18 કે તેથી વધુ ઉંમરના ત્રણ દક્ષિણ એશિયનોમાંથી ઓછામાં ઓછી એક વ્યક્તિ હજી પણ કોવિડ વાઇરસથી સુરક્ષિત નથી એમ ગરવી ગુજરાત જાહેર કરી શકે છે. લઘુમતી સમુદાયોને રસી લેવા રાજી કરવા સરકારે “સંગઠિત સમુદાયની આગેવાની હેઠળ પ્રયત્નો” કર્યા હોવા છતાં, તાજેતરના આંકડા દર્શાવે છે કે આશરે 67 ટકા એશિયન બ્રિટીશ કે એશિયન લોકોએ પ્રથમ રસી લીધી છે, જ્યારે 43 ટકાથી ઓછી વ્યક્તિઓએ બન્ને રસી લીધી હતી.

અમેરિકાના વગદાર સંસદ સભ્યોએ ગ્રીનકાર્ડ વેઇટીંગ લિસ્ટમાં રાહ જોઈ રહેલા એચ-1બી વીઝાધારકોના અંદાજે 200,000 જેટલા સંતાનોને એકસ્ટ્રાડિશન (દેશનિકાલ) થી બચાવવા જરૂરી પગલાં લેવા બાઇડેન વહીવટીતંત્રને અનુરોધ કર્યો છે.

ભારતમાં ઉદ્યોગોના ભિષ્મ પિતામહ ગણાતા જમસેતજી ટાટા છેલ્લા 100 વર્ષમાં વિશ્વમાંના સૌથી મોટા દાનવીર રહ્યા છે અને તેમણે કુલ 102 બિલિયન અમેરિકન ડોલર્સ જેટલી જંગી રકમની સખાવત કરી હોવાનું હુરૂન રીપોર્ટ અને એડેલગિવ ફાઉન્ડેશને તૈયાર કરેલી યાદીમાં જણાવાયું છે.

રાણી વધુ વંશીય લઘુમતી કર્મચારીઓ તરીકે નિમણૂક કરવા ઇચ્છતા હોવાનું જણાવતા બકિંગહામ પેલેસે સ્વીકાર્યું છે કે, રાજવી પરિવારમાં વિવિધતામાં સુધારો કરવા માટે તેમને વધારવા જોઇએ જ.

કોરોનાવાઇરસ પ્રતિબંધ હોવા છતાં ડીપાર્ટમેન્ટ ફોર હેલ્થ એન્ડ સોસ્યલ કેર વિભાગમાં સહાયક તરીકે કામ કરતા નોન-એક્ઝિક્યુટિવ ડિરેક્ટર જીના કોલાડાન્જેલોને ચુંબન કરતો વીડિયો ફૂટેજ બહાર આવ્યા પછી મેટ હેનકોકે હેલ્થ સેક્રેટરી તરીકે રાજીનામું આપવાની ઘોષણા કરી હતી.

ભારતના મિલિટરી બેઝ પર સૌ પ્રથમ વખત ડ્રોનનો ઉપયોગ કરીને રવિવારે ત્રાસવાદી હુમલો કરવામાં આવ્યો હોવાની શક્યતા છે.

બદનક્ષી કેસમાં કોંગ્રેસ નેતા રાહુલ ગાંધી ગુરુવારે સુરતની મેજિસ્ટ્રેટ કોર્ટમાં હાજર થયા હતા. રાહુલ ગાંધીના નિવેદન બાદ કોર્ટે આ કેસની સુનાવણી હવે 12 જુલાઈ સુધી મોકૂફ રાખી હતી.

ગુજરાતમાં વિધાનસભા ચૂંટણીની 2022ની પહેલા સુરતના બિઝનેસમેન અને સમાજસેવક મહેશ સવાણી રવિવારે આમ આદમી પાર્ટીમાં જોડાયા હતા.

કોરોનાના કેસમાં મોટા ઘટાડાને કારણે ગુજરાત સરકારે ગુરુવારે સિનેમાઘર,મલ્ટીપ્લેકસ અને ઓડિટોરિયમ, લાયબ્રેરી ખોલવાની મંજૂરી આપી હતી અને નાઇટ કરફ્યુમાં રાહત આપી હતી.

ગુજરાતમાં 21 જૂનથી પૂરજોશમાં શરૂ કરવામાં આવેલું વેક્સિન અભિયાન હવે વેક્સીનની અછતને કારણે ધીમું પડ્યું છે. રાજ્યમાં 21 જૂનથી 18 વર્ષથી વધુ ઉંમરના લોકો માટે પણ વોક ઈન વેક્સિનેશન શરૂ કરવામાં આવ્યું છે, પરંતુ હવે રાજ્યમાં વેક્સિનની અછતને પગલે વેક્સિનનેશન મહાઅભિયાનનો ફિયાસ્કો બોલાઈ રહ્યો છે.

ઈન્ટરનેશનલ ક્રિકેટ કાઉન્સીલ અને ભારતીય ક્રિકેટ બોર્ડે આ વર્ષે ટી-૨૦ વર્લ્ડ કપ હવે ભારતના બદલે યુએઈમાં યોજવાનો નિર્ણય લીધો છે. ભારતમાં આ વર્ષે આઈપીએલ શરૂ કર્યા પછી કોરોના વાઈરસના રોગચાળાના પગલે અધુરી મુકવી પડી હતી અને હવે તેની બાકીની મેચ પણ ભારતીય ક્રિકેટ બોર્ડે યુએઈમાં યોજવાનું નક્કી કર્યું છે.

ભારતીય ક્રિકેટ ટીમે વર્લ્ડ ટેસ્ટ ચેમ્પિયનશિપની ફાઈનલમાં છેલ્લા દિવસે કંગાળ બેટિંગ કરી લગભગ બચાવી શકાય તેવી મેચમાં ધબડકો વાળી ન્યૂઝિલેન્ડનો 8 વિકેટે વિજય આસાન બનાવ્યો હતો અને વર્લ્ડ ટેસ્ટ ચેમ્પિયનશિપમાં રનર્સ અપનો ખિતાબ લીધો હતો.

વિમ્બલ્ડન ટેનિસ ચેમ્પિનશિપ્સનો લંડનમાં 28 જુનને સોમવારથી આરંભ થઈ ગયો છે. આ વર્ષે આ ગ્રાન્ડ સ્લેમ ટેનિસ સ્પર્ધામાં ભારતની એકમાત્ર સ્પર્ધક તરીકે સાનિયા મિર્ઝા મહિલા ડબલ્સમાં છે.

ભારતની ટોચની તીરંદાજ દીપિકા કુમારીએ પેરિસમાં ચાલી રહેલા તીરંદાજીના વર્લ્ડ કપના સ્ટેજ થ્રીમાં ધમાકેદાર દેખાવ કરી એક જ દિવસમા ત્રણ ગોલ્ડ મેડલ મેળવી એક નવો જ રેકોર્ડ સર્જ્યો હતો.

ભારતના અભિષેક વર્માએ પેરિસ તીરંદાજી વર્લ્ડ કપ સ્ટેજ થ્રીમાં પુરુષોની કમ્પાઉન્ડ ઈવેન્ટમાં ગોલ્ડ મેડલ હાંસલ કરી ઈતિહાસ સર્જ્યો છે. બે અલગ-અલગ વર્લ્ડ કપમાં કમ્પાઉન્ડ ઈવેન્ટમાં ગોલ્ડ મેડલ પ્રાપ્ત કરનારો તે સૌપ્રથમ ભારતીય તીરંદાજ બન્યો છે.