અભિનેતા સુશાંતસિંહ રાજપૂતના અપમૃત્યુકેસની તપાસમાં બોલીવુડનું જે ડ્રગ્સ કનેક્શન ચર્ચાના ચગડોળે ચડ્યું છે તેનાથી હિન્દી ફિલ્મ જગતમાં હાહાકાર મચી ગયો છે. સુશાંતની ગર્લફ્રેન્ડ રિયા ચક્રવર્તી અને તેના ભાઇ સૌવિકની સૌપ્રથમ ડ્રગ્સ કેસમાં ધરપકડ થઇ હતી અને બંનેની પૂછપરછમાં જ બંનેએ કેટલાય કલાકારોના નામ લીધા હતા.

પાટનગર લંડનમાં રહેતા દસ મિલિયન લોકોને ચેતવણી આપવામાં આવી છે કે આગામી અઠવાડિયામાં કોરોનાવાયરસને ડામવા માટે કડક પ્રતિબંધ મૂકાય તેવી સંભાવના છે. મેયર સાદિક ખાને, ગણતરીના દિવસોમાં ઘરમાં લોકોના હળવા મળવા પર પ્રતિબંધ મૂકવાની હાકલ કરી હતી. ઇંગ્લેન્ડ અને વેલ્સના મિલીયનથી વધુ લોકો આ સપ્તાહના અંતમાં નવી સ્થાનિક લોકડાઉન હેઠળ છે.

ચાન્સેલર ઋષિ સુનકે ગુરૂવારે 6 માસ માટે નવી કોરોનાવાયરસ જોબ્સ પ્રોટેક્શન સ્કીમ તા. 1 નવેમ્બરથી શરૂ કરવાની જાહેરાત કરી છે જે છ મહિનાએટલે કે એપ્રિલ 2021 સુધી ચાલશે. જેમાં જે તે કર્મચારીએ પાર્ટ ટાઇમ કામ પર ચઢવાનું રહેશે અને સરકાર અને એમ્પલોયર જે તે કર્મચારીએ નહિં કરેલ કામના વેતનની ત્રીજા ભાગની રકમ ચૂકવશે. સુનકે કહ્યું છે કે સરકારની નવી વેતન સબસિડી યોજનાથી મોટી સંખ્યામાં લાભ થશે પરંતુ કેટલી નોકરીઓનો બચાવ કરશે તેની આગાહી કરવી હાલને તબક્કે અશક્ય છે.

અમેરિકાના પ્રેસિડન્ટ ડોનાલ્ડ ટ્રમ્પે સોમવારે જણાવ્યું હતું કે તેમણે ઘણા મિલિયન્સ ડોલરનો ટેક્સ ભર્યો છે તથા તેઓ ઘસારા અને ટેક્સ કેડિટ માટેના હકદાર છે. તેમના દેવા કરતાં તેમની પાસેની મિલકત વધુ છે. ઘણા વર્ષો સુધી બિઝનેસમાં જંગી ખોટ નોંધાવ્યા બાદ ટ્રમ્પે 2016 અને 2017 બંને વર્ષમાં માત્ર 750 ડોલરનો ટેક્સ ભર્યો હતો તેવા ન્યૂ યોર્કના ટાઇમ્સના અહેવાલને પગલે રિપબ્લિકશન પ્રેસિડન્ટે સંખ્યાબંધ ટ્વીટ કરીને આ પ્રતિક્રિયા આપી હતી.

આંતરરાષ્ટ્રીય માનવ અધિકાર સંસ્થા એમ્નેસ્ટી ઇન્ટરનેશનલે ભારતમાં પોતાના કામકાજને મંગળવારે અટકાવ્યું દીધું હતું. એમ્નેસ્ટીએ એવો આક્ષેપ કર્યો હતેા કે માનવઅધિકારોના ઉલ્લંઘન અંગે અવાજ ઉઠાવવાથી સરકારે તેના બેન્ક એકાઉન્ટ ફ્રીજ કરી દીધા છે.

યુકેના વૈજ્ઞાનિકોએ ચેતવણી આપી છે કે કોવિડ-19 અને ફ્લુનુ કો-ઇન્ફેક્શન ‘ગંભીર મુશ્કેલી’ કરી શકે છે અને તેથી સંવેદનશીલ લોકોને ફ્લૂની રસી લેવા વિનંતી કરી છે.

ઝૈનબ અલિપોરબાબી નામની 39 વર્ષની ઇરાની મૂળની એન્જીનીયરને હેરોના ટોરી પાર્ટીના શીખ કાઉન્સિલર કમલજીત ચનાએ “મને મુસ્લિમો પસંદ નથી” એમ કહ્યા બાદ તેણી “ધાર્મિક ભેદભાવ અને કન્સટ્રક્ટીવ અનફેર ડિસમીસલનો દાવો જીતી ગઇ હતી. લેબર પાર્ટી અને મુસ્લિમ સંગઠનોએ “ઇસ્લામોફોબીક” નિવેદન કરવાના આરોપ બદલ હેરોના શીખ ટોરી કાઉન્સિલરને હટાવવાની હાકલ કરી છે.

ઉંદરને જોઇને ઘણીવાર સુગ ચડે છે, પરંતુ એક પરાક્રમી ઉંદરનું કમ્બોડિયામાં સુરંગો શોધી કાઢવા માટે બહુમાન કરવામાં આવ્યું છે. મગાવા નામના આફ્રિકાના આ ઉંદરે દક્ષિણપૂર્વ એશિયાના આ યુદ્ધગ્રસ્ત દેશમાં 39 સૂરંગ અને વિસ્ફોટ થયા વગરના 28 દારુગોળો શોધી કાઢ્યા છે. તેથી તેને PDSA વેટરિનરી ચેરિટી ગોલ્ડ મેડલ આપવામાં આવ્યો છે.

અમેરિકાના જાણીતા ટાઈમ મેગેઝિનની વર્ષ 2020 માટે વિશ્વના સૌથી વધુ પ્રભાવશાળી હસ્તીઓની યાદીમાં ભારતના વડાપ્રધાન નરેન્દ્ર મોદી અને અમેરિકાના પ્રેસિડન્ટ ડોનાલ્ડ ટ્રમ્પને સ્થાન મળ્યું છે. આ યાદીમાં બોલિવૂડ એક્ટર આયુષ્યમાન ખુરાના, ગુગલના સીઈઓ સુંદર પિચાઈ, HIV પર રિસર્ચ કરનાર રવિંદર ગુપ્તા અને શાહીનબાગમાં ધરણાં પર બેસનાર બિલ્કિસનું પણ નામ સામેલ છે. આ વિશ્વવિખ્યાત મેગેઝિનની પ્રભાવશાળી વ્યક્તિઓની યાદીમાં મોદીને અત્યાર સુધી ચાર વખત સ્થાન મળ્યું છે.

ભૂતપૂર્વ કેન્દ્રીય પ્રધાન અને ભાજપ દિગ્ગજ નેતા જશવંત સિંહનું લાંબી બિમારી બાદ રવિવારે અવસાન થયું હતું. તેમની ઉંમર 82 વર્ષ હતી. જસવંત સિંહના નિધન પર વડાપ્રધાન નરેન્દ્ર મોદી સહિતના નેતાએ દુ:ખ વ્યક્ત કર્યુ છે. ઓગસ્ટ 2014માં ઘરમાં પડી જવાથી તેમની ઇજા થઈ હતી અને તે પછીથી તેઓ સતત બિમાર રહ્યાં હતા.

હાલના સંજોગોમાં કોવિડ-19ના રોગચાળાના પગલે ક્રિકેટ સહિત રમત ગમત ક્ષેત્રે ભારે અનિશ્ચિતતા પ્રવર્તી રહી છે, ત્યારે ભારતીય ક્રિકેટ બોર્ડની પ્રાયોરિટી ઈંગ્લેન્ડની ટીમ સામેની આગામી સીરીઝ ભારતમાં જ રમાય તેવી છે.

કાતિલ ઠંડાના વાતાવરણમાં શરૂ થયેલી ફ્રેન્ચ ઓપન ટેનિસ સ્પર્ધાના પહેલા જ રાઉન્ડમાં યુકેનો સ્કોટિશ સ્પર્ધક – એક વખતનો વિશ્વનો પ્રથમ ક્રમાંકિત એન્ડી મરે પહેલા રાઉન્ડમાં જ સ્ટાન વાવરિન્કા સામે સીધા સેટ્સમાં 6-1, 6-3, 6-2થી હારી ગયો હતો. થાપાની સર્જરીના કારણે પોતાની પૂર્ણ ક્ષમતાએ રમી શકતો નહોતો. તેને આ સ્પર્ધમાં એન્ટ્રી માટે વાઈલ્ડ કાર્ડની જરૂર પડી હતી. યુએસ ઓપનમાં તે બીજા રાઉન્ડમાં હારી ગયો હતો.

ઓસ્ટ્રેલિયાના ભૂતપૂર્વ બેટ્સમેન ડીન જોન્સનું મુંબઈમાં હાર્ટ અટેકના નિધન ગુરુવારે થયું હતું. તેમની ઉંમર 59 વર્ષ હતી. ઇન્ડિયન પ્રીમિયમર લીગ માટેના સ્ટાર સ્પોર્ટ્સની કમેન્ટરી ટીમમાં સામેલ હોવાથી તેઓ મુંબઈમાં હતા.