પોતાના જ પિતા સ્ટેન્લી જૉન્સનને નાઈટહૂડ માટે ભૂતપૂર્વ વડા પ્રધાનના રાજીનામાના સન્માનની સૂચિમાં નોમિનેટ કરવા બદલ બોરિસ જૉન્સન પર વડા પ્રધાન ઋષિ સુનકે કટાક્ષ કરતા કહ્યું હતું કે ‘’મારા પોતાના પિતા તો વધુમાં વધુ એક ગ્રીટીંગ્સ કાર્ડની મારી પાસેથી અપેક્ષા રાખી શકે છે.’’
જૉન્સને પોતાના પિતાના કન્ઝર્વેશનીસ્ટ તરીકેના કાર્યને કારણ તેમનું નામ ટાંક્યું હોવાનું માનવામાં આવે છે. આ અંગે વિપક્ષી સાંસદોએ હોબાળો મચાવ્યો હતો.
હાઉસ ઓફ લોર્ડ્સ એપોઇન્ટમેન્ટ કમિશન દ્વારા મહિનાઓથી રાખવામાં આવેલી સૂચિને અવરોધિત કરવી કે કેમ તે અંગે સુનકને રાજકીય માથાનો દુખાવો થવાની સંભાવના છે. અત્યાર સુધી વડા પ્રધાને તેમના પુરોગામી સન્માનની સૂચિ પર ટિપ્પણી કરવાનું ટાળ્યું છે પરંતુ તેમણે પેરિસની મુલાકાત દરમિયાન સ્ટેનલી જોન્સન એવોર્ડની મજાક ઉડાવી હતી.
સમજી શકાય છે કે જ્હોન્સનના સન્માનની યાદીમાં લગભગ 100 નામો છે પરંતુ હાઉસ ઓફ લોર્ડ્સના નિમણૂક કમિશન દ્વારા કેટલાક નામો અંગેની ચિંતાને કારણે તેને રોકી દેવામાં આવ્યું છે.
