અમેરિકાના પ્રેસિડન્ટ જો બાઇડનની ભારત યાત્રા પહેલા ભારત સરકારે ચણા, મસૂર અને સફરજન સહિતની 12 અમેરિકન પ્રોડક્ટ્સ પરની વધારાની ડ્યૂટી દૂર કરી હતી. સ્ટીલ અને એલ્યુમિનિયમની કેટલીક પ્રોડક્ટ પર ટેરિફ વધારવાના અમેરિકાના નિર્ણયના જવાબમાં ભારતે પણ વળતા પગલાં તરીકે 2019માં આ વધારાની ડ્યુટી લાદી હતી. ભારતે 2019માં 28 યુએસ પ્રોડક્ટ્સ પર આ ડ્યૂટી લગાવી હતી. અમેરિકન પ્રોડક્ટ્સ પર આ ડ્યૂટી હટાવવાનો નિર્ણય 5 સપ્ટેમ્બરના રોજ નાણા મંત્રાલયના નોટિફિકેશન દ્વારા લેવામાં આવ્યો હતો.

રિલાયન્સ રિટેલ વેન્ચર્સ લિમિટેડ (RRVL)એ બુધવારે આલિયા ભટ્ટ સાથે સંકળાયેલ ક્લોથિંગ બ્રાન્ડ એડ-એ-મમ્મામાં 51 ટકા બહુમતી હિસ્સો હસ્તગત કરવા માટે સંયુક્ત સાહસ કરાર કર્યો હતા. આ ભાગીદારી સંપૂર્ણ ખરીદીનો પણ સંકેત આપે છે. આલિયા ભટ્ટની કંપની ખાસ કરીને ચિલ્ડ્રન અને મેટરનિટી વેર પર ફોકસ કરે છે. રિલાયન્સે બુધવારે કહ્યું કે, તેમણે ‘એડ-એ-મમ્મા’માં 51 ટકા બહુમત ભાગીદારી માટે એક જોઈન્ટ વેન્ચર પર હસ્તાક્ષર કર્યા છે. મીડિયા રિપોર્ટ અનુસાર, એડ-એ-મમ્માની સ્થાપના 2020માં કરાઈ હતી.

ટાટા ગ્રૂપે હલ્દીરામના સ્નેક્સ બિઝનેસમાં 51 ટકા હિસ્સો ખરીદવા માટે વાતચીત શરૂ કરી છે. હલ્દીરામ આ બિઝનેસની વેલ્યૂ 10 બિલિયન ડોલર આંકે છે જેના માટે ટાટા જૂથ સહમત નથી. જો ટાટા અને હલ્દીરામ આ સોદો પાર પાડશે તો તેની સીધી હરીફાઈ પેપ્સી અને મુકેશ અંબાણીની રિલાયન્સ રિટેલ સાથે થશે. આ વાતચીતથી વાકેફ સૂત્રોએ જણાવ્યું કે ટાટા જૂથે 51 ટકાથી વધારે હિસ્સો ખરીદવામાં દેખાડ્યો છે પરંતુ 10 અબજ ડોલરનું વેલ્યૂએશન વધારે પડતું લાગે છે. પરંતુ ટાટા ગ્રૂપ અને હલ્દીરામ વચ્ચે ડીલ થઈ જશે તો તે ટાટા માટે બહુ મોટી તક હશે.

ચીનને મોટો ફટકો પડી શકે તેવી એક હિલચાલમાં ઇટાલીએ ચીનના મહત્ત્વકાંક્ષી બેલ્ટ એન્ડ રોડ ઇનિશિયેટિવ (બીઆરઆઇ)માંથી નીકળી જવાનો મોટો નિર્ણય કર્યો છે. ભારતમાં જી-20 સમીટ દરમિયાન ચીનના વડાપ્રધાન લી ક્વિઆંગ સાથેની બેઠકમાં ઇટાલીના પીએમ જ્યોર્જિયા મેલોનીએ આ અંગેની માહિતી આપી હતી. ચીની પીએમએ ઇટાલીને સમજાવવાના છેલ્લી ઘડી સુધીના પ્રયાસ કર્યા હતાં. ભારતને મધ્યપૂર્વ અને યુરોપ સાથે જોડતા રેલ એન્ડ શિપિંગ કોરિડોરની જાહેરાત થઈ છે ત્યારે ઇટાલીએ આ નિર્ણય કર્યો હોવાથી તેનું વિશેષ મહત્ત્વ છે.

નેશનલ એવોર્ડ વિજેતા અલગ પ્રકારની ચાર ગુજરાતી ફિલ્મોમાં શું છે?

ગુજરાતી ભાષાની આધુનિક ફિલ્મો હવે લોકપ્રિય બની રહી છે. ગુજરાતી મૂળના ફિલ્મમેકર પાન નલિનની ફિલ્મ ‘છેલ્લો શો’ આંતરરાષ્ટ્રીય સ્તરે પુરસ્કાર જીતીને વિદેશોમાં ગુજરાતનો ડંકો વગાળ્યો છે. તાજેતરમાં નવી દિલ્હીમાં 69મા નેશનલ ફિલ્મ એવોર્ડ જાહેર કરવામાં આવ્યા હતા. આ એવોર્ડમાં ચાર ગુજરાતી ફિલ્મોને પાંચ પુરસ્કાર મળ્યા છે. જોકે, આ ફિલ્મોના વિષય સામાન્ય ફિલ્મ કહાનીઓ કરતા ઘણા જુદા છે તેવું માનવામાં આવે છે. ‘છેલ્લો શો’ (2022) ‘છેલ્લો શો’ ફિલ્મને શ્રેષ્ઠ ગુજરાતી ફિલ્મનો નેશનલ એવોર્ડ મળ્યો છે.

શિલ્પા શેટ્ટીને શેનો અફસોસ છે?

શિલ્પા શેટ્ટી ફિલ્મ ઇન્ડસ્ટ્રીમાં ત્રણ દાયકાથી સક્રિય છે. બોલીવૂડમાં તેને ઘણો પ્રેમ અને સન્માન મળ્યા છે, પરંતુ તેને ક્યારેય ટોપ-10 અભિનેત્રીઓમાં સ્થાન ન મળ્યું હોવાનો હંમેશા અફસોસ રહે છે. શિલ્પા માને છે કે, તેણે તમામ જવાબદારી સારી રીતે પૂર્ણ કરવામાં ઘણી મહેનત કરી છે, પરંતુ તેનું યોગ્ય નાણાકીય વળતર મળ્યું નથી. શિલ્પાએ 1993માં શાહરૂખ ખાન સાથે બાઝિગર ફિલ્મથી કરિયરની શરૂઆત કરી હતી. તેણે એક ઈન્ટરવ્યૂમાં જણાવ્યું હતું કે, સાહિત્યની જેમ જીવનમાં પણ ન્યાય થતો હોય છે. હું ક્યારેય ટોપ-10 એક્ટર્સમાં ન હતી.

‘જવાન’ફિલ્મની સફળતા માટે શાહરુખ ખાન તિરૂપતિ બાલાજીના શરણે

બોલિવૂડના બાઝિગર શાહરૂખ ખાનની ફિલ્મ ‘જવાન’ થીયેટરમાં ગત અઠવાડિયે રિલીઝ થઇ છે. આ ફિલ્મની સફળતા માટે શાહરૂખ ખાન ગત સપ્તાહે દક્ષિણ ભારતના વિશ્વવિખ્યાત તીર્થધામ તિરુપતિના શ્રી વેંકટેશ્વર મંદિરમાં ભગવાનના દર્શન અને આશીર્વાદ મેળવવા માટે પહોંચી ગયો હતો. આ વેળાએ તેની પુત્રી સુહાના ખાન અને ‘જવાન’ ફિલ્મની અભિનેત્રી નયનતારા પણ તેમની સાથે હતી. શાહરુખની મંદિરની મુલાકાતનો વીડિયો સોશિયલ મીડિયા પર વાઇરલ થઈ રહ્યો છે. આ વીડિયોમાં કિંગ ખાન તેની ટીમ સાથે જોવા મળી રહ્યો છે.

ફિલ્મ રીવ્યૂ: ડ્રીમ ગર્લ 2

બોલીવૂડના યુવા અભિનેતા આયુષ્માન ખુરાનાની ફિલ્મ ડ્રીમ ગર્લની સફળતા પછી હવે તેની સીક્વલ આવી છે. અગાઉની ફિલ્મમાં અભિનેત્રી તરીકે નૂસરત ભરૂચા હતી, હવે આ સીક્વલમાં અનન્યા પાંડે છે. આયુષ્માન ખુરાનાનો એવા કલાકારોમાં સમાવેશ થાય છે જે પોતાના પાત્રને ન્યાય આપવામાં માને છે અને તેને જીવંત કરે છે. 2019માં આવેલી ફિલ્મ ‘ડ્રીમ ગર્લ’માં તેણે ફોન પર છોકરીનો અવાજ કાઢીને પુરૂષોને આકર્ષ્યા હતા. હવે ‘ડ્રીમ ગર્લ 2’માં તે પૂજાનું રૂપ ધારણ કરીને આવ્યો છે. કરમ (આયુષ્માન ખુરાના) જે આ ફિલ્મના પ્રથમભાગમાં રામલીલામાં અભિનય કરતો હતો પરંતુ હવે તે આ સીક્વલમાં માતાજીના જાગરણમાં ભજનો ગાય છે. તેના પિતા જગજીત (અન્નુ કપૂર) હજુ પણ દેવામાં ડૂબેલા છે. કરમ પરી (અનન્યા પાંડે)ને પ્રેમ કરે છે. પ્રેમનો વિલન પરીના પિતા (મનોજ જોષી) છે. તેમની શરત છે કે, કરમના બેંક ખાતામાં 25 લાખ રૂપિયાનું બેલેન્સ, પોતાનું ઘર અને પાકી નોકરી નહીં હોય ત્યાં સુધી તે પરીના લગ્ન નહીં કરાવે.