ગુજરાતમાં બેકાબુ બનેલા કોરોનાના ફેલાવાના પગલે હાઈકોર્ટની ટકોર પછી મંગળવારે રાત્રે મુખ્ય પ્રધાન વિજય રૂપાણીએ કરેલી જાહેરાતો મુજબ બુધવારથી રાજ્યના તમામ મોટા શહેરો – 20 શહેરોમાં રાત્રે 8 થી સવારે 6 વાગ્યા સુધી કર્ફયુ રહેશે અને તે 30 એપ્રિલ સુધી અમલમાં રહેશે. આ ઉપરાંત કોઈ મોટા રાજકીય તેમજ સામાજિક કાર્યક્રમો યોજી શકાશે નહીં, લગ્ન સમારંભમાં પણ 100 લોકોને જ આમંત્રણની મર્યાદા જાહેર કરાઈ છે. કેન્દ્ર સરકારની આરોગ્ય ખાતાની ઉચ્ચ સ્તરિય ટીમ ગુજરાતની મુલાકાતે આવશે અને સ્થિતિની સમીક્ષા કરશે. રાજ્ય સરકારની તમામ કચેરીઓમાં શનિવાર-રવિવારની રજા રહેશે.

જોરદાર રસીકરણ, ઝડપથી ઘટી રહેલા હોસ્પિટલ પ્રવેશ અને મોતના દર અને દેશની અડધી વસ્તીમાં વિકસેલા એન્ટીબોડીઝને પગલે કોરોનાવાયરસ રોગચાળાની સ્થિતીમાં જોરદાર સુધારો આવી રહ્યો હોવાથી અગાઉની યોજના મુજબ ઇંગ્લેન્ડમાં 12 એપ્રિલથી લોકડાઉન વધુ હળવુ કરાઇ રહ્યું છે. દેશભરમાં બિન-આવશ્યક દુકાનો, જિમ અને હેરડ્રેસરની સાથે બહાર ખુલ્લામાં દારૂ તથા ભોજન પીરસતા પબ અને રેસ્ટૉરન્ટ્સને આવતા સોમવાર તા. 12 એપ્રિલથી ફરીથી ખોલવા માટે મંજૂરી આપવામાં આવી છે.

ભારતમાં હાલમાં વકરેલા કોરોના વાઈરસનાં “ડબલ મ્યૂટન્ટ” સ્ટ્રેઈન્સ (બેવડાં જનીનિક પરિવર્તન)નો પ્રથમ કેસ અમેરિકાનાં સાન ફ્રાન્સિસ્કો બે એરિયામાં નોંધાયો છે. સ્ટાન્ફોર્ડ હેલ્થ કેસ ક્લીનિકલ વાયરોલોજી લેબોરેટરીમાં દર્દીના નિદાનમાં “ડબલ મ્યૂટન્ટ” સ્ટ્રેઈન મળી આવ્યું છે.

ગયા વર્ષના ખુલાસા પછી, અમે ન્યાયતંત્રને પડકારીએ છીએ કે તે સાબિત કરે કે તે સંસ્થાગત રીતે જાતિવાદી નથી
પોતે સંસ્થાકીય રીતે જાતિવાદી હોવાનું સ્વીકારવામાં ન્યાયતંત્ર મેટ પોલીસ કરતાં 20 વર્ષ પાછળ છે. આવો આકરો આરોપ કેટલાક દક્ષિણ એશિયન, શ્યામ અને શ્વેત ન્યાયાધીશોએ પોતાના નામ સાથે અને નામ વગર લગાવ્યો છે.

ફ્રાન્સની એક ન્યૂઝ વેબસાઈટ, મીડિયા-પાર્ટે ફરી એકવાર રાફેલ યુદ્ધ વિમાનોના સોદામાં એક ભારતીય વચેટિયાને કટકી ચૂકવાયાના અહેવાલો આપ્યા છે. આ અહેવાલમાં કેટલાક અન્ય સવાલો પણ રજૂ કરાયા છે.

ગુજરાત વિધાનસભામાં ગુરુવારે લહ જેહાદ વિરુદ્ધ ખરડો પસાર કરવામાં આવ્યો હતો. આવો ખરડો પસાર કરનારું ગુજરાત ઉત્તરપ્રદેશ અને મધ્યપ્રદેશ બાદ ભારતનું ત્રીજું રાજ્ય બન્યુ છે.

ઑફિસ ઑફ નેશનલ સ્ટેટિસ્ટિક્સના અંદાજ પ્રમાણે બ્રિટનમાં વસતા અડધા લોકોમાં ચેપ અને રસીકરણના કરણે કોવિડ-19 સામેના એન્ટિબોડીઝ ડેવલપ થઇ ગયા છે.

ધ કમિશન ઓન રેસ એન્ડ એથનિક ડીસ્પેરીટીઝે જણાવ્યું હતું કે લોકોનું જીવન કેવી રીતે આગળ વધે છે તે માટે તેની જાતી કરતાં કૌટુંબિક બંધારણ અને સામાજિક વર્ગની મોટી અસર પડે છે તેમજ લઘુમતી વંશીય સમુદાયોના બાળકોએ શ્વેત વિદ્યાર્થીઓ કરતાં વધુ સારી કામગીરી બજાવી હતી.

કેટલાક પાકિસ્તાની, બાંગ્લાદેશી અને શ્યામ વર્ણના લોકો રસીકરણથી દૂર રહેતા હોવાથી દેશમાં મોટા પ્રમાણમાં કોવિડ ચેપ અને મૃત્યુનું જોખમ ડોક્ટર્સ અને નિષ્ણાતો દ્વારા જોવામાં આવી રહ્યું છે.

પ્રેસિડેન્ટ બાઇડેને ટ્રમ્પશાસનમાં લદાયેલો એચ-1બી વીઝા સહિત વિદેશી કર્મચારીઓ માટેનો વીઝા પ્રતિબંધ ઉઠાવી લેતાં હજારો ભારતીય આઇટી કર્મચારીઓને રાહત થશે.

પાકિસ્તાનની ઈમરાન ખાન સરકારે સ્થાનિક સ્તર પર થઈ રહેલા વિરોધ સામે ઝૂકી જઈ ભારતમાંથી કપાસ અને ખાંડની આયાત કરવાના નિર્ણયને ગુરુવારે માત્ર એક દિવસમાં પલટી નાખ્યો હતો.