મૂળ કોવિડ વાયરસ કરતા વધુ ચેપ લગાવતા અને રસીની જેના પર ઓછી અસર થવાના અહેવાલો છે તેવા સાઉથ આફ્રિકાના કોરોનાવાયરસ વેરિયન્ટના ફેલાવાને રોકવા માટે અસરગ્રસ્ત વિસ્તારોમાં રહેતા હજારો લોકોના ઘરે જઇને બે અઠવાડિયાના ટૂંકાગાળામાં ટેસ્ટીંગ કરવામાં આવશે. સાઉથ આફ્રિકન વેરિઅન્ટ ધરાવતા પોસ્ટકોડ વિસ્તારના પરિવારોને ખાવાનું લેવા બહાર જતા પહેલા ‘બે વાર વિચાર’ કરવા વિનંતી કરવામાં આવી છે. સેજ નિષ્ણાતોએ ચેતવણી આપી છે કે મળેલા 11 કેસ ‘આઇસબર્ગની ટોચ’ સમાન છે.

ગુજરાતમાં કોરોનાના નવા કેસ અને મોતની સંખ્યામાં મોટો ઘટાડો થયો છે. રવિવારે સાંજે સરકારે જારી કરેલી માહિતી મુજબ રાજ્યમાં છેલ્લાં 24 કલાકમાં કોરોનાથી એકપણ મોત થયું નથી. રાજ્યમાં નવ મહિના બાદ પ્રથમ વખત કોરોનાથી એક પણ મોત થયું નથી.

અમેરિકના ઉત્તર-પૂર્વના ભાગોમાં કાતિલ ઠંડા પવનોની સાથે 30થી 38 સે.મિ. જેટલી બરફવર્ષા થતાં ન્યૂ યોર્ક, ન્યૂ જર્સી, કેલિફોર્નિયાના પર્વતીય ભાગો, મેનહટન, પેન્સિલ્વેનિયા, ફિલાડેલ્ફિયા, કનેક્ટીક્ટ અને અન્ય વિસ્તારો ઉપર બરફની ચાદર પથરાઇ ગઇ હતી.

હજી સુધી, ફાઈઝર અને મોડેર્નાની રસીઓ દક્ષિણ આફ્રિકાના સ્ટ્રેઇન સામે થોડી ઓછી અસરકારક દેખાય છે. રીસર્ચર્સે રસી મેળવી હોય તેમના લોહીના નમૂના લીધા છે અને તેને દક્ષિણ આફ્રિકાના ચિંતાજનક E484K વેરિએન્ટ સાથે સંશોધન આદર્યું છે.

કોવિડ-19 રોગચાળો બ્રિટનમાં વસતા વંશીય લઘુમતી સમુદાયના લોકોને વધુ જોખમમાં મૂકતો હોવા છતાય BAME સમુદાયના લોકોને રસી આપવાનું પ્રમાણ નહિંવત છે. અભ્યાસમાં જાણવા મળ્યું છે કે 72 ટકા શ્યામ લોકો તેમજ 42 ટકા એશિયન લોકોની રસી લેવાની શક્યતા ખૂબ જ અસંભવિત છે.

ધ સન્ડે ટાઇમ્સ દ્વારા તૈયાર કરવામાં આવેલા 2021ના દેશના ટોચના ટેક્સ પેયરના લિસ્ટમાં યુકેના 50 ટોચના કરદાતાઓના લીસ્ટમાં સંયુક્ત રીતે બે ભારતીય પરિવારોના નામ આવ્યા છે. 21માં નંબર પર સંયુક્ત રીતે નામ ધરાવતા ડિસ્કાઉન્ટ સેટોર્સની માલીકી ધરાવતા સાયમન, બોબી અને રોબિન અરોરાની ટેક્સ જવાબદારી 2020ના વર્ષમાં £37 મિલીયન હતી.

ઇન્ડિયન અમેરિકન ભવ્યા લાલની સોમવારે નેશનલ એરોનોટિક્સ એન્ડ સ્પેસ એડમિનિસ્ટ્રેશન (નાસા)ના કાર્યકારી ચીફ ઓફ સ્ટાફ તરીકે નિયુક્તિ કરવામાં આવી છે. ભવ્યા લાલ જો બાઇડનની પ્રેસિડેન્શિયલ ટ્રાન્ઝિશન એજન્સી રિવ્યૂ ટીમના સભ્ય હતા અને તેમણે બાઈડન તંત્રમાં આ એજન્સીમાં પરિવર્તન સંલગ્ન કામગીરી પર દેખરેખ રાખી હતી.

બાઈડેન વહિવટીતંત્રે યુનાઇટેડ નેશન્સ ખાતેના યુએસ મિશનમાં બે ચાવીરૂપ હોદ્દાઓ ઉપર બે ભારતીય અમેરિકન મહિલાઓની નિમણૂંક કરી છે. સોહિની ચેટરજી યુ.એસ. દૂતના સીનિયર નીતિવિષયક સલાહકાર તથા અદિતી ગોરૂર નીતિવિષયક સલાહકારની કામગીરી બજાવશે.

મ્યાનમારમાં નોબેલ વિજેતા આંગ સાન સુ કીની ચૂંટાયેલી સરકાર સામે સોમવારે લશ્કરે બળવો કરીને સત્તા કબજે કરી દીધી હતી. લશ્કરે સુ કી અને તેમની નેશનલ લીગ ફોર ડેમોક્રેટીના બીજા નેતાઓને અટકાયતમાં લીધા હતા. આર્મીએ જણાવ્યું હતું કે ચૂંટણીમાં ગોટાળાને કારણે આ નેતાઓને અટકાયતામાં લેવામાં આવ્યા છે અને એક વર્ષ માટે ઇમર્જન્સી લાદવામાં આવી છે.

ભારતના નાણાં પ્રધાન શ્રીમતી નિર્મલા સીતારામને સોમવારે (1 ફેબ્રુઆરી) રજૂ કરેલા નાણાંકિય વર્ષ 2021-22ના બજેટમાં બિનનિવાસી ભારતીયો (NRIs) માટે બે મહત્ત્વની જોગવાઈઓ કરી છે, જેના કારણે હવે બિનનિવાસીઓ ભારતમાં એક વ્યક્તિની કંપનીઓ (વન પર્સન કંપનીઝ – ઓપીસી) ની સ્થાપના અને સંચાલન કરી શકશે.

દિલ્હીની બોર્ડરો પર લગભગ બે મહિનાથી કૃષિ કાયદાઓના વિરોધમાં ચાલી રહેલાં ખેડૂત આંદોલનમાં એક પછી એક નવા વળાંક જોવા મળી રહ્યાં છે. ગુરુવારે સિંઘુ બોર્ડર પર ખેડૂતો અને સ્થાનિક લોકો વચ્ચે અથડામણ થઈ હતી. બન્ને જૂથ વચ્ચે ઘર્ષણ થતાં સ્થિતિ વણસી હતી અને પથ્થરમારો થયો હતો.

સેન્ટ્રલ દિલ્હીમાં શુક્રવારની સાંજે ઇઝરાયલની એમ્બેસીની બહાર બ્લાસ્ટ થયો હતો. જો બ્લાસ્ટમાં કોઇ જાનહાનીના અહેવાલ નથી. પોલીસે આ એરિયાને કોર્ડન કરી દીધો હતો. વિસ્ફોટને કારણે બેથી ત્રણ કારના કાચ તૂટી ગયા હતા. ઘટનાસ્થળે ત્રણ ફાયર ટેન્ડર મોકલવામાં આવ્યા હતા.