ભારતમાં ડિજિટલ પેમેન્ટની લોકપ્રિયતામાં કુદકેને ભૂસકે વધારો થઈ રહ્યો છે. ઓગસ્ટમાં પ્રથમ વખત રૂ. 15,700 બિલિયનથી વધુના 10 બિલિયન UPI ટ્રાન્ઝેક્શન થયાં હતાં, જે એક રિકોર્ડ છે. છેલ્લા સાત વર્ષમાં ભારતની ડિજિટલ સફરમાં આ એક નોંધપાત્ર સીમાચિહ્નરૂપ છે. નેશનલ પેમેન્ટ્સ કોર્પોરેશન ઓફ ઈન્ડિયાના ડેટા પ્રમાણે ઓગસ્ટમાં 135 કરોડ લોકોના દેશમાં, UPI દ્વારા એક મહિનામાં કુલ 10.58 બિલિયન વ્યવહારો ડિજિટલ રીતે કરવામાં આવ્યા હતાં, જેનું મૂલ્ય રૂ. 15,760 બિલિયન ($183 બિલિયનથી વધુ) હતું. ઓગસ્ટની ગણતરીમાં હજુ એક દિવસ ઉમેરવાનો બાકી હતો.

ભારતમાં બીજા રાજ્યોની તુલનામાં આર્થિક રીતે સમૃદ્ધ ગણાતા ગુજરાતમાં કરોડપતિઓની સંખ્યા વધતી જાય છે. ઈન્કમ ટેક્સની ચુકવણીના ડેટા દર્શાવે છે કે છેલ્લા એક વર્ષમાં ગુજરાતમાં કરોડપતિ કરદાતાઓ વધ્યાં છે. સેન્ટ્રલ બોર્ડ ઓફ ડાયરેક્ટ ટેક્સિસ (CBDT)ના ડેટા મુજબ વર્ષ 2022-23માં ગુજરાતમાં કરોડપતિ કરદાતાની સંખ્યા 49 ટકા વધી છે. એક નાણાકીય વર્ષમાં જેમની કરપાત્ર આવક એક કરોડ કરતા વધુ હોય તેમને કરોડપતિ કરદાતાની કેટેગરીમાં મુકવામાં આવે છે.

હિન્ડનબર્ગ રિસર્ચે આપેલો આંચકો ઓછો હોય તેમ હવે જ્યોર્જ સોરોસ દ્વારા ફંડેડ ઓર્ગેનાઇઝેશન OCCRPએ અદાણી ગ્રૂપ સામે વધુ ગંભીર આક્ષેપો કરાયાં હતાં. ઓર્ગેનાઈઝ્ડ ક્રાઈમ એન્ડ કરપ્શન રિપોર્ટિંગ પ્રોજેક્ટ (OCRP)એ ગુરુવારે આરોપ મૂક્યો હતો કે મોરેશિયસ સ્થિત “અપારદર્શક” ઇન્વેસ્ટમેન્ટ ફંડ્સે અદાણી ગ્રૂપના શેરોમાં લાખ્ખો ડોલરનું રોકાણ કર્યું હતું. આ ઇન્વેસ્ટમેન્ટ ફંડ્સ પ્રમોટર્સ ફેમિલીના કથિત ભાગીદારો છે. જોકે અદાણી ગ્રૂપે આ આક્ષેપોને નકારી કાઢ્યા હતા.

અમેરિકાના નાણાપ્રધાન જેનેટ યેલેન 7-10 સપ્ટેમ્બર દરમિયાન જી20 લીડર્સ સમિટમાં ભાગ લેવા નવી દિલ્હી જશે. છેલ્લાં 10 મહિનામાં તેમની આ ચોથી ભારત મુલાકાત કરશે, ટ્રેઝરી વિભાગે ગુરુવારે જણાવ્યું હતું. યેલેન સમિટમાં વૈશ્વિક અર્થતંત્રને મજબૂત કરવા તથા નીચી અને મધ્યમ આવક ધરાવતી દેશોને સપોર્ટ કરવા પર ધ્યાન કેન્દ્રીત કરશે. તેઓ દેવાના પુનર્ગઠન, મલ્ટિલેટર ડેવલપમેન્ટ બેન્કના વિકાસ તથા ઇન્ટરનેશનલ મોનેટરી ફંડના ટ્રસ્ટ ફંડના નાણાના ઉપયોગ અંગે ચર્ચાવિચારણા કરશે.

બોલીવૂડમાં ભાઇ-બહેનો વચ્ચે મજબૂત બોન્ડિંગ

બોલીવૂડમાં કાર્યરત અનેક કલાકારોનું તેમના ભાઇ-બહેન સાથેનું જોડાણ ખૂબ જ મજબૂત છે. તાજેતરમાં રક્ષાબંધનના તહેવારની ઉજવણી વખતે ઘણા અભિનેતા-અભિનેત્રીઓએ તેમના ભાઇ-બહેન સાથેના સંસ્મરણોને વાગોળ્યા. અનુષ્કા શર્મા-કર્ણેશ શર્મા અનુષ્કા શર્મા તેના ભાઈ કર્ણેશની ખૂબ નજીક છે. તેઓ પ્રોફેશનલી પણ એકબીજા સાથે ટીમ બનાવીને કામ કરે છે. તેમણે મળીને NH-10 જેવી સુપરહિટ ફિલ્મ બનાવી છે. રક્ષાબંધન અંગે પોતાના બાળપણની યાદગારી જણાવતા અનુષ્કાએ એક ઈન્ટરવ્યૂમાં જણાવ્યું હતું કે,

શાહરૂખની ‘જવાન’ ફિલ્મ વિશ્વના સૌથી મોટા પડદે દર્શાવાશે

શાહરૂખ ખાનની નવી ફિલ્‍મ જવાન ટૂંક સમયમાં રીલીઝ થઇ રહી છે. પરંતુ દર્શકોમાં પહેલાથી જ તેના માટે ઘણો ક્રેઝ જોવા મળી રહ્યો છે. ફિલ્‍મનું એડવાન્‍સ બુકિંગ શરૂ થઈ ગયું છે. અમેરિકામાં એડવાન્સ બુકિંગની ખૂબ જ સારો પ્રતિસાદ મળ્યો છે. શાહરૂખ ખાન-નયનતારા અભિનિત ફિલ્‍મના રિલીઝ થયેલા ગીતો અને પ્રીવ્‍યુ-પોસ્‍ટર્સ જોયા પછી ચાહકો તેની આતુરતાથી રાહ જોઈ રહ્યા છે. શાહરૂખ ખાનની આ વર્ષની બીજી રિલીઝ ફિલ્‍મ છે. હવે જો સૂત્રોની વાત માનીએ તો શાહરૂખ ખાનની આ ફિલ્‍મ વિશ્વના સૌથી મોટા પડદે રિલીઝ થશે. કેટલાક અખબારી રીપોર્ટમાં જણાવ્યા મુજબ, શાહરૂખ ખાનની આ ફિલ્‍મ 7 સપ્‍ટેમ્‍બરે જર્મનીમાં વિશ્વની સૌથી મોટી સિનેમા સ્‍ક્રીન પર દર્શાવવામાં આવશે.

અમીષાની નવી સસ્પેન્સ-થ્રિલર ફિલ્મ

અમીષા પટેલ અત્યારે તેની નવી ફિલ્મ ગદર 2ની અભૂતપૂર્વ સફળતાની ઉજવણી કરી રહી છે. હવે તેની આવનારી ફિલ્મનું ટ્રેલર સોશિયલ મીડિયા પર રિલીઝ થઈ ગયું છે. સસ્પેન્સ અને થ્રિલર ફિલ્મ ‘મિસ્ટ્રી ઓફ ટેટૂ’ ના ટ્રેલરમાં અમીષા પટેલની સાથે અર્જુન રામપાલ, ડેઝી શાહ પણ મહત્વના પાત્રમાં છે. ‘મિસ્ટ્રી ઓફ ટેટૂ’ ફિલ્મમાં એક મર્ડર મિસ્ટ્રી ઉકેલવાનો પ્રયત્ન થતો જોવા મળી રહ્યો છે, જેની કડી એક ટેટૂ સાથે જોડાય છે. આ ફિલ્ના ટ્રેલરના પ્રથમ દૃશ્યમાં લંડન પોલીસ જોવા મળે છે. પછી મર્ડર મિસ્ટ્રી વિશે જણાવવામાં આવે છે, જ્યાં કિલર લોકોની હત્યા કર્યા પછી તેમના શરીર પર ટેટૂ બનાવીને જાય છે.

મૂવી રિવ્યૂ: ગદર 2

સન્ની દેઓલ અને અમિષા પટેલની ફિલ્મ ‘ગદર’ રિલીઝ થયાના 22 વર્ષ પછી તેની સીક્વલ રીલીઝ થઇ છે. ફિલ્મના એક સીનમાં પાકિસ્તાની જનરલ તારા સિંહના પુત્રને કેદ કરીને તેને પડકારે છે. હવે આ સીક્વલ ફિલ્મમાં ઘણું નવું છે. ‘ગદર’ની કથા 1947ના ભારત-પાકિસ્તાનના વિભાજનની પૃષ્ઠભૂમિ પર આધારિત હતી. જ્યારે ‘ગદર 2’ની વાર્તા 1971માં ભારત-પાકિસ્તાનનું યુદ્ધ શરૂ થયું એ પહેલાની છે. ગત ફિલ્મમાં તારા સિંહ મુસીબતોનો સામનો કરીને પત્ની સકીનાને પાકિસ્તાનથી પાછી લાવ્યો હતો. ‘ગદર 2’ની વાર્તાની વાત કરીએ તો, તારા સિંહ (સન્ની દેઓલ) અને સકીના (અમિષા પટેલ) ભારત પાછા આવીને ખુશીથી જિંદગી વિતાવી રહ્યા હોય છે. તેમનો દીકરો ચરણજીત ઉર્ફે જીતે (ઉત્કર્ષ શર્મા) હવે મોટો થઈ ગયો છે. બીજી તરફ પાકિસ્તાનમાં મેજર જનરલ હામિદ ઈકબાલ (મનીષ વાધવા)માં બદલો લેવાની આગ ભભૂકે છે,