિક વ્યક્તિ તરીકે પોતાના સ્થાનને પણ વધુ મજબૂત બનાવ્યું છે.

ઓટીસી પ્લેટફોર્મ અને સ્ટ્રીમિંગ ટેલિવિઝન સર્વિસ પ્રોવાઈડર નેટફ્લિક્સ સબસ્ક્રાઇબર્સની સંખ્યામાં 2022ના પ્રથમ ક્વાર્ટરમાં 2 લાખનો ઘટાડો થયો હતો. કંપનીના સબસ્ક્રાઇબર્સની સંખ્યા ઘટી હોય તેવી એક દાયકામાં પ્રથમ વખત આ ઘટના છે જોકે કંપનીએ આ ઘટાડા પાછળ યુક્રેન પર મોસ્કોના આક્રમણને જવાબદાર ઠેરવ્યું છે. રશિયામાં તેની સેવા સ્થગિત કરાતા સબ્સ્ક્રાઇબર્સમાં ત્રિમાસિક ધોરણે આ ઘટાડો જોવા મળ્યો છે. ચાલુ વર્ષના જાન્યુઆરી-માર્ચ ત્રિમાસિકગાળાના અંતે કંપની પાસે કુલ 221.6 મિલિયન સબ્સ્ક્રાઇબર્સ હતા. સિલિકોન વેલી ટેક ફર્મે તાજેતરમાં પૂરા થયેલા ત્રિમાસિક ગાળામાં 1.6 બિલિયન ડોલરની આવક નોંધાવી હતી, જે એક વર્ષ અગાઉના સમાન સમયગાળામાં 1.7 બિલિયન ડોલર હતી. અર્નિંગ કોલ લેટરમાં કંપનીએ સ્વીકાર્યું કે અમે ઈચ્છતા હતા તેટલી ઝડપથી આવક વધી નથી. 2020માં કોરોના અને 2021માં બીજી કોરોનાની લહેરોને કારણે અમારી આશાવાદી વૃદ્ધિ હાંસલ કરી શક્યાં નથી.

ભારતની સૌથી મોટી સ્ટીલ કંપની ટાટા સ્ટીલ ટૂંક સમયમાં જ પોતાનો રશિયા સાથેનો બિઝનેસ બંધ કરશે. રશિયા અને યુક્રેન વચ્ચેના યુદ્ધને કારણે અનેક વૈશ્વિક કંપનીએ રશિયામાં પોતાનો બિઝનેસ અટકાવ્યો છે અને ટાટા સ્ટીલ આ કડીમાં જોડાનારી નવી ગ્લોબલ કંપની છે. ગયા સપ્તાહે દેશની બીજા નંબરની સૌથી મોટી સોફ્ટવેર કંપની ઈન્ફોસિસે જ રશિયામાંથી બહાર આવવાની જાહેરાત કરી હતી. ટાટા સ્ટીલે પોતાના એક નિવેદન દ્વારા સ્પષ્ટતા કરી હતી કે, રશિયામાં કંપનીની કોઈ ફેક્ટરી નથી અને ત્યાં કોઈ ઓપરેશનલ કામ પણ નથી ચાલતું. કંપનીના કોઈ કર્મચારી પણ રશિયામાં નથી. રશિયામાં બિઝનેસ બંધ કરવાનો નિર્ણય ખૂબ જ સમજી-વિચારીને લેવામાં આવ્યો છે. ટાટા સ્ટીલ પોતાની ફેક્ટરી ચલાવવા અને સ્ટીલ બનાવવા માટે રશિયાથી કોલસાની આયાત કરે છે. કંપનીના સ્ટીલના કારખાનાઓ ભારત ઉપરાંત બ્રિટન અને નેધરલેન્ડમાં પણ છે.

કપૂર નવદંપતિને લગ્નમાં મળી અતિ કિંમતી ભેટ-સોગાદો

બોલીવૂડના નવદંપત્તી- રણબીર કપૂર અને આલિયાને લગ્ન પછી સેલિબ્રિટીઓ તરફથી મોંઘીદાટ ભેટ મળી છે. તેમાં પ્રોપર્ટી, કાર અને જ્વેલરીનો સમાવેશ થાય છે. રણબીરની માતા નીતુ કપૂરે પોતાના લાડલા અને પુત્રવધૂને લગ્નની ભેટ તરીકે છ બેડરૂમનો ફ્લેટ ભેટમાં આપ્યો છે. જેની કિંમત રૂ. 26 કરોડ હોવાનું માનવામાં આવે છે. અનુષ્કા શર્માએ મનીષ મલ્હોત્રા દ્વારા ડિઝાઇન કરેલો એક ડ્રેસ આલિયાને ભેટ આપ્યો છે. જેની કિંમત રૂ. 1.6 લાખ હોવાનું કહેવાય છે. અર્જુન કપૂરે પોતાના મિત્ર રણબીરને એક ગુચ્ચી જિપર જેકેટ ભેટમાં આપ્યું છે જેની કિંમત રૂ. 1.5 લાખ હોવાનો અંદાજ છે. રણબીરના ખાસ મિત્ર અને દિગ્દર્શક અયાન મુખર્જીએ નવદંપત્તીને ઓડી ક્યૂ8 કાર ગિફ્ટ કરી છે, જેની કિંમત રૂ. 1.3 કરોડ છે. રણબીરની ગર્લફ્રેન્ડ દીપિકા પદુકોણએ બંનેને ચોપર્ડ ઘડિયાળની જોડી ભેટમાં આપી છે. જેની કિંમત રૂ.

શિલ્પાનું નવા બિઝનેસમાં પદાર્પણ

થોડા સમય અગાઉના પતિ રાજ કુન્દ્રાના પોર્ન કેસના આઘાતમાંથી શિલ્પા શેટ્ટી હવે સંપૂર્ણ રીતે બહાર આવી ગઈ છે. છેલ્લા કેટલાય સમયથી ફિલ્મોથી દૂર રહેલી શિલ્પાએ હવે વીએફએક્સ કંપની શરૂ કરી છે. શાહરુખ ખાન અને અજય દેવગણ પોતપોતાની વીએફએક્સ કંપનીઓ ધરાવે છે. હવે શિલ્પા પણ આ લીગમાં જોડાઈ છે. બાહુબલી અને RRR જેવી ફિલ્મોમાં વીએફએક્સ થકી જ અદભુત દ્રશ્યો સર્જવામાં આવ્યાં હતા પરંતુ તે સિવાય ઓછાં બજેટની ફિલ્મોમાં પણ કેટલાક લોકેશન, ભીડ વગેરે દર્શાવવા વીએફએક્સનો ઉપયોગ થાય છે. ભારતીય વીએફએકસ કંપનીઓની વૈશ્વિક સ્તરે નામના વધી છે.

મુશ્કેલીના સમયમાં નીના ગુપ્તા‍ને મળ્યો સતિષ કૌશિકનો સાથ

પીઢ અભિનેતા અને જાણીતા ડાયરેક્ટર સતિષ કૌશિકે ગત સપ્તાહે પોતાનો 65મો જન્મદિન ઉજવ્યો હતો. ફિલ્મોમાં સહાયક કલાકાર અને કોમેડિયનની ભૂમિકા ભજવનાર સતિષ કૌશિકને બોલિવૂડના મજબૂત અભિનેતા માનવામાં આવે છે. તેઓ કોમેડી કે ગંભીર પાત્રની ભૂમિકા સરળતાથી કરી શકે છે. કોઇપણ પાત્ર ભજવતી વખતે તેમાં તેઓ તેમાં ડુબી જાય છે. તેમણે પોતાના કરિયરની શરૂઆત વર્ષ 1983માં મૌસમથી કરી હતી. આ પછી તેમણે ફિલ્મમોમાં એક કરતા વધુ પાત્રો ભજવ્યા છે. આ સાથે સતિષ કૌશિક પણ પોતાના અંગત જીવનના કારણે ચર્ચામાં રહ્યા હતા. ગયા વર્ષે નીના ગુપ્તાનું પુસ્તક ‘સચ કહું તો’ પ્રકાશિત થયું હતું. નીનાએ તેમાં પોતાના વિશે કેટલીક અજાણી અને સાંભળેલી વાતોનો ખુલાસો કર્યો હતો.

પતિને ખુશ રાખવા નીતુ કપૂરે ફિલ્મોમાં કામ કર્યું

રણબીર કપૂરની માતા અને રિશિ કપૂરની પત્ની નીતુ કપૂરે જણાવ્યું છે કે, તેણે રિશી કપૂર સાથે ફિલ્મોમાં કામ માત્ર ફેવર આપવા માટે કર્યું હતું. વર્ષ 2020માં રિશી કપૂરના અવસાન બાદ નીતુને ખૂબ એકલવાયું લાગી રહ્યું છે. જોકે, તેમણે હવે ફરીથી કામ કરવાનું શરૂ કર્યું છે. તેઓ વરુણ ધવન અને કિયારા અડવાણી સાથેની ‘જુગ જુગ જિયો’માં જોવા મળશે. સાથે જ ‘ડાન્સ દીવાને જુનિયર્સ’ને પણ જજ કરે છે. આ કપૂર દંપત્તીએ ‘કભી કભી’, ‘ખેલ ખેલ મેં’, ‘દૂસરા આદમી’, ‘ધન દૌલત’, ‘રફુચક્કર’, ‘ઝિંદાદિલ’, ‘અમર અકબર એન્થની’, ‘લવ આજ કલ’, ‘દો દુની ચાર’ અને ‘બેશરમ’માં સાથે કામ કર્યું હતું. હવે તેઓ પોતાને વ્યસ્ત રાખવા ઇચ્છે છે.