આલ્ફાબેટની સંપૂર્ણ માલિકીની પેટાકંપની ગૂગલેએ આગામી ત્રણ વર્ષ માટે તેના ભારતીય મૂળના CEO સુંદર પિચાઈના કુલ સંભવિત સેલરી પેકેજને વધારીને $692 મિલિયન છે. આનાથી પિચાઇ વૈશ્વિક સ્તરે સૌથી વધુ પગાર મેળવનારા એક્ઝિક્યુટિવ્સમાં સ્થાન હાંસલ કર્યું છે, એમ એમ ફાઇનાન્શિયલ ટાઇમ્સેના શનિવારના અહેવાલમાં જણાવાયું હતું.
રીપોર્ટ મુજબ આલ્ફાબેટે તેના ચીફ એક્ઝિક્યુટિવ માટે નવું વેતન પેકેજ મંજૂર કર્યું છે. આ ડીલ ત્રણ વર્ષ માટે 692 મિલિયન ડોલર છે. આ જાહેરાતથી સિલિકોન વેલીના અન્ય હાઇ-પ્રોફાઇલ એક્ઝિક્યુટિવ પગાર પેકેજો સાથે સરખામણી શરૂ થઈ હતી. ઘણા નિરીક્ષકોએ ઇલોન મસ્કની જાણીતી ટેસ્લા વળતર યોજનાનો પણ ઉલ્લેખ કર્યો છે.
સુંદર પિચાઈના નવા પેકેજનો મોટો ભાગનો હિસ્સો પરંપરાગત પગાર તરીકે ચુકવવામાં આવશે નહીં. તેના બદલે પેકેજનો મોટો હિસ્સો સ્ટોક એવોર્ડ્સનો બનેલો હશે, જે કંપનીના પ્રદર્શન સાથે સીધો જોડાયેલા હોવાનું કહેવાય છે. સામાન્ય રીતે અગ્રણી ટેકનોલોજી કંપનીઓ પર્ફોર્મન્સના આધારે પેકેજ ચુકવતી હોય છે.
સુંદર પિચાઈ પહેલી વાર 2015માં ગૂગલના ચીફ એક્ઝિક્યુટિવ બન્યા હતાં. ચાર વર્ષ પછી 2019માં તેમણે આલ્ફાબેટમાં સીઈઓની ભૂમિકા પણ સંભાળી હતી, જે ગૂગલ અને અન્ય ઘણા બિઝનેસનું સંચાલન કરે છે. તેમના નેતૃત્વ દરમિયાન કંપનીએ ટેકનોલોજીના અનેક ક્ષેત્રોમાં વિસ્તરણ કર્યું છે. ગૂગલનો ક્લાઉડ કમ્પ્યુટિંગ ડિપાર્ટમેન્ટ સતત વૃદ્ધિ પામ્યો છે અને હવે તે વૈશ્વિક ક્લાઉડ માર્કેટમાં સૌથી મોટા સ્પર્ધકોમાંનો એક છે. કંપનીએ પિક્સેલ સ્માર્ટફોન, સ્માર્ટ હોમ ડિવાઇસ અને વેરેબલ ટેકનોલોજી સહિત હાર્ડવેર પ્રોડક્ટ્સમાં પણ ભારે રોકાણ કર્યું છે.
