જાપાનના સોની ગ્રુપ કોર્પોરેશને જાહેરાત કરી હતી તેને તેના ભારતીય યુનિટનું ઝી એન્ટરટેઈનમેન્ટ સાથેનું 10 બિલિયન ડોલરની મર્જર ડીલ રદ કરી છે. મર્જ્ડ એન્ટિટીનું સુકાન કોણ સંભાળશે તે મામલે વિવાદનો અંત ન આવતા સોનીએ આ પગલું લીધું હતું. સોની ગ્રુપે ઝીને ડીલ રદ કરવા અંગેની ટર્મિનેશન નોટિસ મોકલી હતી. તેને ઝી પાસે મર્જર નિયમો-શરતોનો ભંગ કરવા બદલ 9 કરોડ ડોલરની ફીની માગણી પણ કરી છે, જેને ઝીએ કોર્ટમાં પડકારી હતી. ઝી એન્ટરટેઈનમેન્ટે નિયમનકારી માહિતીમાં સોની ગ્રુપે કરેલા આક્ષેપોને નકારીને જણાવ્યું હતું કે તે કાનૂની વિકલ્પો વિચારી રહી છે. મર્જર જળવાય તે માટે તેને બનતા તમામ પ્રયાસ કર્યા હતાં તેને કારણે ઝીને પણ ઘણું નુકસાન થયું છે.

એપલ પછી માઇક્રોસોફ્ટ 24 જાન્યુઆરીએ ત્રણ ટ્રિલિયન ડોલરની કંપની બની હતી. આર્ટિફિશિયલ ઈન્ટેલિજન્સ પર મોટા દાવને કારણે વોલ સ્ટ્રીટના રોકાણકારો કંપની માટે ઉત્સાહિત બન્યાં છે. જાન્યુઆરી 2022માં પ્રથમ વખત $3 ટ્રિલિયન માર્કેટ કેપિટલાઇઝેશન સુધી પહોંચ્યા પછી એપલ $3.02 ટ્રિલિયન સાથે પ્રથમ સ્થાને છે. અન્ય કોઈપણ ટેક જાયન્ટ કરતાં માઈક્રોસોફ્ટ એઆઈ પર મોટો મદાર રાખી રહી છે. રેડમન્ડ સ્થિત આ ગ્રૂપ ઓપનએઆઈ સાથે મોટી ભાગીદારી ધરાવે છે, જે ચેટજીપીટીની નિર્માતા છે. ઓપનએઆઇનું મૂલ્ય $13 બિલિયન છે.

એર ઈન્ડિયાને કેટલાંક લાંબા અંતરના મહત્ત્વના માર્ગો પર સંચાલિત ફ્લાઈટ્સ પર સલામતી સંબંધિત નિયમોના ઉલ્લંઘન બદલ એક કરોડથી વધુનો દંડ ફટકારવામાં આવ્યો છે, એમ ભારતની ઉડ્ડયન નિયમનકારે સંસ્થાએ બુધવારે જણાવ્યું હતું. આ મામલો ભાડાપટ્ટે રાખવામાં આવેલા વિમાન સંબંધિત છે. તેમાં વિમાન ઉત્પાદક કંપનીએ નિર્ધારિત કરેલી મર્યાદાનું પાલન થયું ન હતું. સૂત્રોએ જણાવ્યું હતું કે આ મામલો પાયલોટે નોન-સ્ટોપ બેંગલુરુ-સાન ફ્રાન્સિસ્કો ફ્લાઇટ ચલાવવાનો ઇનકાર કરવાનો છે તે સંબંધિત છે. આ ફ્લાઇટમાં પૂરતો ઇમરજન્સી ઓક્સિજન ન હતો. ડિરેક્ટોરેટ જનરલ ઓફ સિવિલ એવિએશન (DGCA)એ જણાવ્યું હતું કે એરલાઇનના એક કર્મચારીએ સ્વૈચ્છિક રીતે નિયમોના ઉલ્લંઘન અંગે ફરિયાદ કર્યા પછી તપાસ ચાલુ કરાઈ હતી.

ઇન્ડિયન અમેરિકનોએ ભારતીય પોશાકમાં સજ્જ થઈને દેશભક્તિના જોશ અને ઉત્સાહ સાથે વિવિધ કાર્યક્રમોમાં ભારતના 75માં પ્રજાસત્તાક દિવસની ઉજવણી કરી હતી. ભારે વરસાદ હોવા છતાં ભારતીય સમુદાયે ઉત્સાહ અને પોતાના વારસાના ગૌરવ સાથે એક મજબૂત અને વધુ સમૃદ્ધ ભારતનું નિર્માણ કરવાની પ્રતિબદ્ધતા વ્યક્ત કરી હતી. ભારતના કોન્સલ જનરલ ડીસી મંજુનાથ શુક્રવારે સવારે ફેસબુક લાઇવ ઇવેન્ટમાં રાષ્ટ્રધ્વજ ફરકાવ્યો હતો અને ભારતીય રાષ્ટ્રપતિ દ્રૌપદી મુર્મુના રાષ્ટ્રજોગ સંબોધનનો સંદેશો પ્રસારિત કર્યો હતો. ઈન્ડિયા હાઉસ ખાતે બપોરના સમયે અન્ય એક કાર્યક્રમમાં તેમણે તિરંગો ફરકાવ્યો હતો અને ઇન્ડિયન કમ્યુનિટી સાથે વાર્તાલાપ કર્યો હતો. આ કાર્યક્રમમા મોટી સંખ્યામાં લોકો ઉપસ્થિત રહ્યાં હતાં.

ગુજરાતમાં પ્રથમવાર ફિલ્મફેર એવોર્ડ: રણબીર કપૂર બેસ્ટ એક્ટર, આલિયા બેસ્ટ એક્ટ્રેસ

ગુજરાતના ગાંધીનગર ખાતે ગિફ્ટી સિટીમાં યોજાયેલા 69માં ફિલ્મફેર એવોર્ડમાં સેલિબ્રિટી દંપતી આલિયા ભટ્ટ અને રણબીર કપૂરે બેસ્ટ એક્ટ્રેસ અને બેસ્ટ એક્ટરનો એવોર્ડ મળ્યો હતો. આ વર્ષે સમારોહ બે દિવસ સુધી યોજાયો હતો. ટેકનિકલ પુરસ્કારો શનિવારે આપવામાં આવ્યા હતા અને અન્ય પુરસ્કારો રવિવારે આપવામાં આવ્યા હતા. આલિયા ભટ્ટે ફિલ્મ રોકી ઔર રાની કી પ્રેમ કહાનીમાં તેની ભૂમિકા માટે શ્રેષ્ઠ અભિનેત્રીનો એવોર્ડ મેળવ્યો હતો જ્યારે તેના પતિ રણબીર કપૂરને એનિમલમાં તેના શ્રેષ્ઠ અભિનય માટે શ્રેષ્ઠ અભિનેતાનો એવોર્ડ મળ્યો હતો.

બોલિવુડના સિતારાઓનું ગુજરાતની ધરતી પર ધમાકેદાર પર્ફોર્મન્સ

ગુજરાતની ધરતી પર પ્રથમ વખત 27-28 જાન્યુઆરીએ યોજાયેલા પ્રતિષ્ઠિત 69મા ફિલ્મફેર એવોર્ડમાં બોલિવૂડની હસ્તીઓ રંગ જમાવ્યો હતો. આ વર્ષે સમારોહ બે દિવસ સુધી યોજાયો હતો. ટેકનિકલ પુરસ્કારો શનિવારે આપવામાં આવ્યા હતા અને અન્ય પુરસ્કારો રવિવારે આપવામાં આવ્યા હતા. એવોર્ડ શોમાં કરીના કપૂર ખાન, રણબીર કપૂર, વરુણ ધવન, જ્હાન્વી કપૂર, કાર્તિક આર્યન અને સારા અલી ખાને ધમાકેદાર પર્ફોર્મન્સ આપ્યા હતા. ગાંધીનગરના ગિફ્ટી સિટી ખાતે 15,000 લોકોની વિશાળ મેદની વચ્ચે હિન્દી

ટેલિવિઝનના પડદે પ્રાચીન ગ્રંથો આધારિત સીરિયલોનો દબદબો રહેશે

ચાલીસેક વર્ષ અગાઉ મનોરંજન માટે ટેલિવિઝનનું એક આગવું મહત્ત્વ હતું. તે વખતે દર્શકો ઐતિહાસિક, સાંસ્કૃતિક, ધાર્મિક, પ્રાચીન વિષયો આધારિત સીરિયલોને પણ પસંદ કરતા હતા. ધીરે-ધીરે આવા વિષયક સીરિયલો તરફનું આકર્ષણ ઘટતું ગયું હતું. નવી પેઢીના દર્શકો સાંસ્કૃતિક, ધાર્મિક કે ઐતિહાસિક વારસાથી છૂટા પડી ગયા હતા. રામાયણ, મહાભારત, ભગવદ્ ગીતા જેવા મહાકાવ્યો આધારિત મનોરંજન માત્ર વૃદ્ધો માટે જ હોય તેવું વાતાવરણ સર્જાયું હતું. જોકે, કોરોનાકાળમાં નવી સીરિયલોનું પ્રોડક્શન અટકી ગયું હતું ત્યારે રામાનંદ સાગર નિર્મિત લોકપ્રિય સીરિયલ ‘રામાયણ’ અને બીઆર ચોપરાની ‘મહાભારત’ એ ટીવી પડદે ફરીથી ધૂમ મચાવી હતી.

સુભાષ ઘાઇ શૉ મેન કેમ કહેવાયા?

બોલીવૂડમાં એવા ઘણા પડદા પાછળના ફિલ્મકારો છે કે, જેમણે જે સપનું જોયું તે તો પૂર્ણ ન થયું હોય, પણ હકીકતમાં તેમણે જે મેળવ્યું હોય તે સપના જેવું લાગે છે. નાગપુરથી અભિનય માટે મુંબઈ પહોંચેલો એક યુવક અભિનયમાં તો સફળ ન થયા પરંતુ ડાયરેક્ટર તરીકે સુપરહીટ સાબિત થયા. રાજ કપૂર પછી તેમને શૉ મેનનું બિરુદ મળ્યું. આ વાત છે સુભાષ ઘાઈની, તેમણે ગત સપ્તાહે તેમનો 79મો જન્મ દિન ઉજવ્ય હતો. સુભાષ ઘાઈએ ડાયરેક્ટર બનતા પહેલા અભિનયમાં હાથ અજમાવ્યો હતો. તેમની પ્રથમ ફિલ્મ આરાધના હતી. જોકે, સુભાષે આ ફિલ્મ મેળવવા માટે ખૂબ પ્રયાસ કર્યા હતા. એક ઈન્ટરવ્યુમાં તેમણે કહ્યું કે તેને સ્ટુડિયોમાં પ્રવેશવાની પણ મંજૂરી આપવામાં આવી ન હતી, કારણ કે તે ફિલ્મી બેકગ્રાઉન્ડમાંથી નથી અને લોકો તેને ઓળખતા પણ નથી.