ભારતની એક મોટી રાજદ્વારી જીતમાં યુએસ કોંગ્રેસે ભારત સાથે $3 બિલિયન MQ-9B પ્રિડેટર ડ્રોન ડીલને મંજૂરી આપી હતી. યુએસ સ્ટેટ ડિપાર્ટમેન્ટે પ્રિડેટર ડ્રોન ઉત્પાદક જનરલ એટોમિક્સને જાણ કરી હતી કે યુએસ કોંગ્રેસે ભારતને 31 MQ9B ડ્રોન વેચાણને મંજૂરી આપી છે. જોકે આ અંગેની સત્તાવાર જાહેરાત હજુ થઈ નથી. ડ્રોન ઉત્પાદક કંપનીએ પણ રાષ્ટ્રીય સુરક્ષા સંસ્થા સહિત મોદી સરકારના ઉચ્ચ સ્તરે આ ડીલને મંજૂરીની જાણ કરી હતી. અગાઉ એવા અહેવાલો આવ્યાં હતા કે અમેરિકામાં આશ્રય લઈ રહેલા ખાલિસ્તાની આતંકી ગુરુપતવંતસિંહ પન્નૂની હત્યાના કાવતરામાં ભારતનો હાથ હોવાના કારણે અમેરિકન સંસદે આ ડીલ રોકી દીધી છે.

ટોયોટા મોટરે 2023માં 11.2 મિલિયન વાહનોનું વિક્રમજનક વાર્ષિક વેચાણ નોંધાવીને સતત ચોથા વર્ષે વિશ્વમાં સૌથી વધુ કાર વેચતી ઓટો કંપનીનો તાજ જાળવી રાખ્યો હતો. જાપાનીઝ ઓટોમેકરે ગયા વર્ષે વૈશ્વિક વેચાણમાં 7.2%નો ઉછાળો નોંધાવ્યો હતો, જેમાં નાની-કાર નિર્માતા કંપની ડાઇહત્સુ અને ટ્રક યુનિટ હિનો મોટર્સનો સમાવેશ થાય છે. ફોક્સવેગન વેચાણની દ્રષ્ટિએ બીજા ક્રમે રહી હતી. તેને 12%ની વાર્ષિક વેચાણ વૃદ્ધિ સાથે 92.4 લાખ કાર વેચી છે. બ્લૂમબર્ગના રિપોર્ટ અનુસાર ટોયોટાનું ઉત્પાદન 2022ની સરખામણીમાં 2023માં 8.6% વધીને 1.15 કરોડ થઈ ગયું છે.

રિઝર્વ બેન્કે બુધવારે પેટીએમ પેમેન્ટ્સ બેન્ક પર ૨૯ ફેબ્રુઆરીથી ડિપોઝિટ સ્વીકારવા અને ક્રેડિટ ટ્રાન્ઝેક્શન પર પ્રતિબંધ મૂક્યો હતો. તે કોઈ ગ્રાહકના ખાતા, પ્રિપેડ ઇન્સ્ટ્રુમેન્ટ્સ, વોલેટ્સ અને ફાસ્ટેગમાં ટોપ-અપ પણ નહીં કરી શકે. જોકે કોઈ પણ વ્યાજ, કેશબેક કે રીફન્ડ ગ્રાહકને કોઈ પણ સમયે જમા આપી શકાશે. રિઝર્વ બેન્કે વ્યાપક સિસ્ટમ ઓડિટ રિપોર્ટ તેમજ બહારના ઓડિટર્સના કમ્પ્લાયન્સ વેલિડેશન રિપોર્ટ પછી પેટીએમ પેમેન્ટ્સ બેન્ક સામે આદેશ જારી કર્યો હતો રિઝર્વ બેન્કના નિવેદન અનુસાર વિવિધ રિપોર્ટમાં બેન્કના સતત નોન-કમ્પ્લાયન્સ અને બેન્કના સુપરવિઝનને લગતી ચિંતાને કારણે વધુ પગલાં જરૂરી હોવાનું સૂચવાયું હતું.

કેન્દ્રીય નાણાપ્રધાન નિર્મલા સીતારામને પહેલી પહેલીએ મોદી સરકારનું વચગાળાનું બજેટ રજૂ કરતી વખતે જણાવ્યું હતું કે સરકાર 2014 પહેલા અર્થતંત્રના ગેરવહીવટ અંગે શ્વેતપત્ર રજૂ કરે કરશે. સરકારનો હેતુ ભૂતકાળની ભૂલમાંથી પાઠ શીખવાનો છે. કેન્દ્રમાં કોંગ્રેસની આગેવાની હેઠળની યુપીએ સરકારના 10 વર્ષના શાસન પછી વડાપ્રધાન નરેન્દ્ર મોદીની આગેવાની હેઠળની એનડીએ સરકાર મે 2014 માં સત્તામાં આવી હતી. સરકારના એક વરિષ્ઠ અધિકારીના જણાવ્યા અનુસાર શ્વેતપત્ર આગામી અઠવાડિયે રજૂ કરવામાં આવે તેવી ધારણા છે. સીતારામને જણાવ્યું હતું કે મોદી સરકારે સત્તા સંભાળી ત્યારે અર્થતંત્રને તબક્કાવાર સુધારવાની અને શાસન પ્રણાલીને સુવ્યવસ્થિત કરવાની જવાબદારી ઘણી મોટી હતી. સમયની જરૂરિયાત લોકોને આશાવાદી બનાવવાની,

ઝાકિર હુસૈન, શંકર મહાદેવન સહિત ચાર ભારતીયોને ગ્રેમી એવોર્ડ

લોસ એન્જલસમાં સોમવાર, ચાર ફેબ્રુઆરીએ યોજાયેલો 66મો ગ્રેમી એવોર્ડ ભારત માટે વિશેષ બન્યો હતો. આ એવોર્ડ સમારંભમાં ઉસ્તાદ ઝાકિર હુસૈને ત્રણ એવોર્ડ મળ્યાં હતા. માત્ર ઝાકિર હુસૈન જ નહીં, પરંતુ ગાયક શંકર મહાદેવન, વી સેલ્વગણેશ અને વાયોલિનવાદક ગણેશ રાજગોપાલનના બેન્ડ “શક્તિ”એ પણ “ધીસ મોમેન્ટ” માટે શ્રેષ્ઠ વૈશ્વિક મ્યુઝિક આલ્બમ કેટેગરીમાં ગ્રેમી એવોર્ડ જીત્યો હતો. તબલાવાદક અને સંગીતકારને ‘પશ્તો’ માટે ‘શ્રેષ્ઠ વૈશ્વિક સંગીત પ્રદર્શન’ કેટેગરીમાં પ્રતિષ્ઠિત એવોર્ડ મળ્યો હતો.

ફક્ત લગ્ન માટે કેટલીક અભિનેત્રીઓએ ધર્મ પરિવર્તન કર્યું

ભારત વિશ્વમાં વિવિધ ધર્મ, સંસ્કૃતિ, સભ્યતા અને સમાજ ધરાવતો અનોખો દેશ છે. ભારતીય ફિલ્મ ઈન્ડસ્ટ્રીના વિકાસમાં તમામ ધર્મના લોકોએ યોગદાન આપ્યું છે. અહીં ફિલ્મો અને ટેલિવિઝન ક્ષેત્રની કેટલીક એવી અભિનેત્રીઓનો ઉલ્લેખ કરવામાં આવ્યો છે કે જેમણે પોતાના પ્રિયપાત્ર સાથે લગ્ન કરવા માટે ધર્મ પરિવર્તન કર્યું હતું. આ અભિનેત્રીઓ તેમની લોકપ્રિયતા, અભિનય, કામ, સુંદરતા, વિવાદ વગેરેના કારણે ચર્ચામાં રહી હતી. આયેશા ટાકિયા ‘વોન્ટેડ’ અને’ટાર્ઝન’ જેવી સુપરહિટ ફિલ્મોની અભિનેત્રી આયેશા ટાકિયાનો જન્મ હિન્દુ પરિવારમાં થયો હતો. 2009માં આયેશાએ તેના બોયફ્રેન્ડ ફરહાન આઝમી સાથે લગ્ન કર્યા તે અગાઉ તેણે ઈસ્લામ ધર્મ સ્વીકાર્યો હતો.

…તો માધુરી દીક્ષિત ગુજરાતના રાજવી પરિવારની પુત્રવધૂ બની હોત!

માધુરી દીક્ષિતે બોલીવૂડની લોકપ્રિય અભિનેત્રીઓમાં પોતાનું સ્થાન જાળવી રાખ્યું છે. આજે પણ તેનો ખૂબ જ મોટો ચાહક વર્ગ છે. 1980-90ના દસકાની ટોચની અભિનેત્રીઓમાં માધુરી મોખરાનું સ્થાન ધરાવતી હતી અને લોકો તેના ડાન્સના પણ દિવાના હતા. પરંતુ કદાચ નવાઈ લાગે તેવી એક વાત એવી પણ છે કે, આ ‘ધક ધક ગર્લ’નું દિલ એક ગુજરાતી ક્રિકેટર માટે ધડકતું હતું. એક ફોટોશૂટ દરમિયાન માધુરી દિક્ષીત અને આ ઈન્ડિયન ટીમના ઓલરાઉન્ડર. ક્રિકેટરની મુલાકાત થઈ હતી અને પહેલી નજરમાં જ માધુરી આ ક્રિકેટરના પ્રેમમાં પડી ગઈ હોવાનું કહેવાય છે. એક સમયે માધુરી દીક્ષિત અને ભૂતપૂર્વ ભારતીય ક્રિકેટર અને જામનગરના રાજવી અજય જાડેજાની લવ સ્ટોરી ચર્ચામાં હતી.

સન્ની દેઓલ-રણબીરની નવી ફિલ્મ ત્રણ ભાગમાં બનશે

‘દંગલ’ અને ‘છિછોરે’ જેવી ફિલ્મ બનાવી ચુકેલા નિતેશ તિવારીના નવા પ્રોજેક્ટ ‘રામાયણ’ ઘણા લાંબા સમયથી ચર્ચામાં છે. નિતેશે થોડા વર્ષ અગાઉ તેના એક ઈન્ટરવ્યૂમાં કહ્યું હતું કે, તે રામાયણના કથાનકને એક ભવ્યતા સાથે સિનેમામાં દર્શાવવા ઈચ્છે છે. છેલ્લા કેટલાક સમયથી આ ફિલ્મના કલાકારો અંગે ખૂબ જ રોમાંચક વિગતો બહાર આવી રહી છે. ત્રણ ભાગમાં બનનારી આ ફિલ્મમાં રણબીર કપૂર ભગવાન શ્રીરામનો રોલ કરશે અને સીતામાતાની ભૂમિકા માટે સાઉથની જાણીતી અભિનેત્રી સાઈ પલ્લવીનું નામ ચર્ચામાં છે. ફિલ્મમાં રાવણના રોલ માટે KGFથી જાણીતા બનેલા યશની પસંદગી થઇ હોવાનું કહેવાય છે.