અમેરિકાની ફેડરલ રિઝર્વ બેન્ક પછી યુકેની બેન્ક ઓફ ઇંગ્લેન્ડે પણ વ્યાજદરમાં વધારા પર બ્રેક મારી હતી. આનાથી સંકેત મળે છે કે વિકસિત દેશોમાં વ્યાજદરમાં વધારાનો ટ્રેન્ડ હવે પૂરો થયો છે. છેલ્લી ત્રણ મીટિંગમાંથી બે મીટિંગમાં ફેડરલ રિઝર્વે વ્યાજ દર યથાવત રાખ્યા હતાં. બીજી બાજુ બ્રિટને પણ રેટ જાળવી રાખવાનો નિર્ણય કર્યો હતો. બેન્ક ઓફ ઇંગ્લેન્ડે સતત ૧૪ વખત વ્યાજ દરમાં વધારો કર્યા બાદ ગુરુવારની બેઠકના અંતે વ્યાજ દર જાળવી રાખવાનો નિર્ણય કર્યો હતો. ફુગાવામાં આશ્ચર્યજનક ઘટાડાને ધ્યાનમાં રાખી બેન્ક ઓફ ઇંગ્લેન્ડે વ્યાજ દર ૫.૨૫ ટકા જાળવી રાખવાનો નિર્ણય કર્યો હતો.

મીડિયા માંધાતા રુપર્ટ મર્ડોકે ગુરુવારે જાહેરાત કરી કે તેઓ ફોક્સ અને ન્યૂઝ કોર્પના ચેરમેન પદેથી રાજીનામું આપી રહ્યા છે. તેમનો પુત્ર લચલાન મર્ડોક ન્યૂઝ કોર્પના એકમાત્ર ચેરમેન બનશે તથા ફોક્સના અધ્યક્ષ અને સીઈઓ તરીકે ચાલુ રહેશે. 92 વર્ષના રૂપર્ટ મર્ડોક હવે ચેરમેન એમેરિટસ તરીકે બંને બિઝનેસનું નેતૃત્વ કરશે. મર્ડોકે કર્મચારીઓને એક મેમોમાં લખ્યું હતું કે ‘મારા સમગ્ર વ્યવસાયિક જીવનમાં હું દરરોજ સમાચાર અને વિચારો સાથે જોડાયેલો રહ્યો છું અને તે બદલાશે નહીં. પરંતુ મારા માટે જુદી જુદી ભૂમિકાઓ નિભાવવાનો આ સમય યોગ્ય છે.

ભારતની નાગરિક ઉડ્ડયન નિયમનકારી સંસ્થાએ એર ઈન્ડિયાના ચીફ ઓફ ફ્લાઈટ સેફ્ટીને એક મહિના માટે સસ્પેન્ડ કર્યાં છે. એરલાઇનના એક્સિડન્ટ પ્રિવેન્શનલ પ્રોટોકોલમાં ક્ષતિઓ બહાર આવ્યા પછી આ કાર્યવાહી કરાઈ હતી. ડિરેક્ટોરેટ ઓફ સિવિલ એવિએશનએ જણાવ્યું છે કે 121 એરક્રાફ્ટના કાફલાનું કદ ધરાવતી એર ઈન્ડિયામાં “આંતરિક ઓડિટ, અકસ્માત નિવારણ કાર્ય અને જરૂરી ટેકનિકલ મેન પાવરની ઉપલબ્ધતા” પર 25-26 જુલાઈના રોજ સર્વેલન્સ હાથ ધરવામાં આવ્યું હતું. DGCA સર્વેલાન્સમાં અકસ્માત નિવારણ કાર્યમાં અને મંજૂર ફ્લાઇટ સેફ્ટી મેન્યુઅલ અને સંબંધિત નાગરિક ઉડ્ડયન આવશ્યકતાઓમાં તથા જરૂરી તકનીકી મેન પાવરની ઉપલબ્ધતામાં ખામીઓ જોવા મળી હતી.

ભારત અને કેનેડા વચ્ચે રાજદ્રારી ગજગ્રાહ વચ્ચે ભારતીય અગ્રણી ઓટો કંપની મહિન્દ્રા એન્ડ મહિન્દ્રાની કેનેડા સ્થિત એસોસિયેટ કંપની રેસન એરોસ્પેસ કોર્પોરેશને તેનો બિઝનેસ સમેટી લીધો છે. એમ કંપનીએ તેના નિયમનકારી ફાઇલિંગમાં જણાવ્યું હતું. કંપની બંધ કરવાના સમયને કારણે સોશિયલ મીડિયા પર અટકળો શરૂ થઈ હતી, પરંતુ તેનું કારણ હજી સ્પષ્ટ થયું નથી. મહિન્દ્રા એન્ડ મહિન્દ્રાએ આ અંગે કોઈ નિવેદન જારી કર્યું નથી. મુંબઈ સ્થિત ઓટોમેકર આ કંપનીમાં 11.18 ટકા હિસ્સો ધરાવી હતી. કંપની સ્વૈચ્છિક વાઇન્ડ અપ માટે અરજી કરી હતી. મહિન્દ્રા એન્ડ મહિન્દ્રા (M&M)એ એક નિયમનકારી ફાઇલિંગમાં જણાવ્યું હતું કે, “રેસનને કોર્પોરેશન્સ કેનેડા તરફથી 20 સપ્ટેમ્બર, 2023ના રોજ વિસર્જનનું પ્રમાણપત્ર પ્રાપ્ત થયું છે, જેની જાણ કંપનીને કરવામાં આવી હતી.

વહીદા રહેમાનને દાદાસાહેબ ફાળકે એવોર્ડ

માહિતી અને પ્રસારણ પ્રધાન અનુરાગ ઠાકુરે મંગળવારે જાહેરાત કરી હતી કે બોલિવૂડની પીઢ અભિનેત્રી વહીદા રહેમાનનું 2021 માટેના દાદાસાહેબ ફાળકે એવોર્ડથી સન્માન થશે. દાદાસાહેબ ફાળકે એવોર્ડ દેશનું સર્વોચ્ચ ફિલ્મ સન્માન છે અને સરકાર દ્વારા આપવામાં આવે છે. ભારતીય સિનેમાના સૌથી પ્રતિભાશાળી અને ભવ્ય કલાકારોમાંના એક ગણાતા 85 વર્ષના વહીદા રહેમાન ગાઈડ, પ્યાસા, કાગઝ કે ફૂલ જેવી ફિલ્મોમાં તેમના અભિનય માટે લોકપ્રિય બન્યાં હતા. અગાઉ તેમનું પદ્મ ભૂષણ અને પદ્મ શ્રી એવોર્ડથી સન્માન થયું હતું. એક્સ (ટ્વીટર) પરની એક પોસ્ટમાં અનુરાગ ઠાકુરે જણાવ્યું હતું કે “ભારતીય સિનેમામાં તેમના અદભૂત યોગદાન માટે વહીદા રહેમાનજીને આ વર્ષે પ્રતિષ્ઠિત દાદા સાહેબ ફાળકે લાઈફટાઈમ અચીવમેન્ટ પુરસ્કારથી નવાજવામાં આવી રહ્યા છે તે ઘોષણા કરતાં હું ખૂબ જ આનંદ અને સન્માનની લાગણી અનુભવું છું.

અભિનેત્રી પરિણીતી ચોપરા અને AAP નેતા રાઘવ ચઢ્ઢા લગ્નના પવિત્ર બંધનમાં બંધાયા

બોલિવૂડ અભિનેત્રી પરિણીતી ચોપરા અને આમ આદમી પાર્ટીના નેતા રાઘવ ચઢ્ઢા રવિવારે રાજસ્થાનમાં ઉદયપુર ખાતેની તાજ લેક પેલેસ હોટેલમાં લગ્નના પવિત્ર બંધનમાં બંધાયા હતા. આ પ્રસંગે મનીષ મલ્હોત્રા, સાનિયા મિર્ઝા અને હરભજન સિંહ સહિતના પરિવારના દરેક સભ્યો, મિત્રો અને રાજકારણીઓ શાહી લગ્નમાં ભાગ લેવા ઉદયપુર પહોંચ્યાં હતા. દિલ્હીના મુખ્યપ્રધાન અરવિંદ કેજરીવાલ, પંજાબના મુખ્યપ્રધાન ભગવંત માન, યુવા સેનાના આદિત્ય ઠાકરે ઉદયપુરમાં આવ્યા હતા. વરરાજા તરફથી આવેલા મહેમાનોમાં આમ આદમી પાર્ટીના સાંસદ સંજય સિંહ પણ સામેલ હતાં.

બોલીવૂડમાં પણ ગણપતિ બાપ્પા મોરિયા…..

ભારતભરમાં અત્યારે ગણેશોત્સવનો માહોલ છે. ભગવાન ગણપતિની આરાધનામાં જનસામાન્યની સાથે બોલીવૂડની અને ટીવીની વિવિધ સેલિબ્રિટિઝ પણ જોડાઇ છે. ગણેશ ચતુર્થીએ મુંબઇમાં અનેક ફિલ્મકારો અને ટીવી કલાકારોએ પોતાના ઘરમાં ખૂબ જ ધામધૂમથી ગણપતિ બાપ્પાની પધરામણી કરાવી હતી. બોલીવૂડ સ્ટાર્સે સોશિયલ મીડિયામાં પોતાના ઘરમાં ગણપતિ બાપ્પાના સ્વાગતના ફોટો પોસ્ટ કર્યા હતા, જેમાં તેમણે ચાહકોને પોતાના ઘરે બાપ્પાના આગમનની

દેવ આનંદનો બંગલો અધધધ….કિંમતે વેચાયો હોવાની અફવા

જૂના જમાનાના જાણીતા અભિનેતા સ્વ. દેવ આનંદને આજે પણ ખૂબ જ યાદ કરવામાં આવે છે. હવે તાજેતરમાં જ તેમના સાથે જોડાયેલી મિલકતની ચર્ચાએ થઇ રહી હતી. એવું કહેવામાં આવ્યું હતું કે, તેમનો મુંબઇના જુહુમાં આવેલો બંગલો ખૂબ જ મોટી કિંમતે વેચાણ થયું છે. અખબારી રીપોર્ટમાં એવો દાવો કરવામાં આવ્યો હતો કે, આ બંગલાને અંદાજે રૂ. 400 કરોડમાં એક બિલ્ડરને વેચવામાં આવ્યો હતો પરંતુ તેને દેવ આનંદના પરિજનોએ ફગાવ્યો હતો. દેવ આનંદના ભત્રીજા અને ફિલ્મ નિર્માતા કેતન આનંદે આ સમાચારને ફગાવ્યા હતા.