ભારતના વડાપ્રધાન નરેન્દ્ર મોદીનો ગયા સપ્તાહે તેમની સૌપ્રથમ સત્તાવાર અમેરિકા યાત્રામાં પ્રેસિડેન્ટ જો બાઈડેન અને તેમની સરકાર, અનેક રાજકીય મહાનુભાવો તથા વેપાર – ઉદ્યોગ અને ટેકનોલોજી માંઘાતાઓ દ્વારા અપેક્ષાથી પણ અધિક મોંઘેરો આદર – સત્કાર કરાયો હતો. અમેરિકાના પ્રેસિડેન્ટ બાઈડેન અને તેમના પત્નીએ મોદીના માનમાં ખાનગી ડીનરનું પણ આયોજન કર્યું હતું. તેમની આ મુલાકાત અનેક રીતે ઐતિહાસિક બની રહી હતી. આ મુલાકાત દરમિયાન ભારત અને અમેરિકા વચ્ચે ટેકનોલોજી ટ્રાન્સફર સહિતના સંરક્ષણ સોદા, માઈક્રો ચિપ્સ સહિતની અન્ય આધુનિક ટેકનોલોજીના ક્ષેત્રે સહકાર, ગૂગલ સહિતની ટોચની ટેક કંપનીઓ દ્વારા ભારતમાં નવા પ્રોજેક્ટ્સ સાથે રોકાણની જાહેરાતો, ભારતના કુશળ કર્મચારીઓ માટે વિઝા પ્રોસેસમાં ખાસ રાહત વગેરે જેવી અનેક નવી ક્ષિતિજો ખુલી હતી.

વડાપ્રધાન નરેન્દ્ર મોદીની સ્ટેટ વિઝિટ દરમિયાન ગુરુવારે રાતે સ્ટેટ ડિનરમાં પીએમ મોદી અને અમેરિકન પ્રેસિડેન્ટ બાઈડેને કરેલા સંબોધને બંને દેશોના મૈત્રીપૂર્ણ સંબંધોને વધુ ગાઢ બનાવ્યા હતા. આ સ્ટેટ ડિનરમાં ભારતના ટોચના ઉદ્યોગપતિ મુકેશ અંબાણી અને આનંદ મહિન્દ્રા

અમેરિકાની મુલાકાતે ગયેલા ભારતના વડાપ્રધાન નરેન્દ્ર મોદીએ વ્હાઈટ હાઉસમાં તેમના ભવ્ય સ્વાગતના પ્રતિભાવમાં કહ્યું હતું કે, તેમનું સ્વાગત વાસ્તવમાં તો 140 કરોડ ભારતીયોનું સન્માન છે, એ ભારતીયો માટે ગૌરવની વાત છે.

અમેરિકાના અનેક સેનેટર અને રીપ્રેઝન્ટેટિવ્ઝે પ્રેસિડેન્ટ બાઇડેનને વડાપ્રધાન મોદી સમક્ષ માનવાધિકારોના મુદ્દા ઉઠાવવા વિનંતી કરી હતી. આ અંગે બાઇડેનને પત્ર મોકલાયો જે ન્યૂઝ એજન્સી રોઈટર્સના ધ્યાનમાં આવ્યો હતો.

નરેન્દ્ર મોદીએ અગ્રણી અમેરિકન અર્થશાસ્ત્રી પ્રોફેસર પોલ રોમર, રોકાણકાર અને હેજ ફંડ બ્રિજવોટર એસોસિએટ્સના સહ-સ્થાપક, રે ડાલિયો અને અન્ય પ્રતિષ્ઠિત નેતાઓ સાથે મુલાકાત કરી અને તેમની સાથે મંતવ્યોનું આદાન-પ્રદાન કર્યું હતું.

અમેરિકા આગામી થોડા સમયમાં અમદાવાદ ખાતે કોન્સ્યુલેટ શરૂ કરશે તેવી જાહેરાતને ગુજરાતીઓએ વધાવી લીધી છે. આ નિર્ણય પછી ગુજરાતીઓને અમેરિકાના વિઝા લેવા માટેના ખર્ચમાં ઘટાડો થશે અને સમય પણ ઓછો વેડફાશે તેમ જાણકારોનું માનવું છે.

ભારતના વડાપ્રધાન નરેન્દ્ર મોદીએ કહ્યું હતું કે યોગે વિશ્વને એક કર્યું છે. ભારતના આહવાન પર ૧૮૦ દેશો તૈયાર થયા અને ૨૧મી જુનના રોજ આંતરરાષ્ટ્રીય યોગ દિવસ ઉજવવાની સંયુક્ત રાષ્ટ્રો દ્વારા જાહેરાત કરવામાં આવી હતી.

​​ઇજિપ્તના પ્રમુખ અબ્દેલ ફત્તાહ અલ-સીસીએ ભારતના વડા પ્રધાન નરેન્દ્રનું મોદીએ રવિવાર, 25 જૂને ઇજિપ્તના સર્વોચ્ચ નાગરિક સન્માન ‘ઓર્ડર ઓફ ધ નાઇલ’થી સન્માન કર્યું હતું. વિશ્વના જુદા જુદા દેશોએ વડાપ્રધાન મોદીને એનાયત કર્યું હોય તેવું આ 13મું સર્વોચ્ચ નાગરિક સન્માન છે.

અમેરિકા સરકારે મર્યાદિત સંખ્યામાં, કેટલાક ચુનંદા ભારતીય પ્રવાસીઓ માટે વિવિધ ભારતીય સરકારી એજન્સીઝની મંજુરીને આધિન, અમેરિકામાં પ્રવેશ વખતે ત્યાંના એરપોર્ટ્સ ઉપર ઈમિગ્રેશનની લાંબી લાઈનોમાં ઉભા રહેવા કે ઈન્ટરવ્યૂમાંથી મુક્તિ મળી શકશે,

ગુજરાતમાં રવિવાર, 25 જૂને ચોમાસાનો વિધિવત ધમાકેદાર પ્રારંભ થયો હતો. પ્રથમ દિવસે ચોમાસાએ સમગ્ર દક્ષિણ ગુજરાત તથા સૌરાષ્ટ્રના કેટલાંક વિસ્તારો સહિત રાજ્યના 50 ટકા વિસ્તારોને આવરી લીધો હતો.

ભારતમાં પાંચમી ઓક્ટોબરથી રમાનારા ક્રિકેટ વન-ડે વર્લ્ડકપના કાર્યક્રમની આઈસીસીએ મંગળવારે (27 જુન) આખરે જાહેરાત કરી હતી. આ ટુર્નામેન્ટ ભારતમાં 5 ઓક્ટોબરથી 19 નવેમ્બર સુધી રમાશે. પ્રથમ મેચ ઈંગ્લેન્ડ અને ન્યૂ ઝીલેન્ડની રહેશે, એ બંને ટીમો 2019

ભારતીય ક્રિકેટ ટીમ આગામી જુલાઈ મહિનામાં વેસ્ટ ઈન્ડિઝના પ્રવાસે જવાની છે, જ્યાં તે બે ટેસ્ટ મેચ, ત્રણ વન-ડે તેમજ પાંચ ટી-20 મેચની સીરીઝ રમવાની છે. આ સીરીઝની છેલ્લી બે ટી-20 અમેરિકાના ફલોરિડામાં રમાશે. સીરીઝની ટેસ્ટ તેમજ વન-ડે માટેની ભારતીય ટીમની

હાલમાં ઝિમ્બાબ્વેમાં ચાલી રહેલી 2023ના આઈસીસી વન-ડે વર્લ્ડ કપની ક્વોલિફાયર્સ મેચો રમાઇ રહી છે. વર્લ્ડ કપના મેઈન સ્ટેજમાં 10 ટીમ રમશે, જેમાંથી 8 ઓટોમેટિક ક્વોલિફાઈ થઈ છે, તો બાકીના બે સ્થાન માટે 10 ટીમ ક્વોલિફાયર્સ સ્પર્ધામાં હતી.