સમીટના સર્વાનુમત ડેક્લેરેશન, આફ્રિકન યુનિયનના જી-20માં અત્યંત સાહજિક અને સર્વસંમત સમાવેશ તેમજ ભારત – યુરોપના નવા આર્થિક કોરિડરની મહત્ત્વાકાંક્ષી યોજનાની પરિકલ્પનાને બહાલી સાથે ચીનના વર્ચસ્વને પડકાર જેવી ઝળહળતી રાજદ્વારી સફળતાઓ સાથે રવિવારે (10 સપ્ટેમ્બર) નવી દિલ્હીમાં જી-20 શિખર પરિષદનું શાનદાર સમાપન થયું હતું. વિશ્વના મોટા ભાગના રાજકીય નિરિક્ષકો, સમિક્ષકોને સમીટના સર્વાનુમત ડેક્લેરેશન વિષે આશંકાઓ હતી પણ, ભારતીય મુત્સદ્દીગીરીના કુનેહપૂર્વકના સંચાલનના પગલે યુક્રેન યુદ્ધ જેવા પેચિદા પ્રશ્નો છતાં એક તરફ અમેરિકા અને યુરોપ તથા બીજી તરફ રશિયા અને ચીન વચ્ચેની ભારે ખેંચતાણ છતા સમીટનું સર્વાનુમત ડેકલેરેશન શક્ય બન્યું હતું, તો આફ્રિકન યુનિયનને આ ગ્રુપમાં સમાવી લેવાની પણ ભારતીય પહેલને મળેલી અણધારી અને સહજ, સરળ સફળતાએ ભારતના જી-20ના અધ્યક્ષપદના મુગટમાં જાણે સોનેરી છોગું લગાવી દીધું હતું.

સીએનએન દ્વારા તાજેતરમાં થયેલા એક સર્વેમાં જણાયું છે કે, સાઉથ કેરોલાઈનાનાં ભૂતપૂર્વ ગવર્નર નિક્કી હેલી માત્ર એક એવા રીપબ્લિકન છે જે 2024ની અમેરિકાના પ્રેસિડેન્ટ પદની ચૂંટણીમાં જો બાઇડેનને હરાવી શકે.

નવી દિલ્હીમાં જી-20 સમીટ દરમિયાન વૈશ્વિક નેતાઓએ મધ્યપૂર્વ અને દક્ષિણ એશિયાને જોડતા એક મેગા રેલ એન્ડ પોર્ટ ડીલની જાહેરાત કરી હતી. અમેરિકાના પ્રેસિડન્ટ જો બાઇડન ચીનના બેલ્ટ એન્ડ રોડ પ્રોજેક્ટનો વિકલ્પ રજૂ કરવા માગે છે ત્યારે આ જાહેરાતનું વિશેષ મહત્ત્વ છે.

જી-20 સમીટમાં ભાગ લેવા માટે ભારત આવેલા બ્રિટનના વડાપ્રધાન ઋષિ સુનકે તેમની પત્ની અક્ષતા મૂર્તિ સાથે રવિવારે સવારે નવી દિલ્હીના વિશ્વવિખ્યાત અક્ષરધામ મંદિરમાં ખૂબ જ શ્રદ્ધાપૂર્વક પૂજા અને આરતી કરી હતી.

અમેરિકાના કેન્ટુકી રાજ્યના લુઇસવિલે સિટીના મેયરે 3 સપ્ટેમ્બરને શહેરમાં સનાતન ધર્મ દિવસ તરીકે જાહેર કર્યો છે. કેન્ટુકીના હિંદુ મંદિરમાં મહા કુંભ અભિષેકમ ઉજવણી દરમિયાન મેયર ક્રેગ ગ્રીનબર્ગ વતી ડેપ્યુટી મેયર બાર્બરા સેક્ટોન સ્મિથે સત્તાવાર જાહેરાત કરી હતી.

અમેરિકામાં 9/11 ત્રાસવાદી હુમલા પછી આરબ, મુસ્લિમ, દક્ષિણ એશિયાઈ અને શીખ સમુદાયો વિરુદ્ધની નફરત, ઝેનોફોબિયા અને વંશવાદની નિંદા કરવા માટે પ્રતિનિધિગૃહમાં શનિવારે એક ઠરાવ રજૂ કરવામાં આવ્યો છે.

જી-20 લીડર્સ સમીટમાં શનિવારે સર્વસંમતીથી એક ઘોષણાપત્ર જાહેર કરાયું. યુક્રેન મુદ્દે વિશ્વ વિભાજિત છે ત્યારે આ સંયુક્ત ઘોષણાપત્ર જી-20ના અધ્યક્ષ તરીકે ભારતની મોટી સફળતા ગણી શકાય છે. તેમાં યુક્રેનમાં યુદ્ધ માટે રશિયાની નિંદા કરવાનું ટાળવામાં આવ્યું હતું,

​​અમેરિકાના પ્રેસિડન્ટ જો બાઇડનને સંયુક્ત રાષ્ટ્ર સુરક્ષા પરિષદ (UNSC)ના કાયમી સભ્યપદ માટે ભારતના દાવાને ફરી સમર્થન આપ્યું હતું. નવી દિલ્હીમાં G20 સમિટની સત્તાવાર શરૂઆત પહેલા, શુક્રવાર 8 સપ્ટેમ્બરે બાઇડને વડાપ્રધાન નરેન્દ્ર મોદી સાથે દ્વિપક્ષીય વાટાઘાટો કરી હતી.

બ્રિટિશ વડા પ્રધાન તેમના ભારતીય સાસુ-સસરા સાથે ડિનર ટેબલ પર શું ચર્ચા કરે છે? તે ભારતીય રાજકારણ કે બ્રિટન સામેના પડકારો અંગેની નથી, પરંતુ તે ક્રિકેટ અંગેની છે. 9 અને 10 સપ્ટેમ્બરે G20 સમિટમાં હાજરી આપવા માટે નવી દિલ્હીની મુલાકાતના થોડા દિવસે પહેલા ભારતીય

ગુજરાતભરમાં ગુરુવારે, 7 સપ્ટેમ્બરે જન્માષ્ટમીની રંગેમંચે ઉજવણી કરવામાં આવી હતી. શ્રીકૃષ્ણ જન્મોત્સવના પાવન પર્વ નિમિતે ભગવાનની કર્મભૂમિ દ્વારકા, ડાકોર સહિતના વિવિધ મંદિરમાં સવારથી ભક્તો ઉમટી પડ્યા હતા.

ભારતે એશિયા કપ ક્રિકેટની સુપર ફોર મેચમાં સોમવારે કોલંબો ખાતે પાકિસ્તાનને 228 રને હરાવી સૌથી મોટા તફાવત સાથે વિજયનો એક નવો રેકોર્ડ કર્યો હતો. વરસાદના વિઘ્નના કારણે રવિવારે અધુરી રહેલી મેચ સોમવારે પણ થોડી મોડી શરૂ થઈ હતી,

ન્યૂ યોર્કના ફ્લશિંગ મેડોઝ ખાતે ગયા સપ્તાહે પુરી થયેલી 2023ના વર્ષની છેલ્લી ગ્રાંડ સ્લેમ ટેનિસ સ્પર્ધા – યુએસ ઓપનમાં સર્બિયાનો નોવાક યોકોવિચ અને અમેરિકાની જ કોકો ગોફ અનુક્રમે પુરૂષો અને મહિલા સિંગલ્સના ચેમ્પિયન રહ્યા હતા.

ભારતીય ટીમનો યશસ્વી, ભૂતપૂર્વ સુકાની મહેન્દ્ર સિંહ ધોની હાલમાં પરિવાર સાથે અમેરિકામાં રજાઓ માણી રહ્યો છે. ધોનીની આ અમેરિકા યાત્રાનો એક યાદગાર પ્રસંગ બની રહ્યો ભૂતપૂર્વ પ્રેસિડેન્ટ ડોનાલ્ડ ટ્રમ્પ સાથે ગોલ્ફ રમવાનો.