દેશના વડા પ્રધાન બોરીસ જોન્સને ડાઉનિંગ સ્ટ્રીટ ન્યૂઝ કોન્ફરન્સમાં “કોવિડ સાથે રહેવા માટે”ની યોજનાની ઘોષણા કરતા જણાવ્યું હતું કે ‘’ફેસ માસ્ક હવે કાયદેસર રીતે જરૂરી રહેશે નહીં અને ઇંગ્લેન્ડના કોવિડ લૉકડાઉન રોડમેપના અંતિમ તબક્કે અંતર જાળવવાના નિયમો દૂર કરવામાં આવશે. ખાનગી ઘરોનો રૂલ ઓફ સિક્સનો નિયમ દૂર કરવામાં આવશે અને રોજિંદા જીવનને અસર કરતા છેલ્લા 16 મહિનાના પ્રતિબંધો દૂર કરાશે.

અવકાશમાં સૌથી પહેલો પગ કોણ મુકે એ બાબતે વિશ્વના ટોચના ઉદ્યોગપતિઓમાં જાણે સ્પર્ધા જામી છે. એમેઝોન તથા સ્પેસ ટ્રાવેલ કંપનીના માલિક જેફ બેઝોસ 20મી જુલાઈએ અવકાશના પ્રવાસે જવાના છે.

અમેરિકાના વાઈસ પ્રેસિડેન્ટ કમલા હેરિસની ઓફિસના માહોલ અંગે ધી પોલિટિકોના ઈન્ટરવ્યૂ આધારિત અહેવાલમાં એવો દાવો કરાયો છે કે હેરિસના ચીફ ઓફ સ્ટાફ ટીના ફલોરનોય તેમના હાથ નીચેના સ્ટાફ સાથે ખરાબ, અપમાનજનક વર્તન કરે છે અને તેઓ કઈંક પણ ખોટું થાય તો એના વિષે કોઈક ને કોઈક પર દોષનો ટોપલો ઢોળી દેવાની આદત ધરાવે છે.

વિશ્વમાં સૌથી વધુ સોનુ ધરાવતા ભારતમાં હવે ક્રિપ્ટોકરન્સીમાં રોકાણનો ટ્રેન્ડ આવ્યો છે. ભારતના પરિવારો પાસે આશરે 25,000 ટનથી વધુ સોનું છે. પરંતુ છેલ્લાં એક વર્ષમાં ક્રિપ્ટો કરન્સીમાં રોકાણ 200 મિલિયનથી વધીને આશરે 40 બિલિયન ડોલર થયું છે, એમ ચેઇનએનાલિસસે જણાવ્યું છે.

ઠંડા પ્રદેશોમાં સામેલ કેનેડા છેલ્લાં એક સપ્તાહમાં વિક્રમજનક ગરમીને કારણે આશરે 700 લોકોના મોત થયા હતા, એમ અધિકારીઓએ જણાવ્યું હતું. ગરમીએ અત્યાર સુધીના તમામ રેકોર્ડ તોડી નાંખ્યા હતા. કેનેડાના બ્રિટિશ કોલમ્બિયામાં એક સપ્તાહમાં 700થી વધુ લોકોના મોત થયા હતા.

પંજાબ નેશનલ બેન્ક કૌભાંડમાં તાજના સાક્ષી બન્યા બાદ ભાગેડુ બિઝનેસમેન નીરવ મોદીની બહેન પૂર્વી મોદીએ તેમના લંડન બેન્ક એકાઉન્ટમાંથી ભારતની તપાસ એજન્સી એન્ફોર્સમેન્ટ ડિરેક્ટોરેટ (ઇડી)ને રૂ.17.5 કરોડ ચુકવ્યા હતાં, એમ અધિકારીઓએ ગુરુવારે જણાવ્યું હતું.

મોદી સરકારના પ્રધાનમંડળના સંભવિત વિસ્તરણ પહેલા મંગળવારે આઠ રાજ્યોના ગવર્નરોને બદલવામાં આવ્યા હતા. રાષ્ટ્રપતિના આદેશ અનુસાર, કર્ણાટકના ગવર્નર તરીકે કાર્યરત વજુભાઈ વાળાના સ્થાને કેન્દ્રીય પ્રધાન થાવરચંદ ગેહલોતને મૂકવામાં આવ્યા છે.

આમ આદમી પાર્ટીમાં તાજેતરમાં જોડાયેલા નેતાઓ મહેશ સવાલી અને ઇસુદાન ગઢવીના કાફલા પર બુધવારે સાંજે જૂનાગઢના વિસાવદર તાલુકાના લેરિયા ગામમાં હુમલો થયો હતો. પોલીસે જણાવ્યું હતું કે આ હુમલામાં એક વ્યક્તિને ઇજા થઈ હતી.

તાપી જિલ્લાના સોનગઢ તાલુકાના ડોસવાડા ગામે વેદાંત ગ્રૂપની કંપની હિન્દુસ્તાન ઝિન્કના સૂચિત ઝિન્ક સ્મેલ્ટર પ્લાન્ટના મુદ્દે સોમવારે પ્રદૂષણ અંગેની જાહેર સુનાવણી દરમિયાન થયેલી હિંસામાં આશરે એક ડઝન આદિવાસીઓને ઇજા થઈ હતી.

અમદાવાદના સૌથી વ્યસ્ત ગણાતા લાલ દરવાજા બસ સ્ટેશનની કાયાપલટ થશે. લગભગ 65 વર્ષ જૂના આ બસ સ્ટેન્ડને હેરિટેજ લુક આપી નવીનીકરણ કરવામાં આવશે. લાલ દરવાજા બસ સ્ટેન્ડની આસપાસ ઐતિહાસિક ઇમારતો આવેલી છે.

હાલમાં ઈંગ્લેન્ડના પ્રવાસે ગયેલી ભારતીય મહિલા ક્રિકેટ ટીમે ત્રણ વન-ડેની સીરીઝની ત્રીજી અને છેલ્લી મેચમાં શનિવારે વોર્સેસ્ટર ખાતે ઈંગ્લેન્ડને ચાર વિકેટે હરાવી શ્રેણીમાં વ્હાઈટ વોશ થતો અટકાવ્યો હતો. અગાઉની બન્ને મેચમાં વિજય સાથે ઈંગ્લેન્ડ સીરીઝ તો જીતી જ ગયું હતું.

ભારતીય મહિલા વન-ડે ક્રિકેટ ટીમની કેપ્ટન મિતાલી રાજે ઈંગ્લેન્ડ સામેની ત્રીજી અને છેલ્લી વન ડેમાં અણનમ ૭૫ રનની મેચ વિનિંગ ઈનિંગ સાથે આંતરરાષ્ટ્રીય ક્રિકેટમાં સૌથી વધુ રન કરવાનો વર્લ્ડ રેકોર્ડ કર્યો હતો. મિતાલીએ 86 બોલની ઈનિંગમાં ભારતીય ટીમ વતી સૌથી વધુ સ્કોર કર્યો હતો.

માના પટેલની પસંદગી સાથે ગુજરાતના ઇતિહાસમાં પ્રથમ વખત એક સાથે રાજ્યની છ મહિલા ખેલાડી ઓલિમ્પિક- પેરાઓલિમ્પિક ગેમ્સ માટે ક્વોલિફાઇ થઈ છે. રાજ્યની છ મહિલા ખેલાડીની 23 જુલાઈ, 2021થી જાપાનમાં યોજાઇ રહેલા ટોકિયો ઓલિમ્પિક્સ અને પેરા ઓલિમ્પિક માટે પસંદગી થઈ છે.

ભારતીય ક્રિકેટર આર. અશ્વિન અને મહિલા વન-ડે ટીમની કેપ્ટન મિતાલી રાજની સાથે સાથે ફૂટબોલ ટીમના કેપ્ટન સુનિલ છેત્રી, એથ્લીટ નીરજ ચોપરા અને ટેબલ ટેનિસ સ્ટાર અચિંત શરથ કમલનું નામ દેશના સર્વોચ્ચ સન્માન – રાજીવ ગાંધી ખેલ રત્ન એવોર્ડ માટે મોકલવામાં આવ્યું છે.

ભારતીય પેરા જેવેલિન થ્રોઅર (ભાલા ફેંકના સ્પર્ધક) દેવેન્દ્ર ઝાઝરિયા પોતાનો જ વર્લ્ડ રેકોર્ડ તોડી ટોકિયો પેરાલિમ્પિક માટે ક્વોલિફાય થયો છે. નવી દિલ્હીમાં નેશનલ સિલેક્શન ટ્રાયલ્સમાં ગયા સપ્તાહે ૪૦ વર્ષના દેવેન્દ્રએ પુરુષોની એફ-૪૬ કેટેગરીમાં ૬૫.૭૧મીટરનું અંતર પ્રાપ્ત કર્યું હતુ.