ઇન્ડિયન એરફોર્સ અને નેવી માટે 2004માં 24 હોક 115 એડવાન્સ જેટ ટ્રેનર એરક્રાફ્ટની ખરીદીમાં કથિત ભ્રષ્ટાચાર બદલ ભારતની તપાસ એજન્સી સીબીઆઇએ સોમવારે ​​બ્રિટિશ મલ્ટિનેશનલ એરોસ્પેસ એન્ડ ડિફેન્સ કંપની રોલ્સ રોયસ અને તેના ટોચના એક્ઝિક્યુટિવ સામે કેસ દાખલ કર્યો હતો. એજન્સીએ આ ખરીદીમાં ભારત સરકાર સાથે છેતરપિંડીના કથિત પ્રયાસ બદલ કંપનીના ઇન્ડિયા ડિરેક્ટર ટિમ જોન્સ, આર્મ્સ ડીલર્સ સુધીર ચૌધરી અને ભાનુ ચૌધરી અને બ્રિટિશ એરોસ્પેસ સિસ્ટમ્સ (બીએઇ સિસ્ટમ્સ) સામે કેસ નોંધ્યો હતો.

બોસ્ટન કન્સલ્ટિંગ ગ્રૂપની વિશ્વની સૌથી ઇનોવેટિવ કંપનીઓની યાદીમાં ટાટા ગ્રૂપને 20મુ સ્થાન આપવામાં આવ્યું હતું. આ યાદીમાં ટાટા ગ્રૂપ ભારતની એકમાત્ર કંપની છે. સૌથી વધુ ઇનોવેટિવ હોય તેવી ટોચની 50 કંપનીઓની આ યાદીમાં આઇફોનનું ઉત્પાદન કરતી અમેરિકન કંપની એપલ પ્રથમ ક્રમે રહી છે. બીજા ક્રમે વિશ્વના બીજા સૌથી અમીર વ્યક્તિ ઈલોન મસ્કની ઇલેક્ટ્રિક કાર કંપની ટેસ્લાને સ્થાન આપવામાં આવ્યું છે. આ યાદીમાં ત્રીજા નંબર પર ઈ-કોમર્સ કંપની એમેઝોન છે. ગયા વર્ષની શરૂઆતમાં જાહેર કરાયેલી યાદીમાં ટેસ્લા ત્રીજા નંબરે હતી

ટેસ્લાની એક ટીમે ભારતની મુલાકાત લીધાના થોડા દિવસો પછી કંપનીના ચીફ એક્ઝિક્યુટિવ ઓફિસર એલોન મસ્કે મંગળવારે જણાવ્યું હતું કે ઓટોમેકર આ વર્ષના અંત સુધીમાં નવી ફેક્ટરી માટે સ્થળ પસંદ કરશે. વોલ સ્ટ્રીટ જર્નલના થોરોલ્ડ બાર્કરે એક કાર્યક્રમમાં મસ્કને પૂછ્યું કે શું ભારત રસપ્રદ છે, તો તેમણે કહ્યું, “ચોક્કસ”. મસ્કે સ્પષ્ટ સંકેત આપ્યો હતો કે નવી ફેક્ટરી માટે ભારત તેમના રડાર પર છે. ભારતના ટેકનોલોજી પ્રધાને તાજેતરમાં એક ઇન્ટરવ્યૂમાં જણાવ્યું હતું કે ટેસ્લા ભારતમાં મેન્યુફેક્ચરિંગ બેઝ સ્થાપિત કરવાની તેની યોજનાઓ વિશે “ગંભીર” છે .

NRI રોકાણકાર રાજીવ જૈનના GQG પાર્ટનર્સ અદાણી ગ્રૂપમાં તેમના હિસ્સામાં આશરે 10 ટકાનો વધારો કર્યો છે. આ હિસ્સાનું મૂલ્ય આશરે 3.5 બિલિયન ડોલર થાય છે. હિન્ડનબર્ગના રીપોર્ટના પગલે અદાણી ગ્રૂપના શેરોમાં ધોવાણ ચાલું હતું ત્યારે રાજીવ જૈનની આ કંપનીએ આશરે રૂ.15,000 કરોડનુ રોકાણ કર્યું હતું. જૈને તાજેતરમાં એક ઇન્ટરવ્યૂમાં જણાવ્યું હતું કે પાંચ વર્ષમાં અમે અદાણી ગ્રૂપના અદાણી પરિવાર પછીના એક અગ્રણી રોકાણકાર બનવા માગીએ છીએ. જૈનના આ રોકાણના કારણે અદાણીના સ્ટોક્સને ઘણી સ્થિરતા મળી હતી.

IIFA એવોર્ડ 2023: “દ્રશ્યમ 2” શ્રેષ્ઠ ફિલ્મ, આલિયા ભટ્ટ બેસ્ટ એક્ટ્રેસ

અબુ ધાબીમાં યોજાયેલા આઇફા એવોર્ડ 2023 સમારંભમાં અજય દેવગણ અભિનીત “દ્રશ્યમ 2″ને શ્રેષ્ઠ ફિલ્મનો પુરસ્કાર મળ્યો હતો. આલિયા ભટ્ટ અને રિતિક રોશનને અનુક્રમે શ્રેષ્ઠ અભિનેત્રી અને શ્રેષ્ઠ અભિનેતાનો એવોર્ડ મળ્યો હતો. નિર્માતા ભૂષણ કુમાર અને કુમાર મંગતે”દ્રશ્યમ 2” માટે શ્રેષ્ઠ ફિલ્મનો એવોર્ડ સ્વીકાર્યો હતો. આ ફિલ્મને બેસ્ટ એડેપ્ટેડ સ્ટોરીનો એવોર્ડ પણ મળ્યો હતો. આલિયા ભટ્ટને સંજય લીલા ભણસાલીની ગંગુબાઈ કાઠિયાવાડીમાં ભૂમિકામાં આ પુરસ્કાર આપવામાં આવ્યો હતો.

ગેંગસ્ટર લોરેન્સ બિશ્વોઇના ટોપ 10 હીટલિસ્ટમાં સલમાન ખાન ટોચના સ્થાને

ગેંગસ્ટર લોરેન્સ બિશ્નોઈના ટોપ 10 હીટલિસ્ટમાં બોલિવૂડ સુપરસ્ટાર સલમાન ખાન ટોચના સ્થાને હતો. આ કુખ્યાત ગેંગસ્ટરે કેન્દ્રીય તપાસ એજન્સી નેશનલ ઇન્વેસ્ટિગેશન એજન્સી (એનઆઇએ)ની તપાસમાં કબૂલાત કરી હતી. લોરેન્સ બિશ્નોઈએ કહ્યું કે વર્ષ 1998માં સલમાન ખાને કાળા હરણનો શિકાર કર્યો હતો, જેને બિશ્નોઈ સમુદાય દ્વારા પવિત્ર માનવામાં આવે છે અને સમુદાયની લાગણી દુભાવવાનો બદલો તે અભિનેતાને મારવા માંગે છે.

‘સારાભાઈ વર્સિસ સારાભાઈ’ ફેઈમ વૈભવી ઉપાધ્યાયનું અકસ્માતમાં અવસાન

લોકપ્રિય ટીવી શો ‘સારાભાઈ વર્સીસ સારાભાઈ’માં તેની ભૂમિકા માટે જાણીતી બનેલી અભિનેત્રી વૈભવી ઉપાધ્યાયનું કાર અકસ્માતમાં મૃત્યુ થયું હતું. આ દુર્ભાગ્યપૂર્ણ સમાચાર નિર્માતા જેડી મજેઠિયાએ શેર કર્યા હતા. આ અકસ્માત ઉત્તર ભારતમાં થયો હતો. અભિનેત્રી તેના મંગેતર સાથે કુલ્લુની મુલાકાત લેવા નીકળી હતી અને ત્યાં આ અકસ્માત થયો હતો. આ સમાચાર સામે આવ્યા બાદ અનુપમા ફેમ રૂપાલી ગાંગુલી સહિત ઘણા ટીવી સ્ટાર્સ તથા ગુજરાતી ફિલ્મના જગતની હસ્તીઓએ અભિનેત્રીને શ્રદ્ધાંજલિ પાઠવી છે.

નુસરત ભરુચા ગુજરાતી ફિલ્મમાં કામ કરવા આતુર

બોલીવૂડમાં પોતાનું સ્થાન જમાવી રહેલી યુવા અભિનેત્રી નુસરત ભરુચાની ગણના બોલીવૂડની ટોચની અભિનેત્રીઓમાં થાય છે. તેણે બોલીવૂડમાં ઓળખ બનાવવા માટે જેટલો લાંબો સમય આપ્યો એટલી જ લોકપ્રિયતા તે અત્યારે મેળવી શકી છે. અનેક પ્રયાસો અને અથાગ પરિશ્રમ પછી તેને રૂ. 100 કરોડની ફિલ્મ મળી હતી. `પ્યાર કા પંચનામા`ની જાણીતી આ અભિનેત્રી નુસરતને હવે ગુજરાતી ફિલ્મોમાં કામ કરવાની ઇચ્છા છે.