ભારતીય ક્રિકેટ ટીમ આગામી જુલાઈ મહિનામાં વેસ્ટ ઈન્ડિઝના પ્રવાસે જવાની છે, જ્યાં તે બે ટેસ્ટ મેચ, ત્રણ વન-ડે તેમજ પાંચ ટી-20 મેચની સીરીઝ રમવાની છે. આ સીરીઝની છેલ્લી બે ટી-20 અમેરિકાના ફલોરિડામાં રમાશે. સીરીઝની ટેસ્ટ તેમજ વન-ડે માટેની ભારતીય ટીમની જાહેરાત ગયા સપ્તાહે કરાઈ હતી. ટેસ્ટ ટીમમાંથી ચેતેશ્વર પુજારાને પડતો મુકાયો છે, તો ફાસ્ટ બોલર મોહમદ શામીને ટેસ્ટ તેમજ વન-ડે સીરીઝમાં આરામ અપાયો છે. સમગ્ર સીરીઝ માટે સુકાનીપદે રોહિત શર્મા રહેશે. ટેસ્ટ મેચ માટે અજિંક્ય રહાણેને તથા વન-ડે માટે હાર્દિક પંડ્યાને ઉપ સુકાનીપદ સોંપાયું છે.
ટેસ્ટ ટીમમાં યશસ્વી જયસ્વાલ તથા ઋતુરાજ ગાયકવાડનો પહેલીવાર સમાવેશ કરાયો છે, તો બોલર્સમાં નવદીપ સૈની તથા મુકેશ કુમારને પણ તક અપાઈ છે. ઉમરાન મલિક અને સંજુ સેમસનની વન-ડે ટીમાં વાપસી થઈ છે. વન-ડે ટીમમાં ફાસ્ટ બોલર જયદેવ ઉનડકટ, મુકેશ કુમાર તેમજ ઋતુરાજ ગાયકવાડનો પણ ફરી સમાવેશ કરાયો છે.
ખાસ કરીને ટેસ્ટ ટીમમાંથી પુજારાને પડતો મુકવાના પસંદગીકારોના નિર્ણયની ભૂતપૂર્વ ખેલાડીઓએ આકરી ટીકા કરતાં એવા સવાલો કર્યા હતા કે વર્લ્ડ ટેસ્ટ ચેમ્પિયનશિપની ફાઈનલમાં લગભગ તમામ ભારતીય બેટર્સ નિષ્ફળ ગયા હતા, ત્યારે બલિનો બકરો એકમાત્ર પુજારાને શા માટે બનાવાયો છે?
ટેસ્ટ ટીમઃ રોહિત શર્મા (સુકાની), શુભમન ગિલ, ઋતુરાજ ગાયકવાડ, વિરાટ કોહલી, યશસ્વી જયસ્વાલ, અજિંક્ય રહાણે (ઉપસુકાની), કે. એસ. ભરત અને ઈશાન કિશન (વિકેટ કીપર્સ), આર. કે. અશ્વિન, રવિન્દ્ર જાડેજા, શાર્દુલ ઠાકુર, અક્ષર પટેલ, મોહમ્મદ સિરાજ, મુકેશ કુમાર, જયદેવ ઉનડકટ અને નવદીપ સૈની.
વનડે ટીમઃ રોહિત શર્મા (સુકાની), શુભમન ગિલ, ઋતુરાજ ગાયકવાડ, વિરાટ કોહલી, સૂર્યકુમાર યાદવ, સંજુ સેમસન અને ઈશાન કિશન (વિકેટ કીપર્સ), હાર્દિક પંડ્યા (ઉપસુકાની), શાર્દુલ ઠાકુર, રવિન્દ્ર જાડેજા, અક્ષર પટેલ. યુઝવેન્દ્ર ચહલ, કુલદીપ યાદવ, જયદેવ ઉનડકટ, મોહમ્મદ સિરાજ, ઉમરાન મલિક અને મુકેશ કુમાર.
ભારતીય ટીમનો વેસ્ટ ઈન્ડિઝ પ્રવાસનો કાર્યક્રમ
મેચ તારીખ સ્થળ
પ્રથમ ટેસ્ટ 12થી 16 જુલાઈ ડોમિનિકા
બીજી ટેસ્ટ 20થી 24 જુલાઈ પોર્ટ ઓફ સ્પેન
પ્રથમ વનડે 27 જુલાઈ બ્રિજટાઉન
બીજી વનડે 29 જુલાઈ બ્રિજટાઉન
ત્રીજી વનડે 1 ઓગસ્ટ પોર્ટ ઓફ સ્પેન
પ્રથમ T20 3 ઓગસ્ટ પોર્ટ ઓફ સ્પેન
બીજી T20 6 ઓગસ્ટ ગયાના
ત્રીજી T20 8 ઓગસ્ટ ગયાના
ચોથી T20 12 ઓગસ્ટ ફ્લોરિડા (અમેરિકા)
પાંચમી T20 13 ઓગસ્ટ ફ્લોરિડા (અમેરિકા)
