ભારતના ભાગેડુ ઉદ્યોગપતિ વિજય માલ્યાને સોમવારે યુકે હાઈકોર્ટે મોટો ઝટકો માર્યો હતો. હાઇકોર્ટે માલ્યાને નાદાર જાહેર કર્યા હતા. આ ચૂકાદાના પગલે હવે પછી વિજય માલ્યાની સંપત્તિ જપ્ત કરી શકાશે. યુકેની ચીફ ઈન્સોલ્વન્સીઝ એન્ડ કંપની કોર્ટના ન્યાયાધીશ માઇકલ બ્રિગ્સે હાઈકોર્ટમાં વર્ચ્યુઅલ સુનાવણી દરમિયાન કહ્યું – હું ડોક્ટર વિજય માલ્યાને નાદાર જાહેર કરું છું.

ભારતીય રિઝર્વ બેન્ક (આરબીઆઇ)એ ગુરુવારે જણાવ્યું હતું કે તે તેની ડિજિટલ કરન્સી માટેની વ્યુહરચનાના તબક્કાવાર અમલ માટે કામગીરી કરી રહી છે અને ક્યાં ઉપયોગ કરવો તેની શક્યતા ચકાસી રહી છે.

બિલિયનોર અનિલ અગ્રવાલની માલિકીના વેદાંત ગ્રૂપ દ્વારા તાપી જિલ્લામાં બની રહેલા ઝીન્ક સ્મેલ્ટર પ્લાન્ટ સામે ઝઘડીયાના ધારાસભ્ય છોટુ વસાવાએ હાઇ કોર્ટમાં જાહેર રિટ કરી છે.

ભારતમાં પેટીએમ, મોબિક્વીક, ફાર્મઇઝી, ઝોમાટો જેવા નવા ટેકનોલોજી સ્ટાર્ટ-અપના આઇપીઓની મોસમ પૂરબાર ખીલી છે.

ભારતની અગ્રણી આઇટી કંપની વિપ્રો લિમિટેડે મંગળવારે જણાવ્યું હતું કે કંપનીએ સાયબરથ્રેટ ઇન્ટેલિજન્સ સર્વિસ પ્રોવાઇડર કંપની ઇનસાઇટ્સમાં પોતાનો સંપૂર્ણ હિસ્સો 19.1 મિલિયન ડોલરમાં વેચ્યો છે.

શાહરૂખ-સંજય દત્તઃ હમ સાથ સાથ હૈ

શાહરુખ ખાન અને સંજય દત્તના ચાહકોને એક નવી ફિલ્મ જોવા મળે તેવી તૈયારી થઇ રહી છે. શાહરૂખ ખાન અત્યારે પોતાની નવી ફિલ્મ પઠાનના પ્રોડક્શનમાં વ્યસ્ત છે.
આ ફિલ્મને યશરાજ બેનર પ્રોડયુસ કરી રહ્યું છે. જેમાં દીપિકા પદુકોણ અને જોન અબ્રાહમ કામ કરી રહ્યા છે. શાહરૂખ ખાન આ ફિલ્મ દ્વારા લાંબા સમય પછી રૂપેરી પડદે પાછો ફરી રહ્યો છે. સૂત્રોના જણાવ્યા મુજબ, શાહરૂખ ખાન અને સંજય દત્ત પ્રથમ વખત એક બિગ બેજેટ ફિલ્મ રાખીમાં સાથે જોવા મળે તેવી પ્રબળ સંભાવના છે.
આ ફિલ્મ વાયકોમ 18ના બેનર હેઠળ બનશે. ફિલ્મની જાહેરાત ટૂંક સમયમાં કરવામાં આવશે. પઠાન ફિલ્મ શરૂ કર્યા પછી ઘણી ફિલ્મોના નામ શાહરૂખ ખાન સાથે જોડાઇ રહ્યા છે. જેમાં રાજકુમાર હિરાણીની એક ફિલ્મનો પણ સમાવેશ થાય છે.

હુમા કુરેશીનું સેવા કાર્ય

કોરોનાની બીજી લહેરે ભારતમાં ગંભીર નુકસાન પહોંચાડ્યું છે. મોટાભાગના લોકા સારવારના અભાવે મૃત્યુ પામ્યા છે. આથી સરકારે કોરોનાની ત્રીજી લહેર સામે લડવા માટેની તૈયારી શરૂઆત કરી છે. આ કાર્યમાં બોલીવૂડ સેલિબ્રિટિઝ પણ મદદ કરી રહી છે, જેમાં હુમા કુરેશીનો પણ સમાવેશ થાય છે.
હુમા કુરેશીએ આંતરાષ્ટ્રીય બાળ અધિકાર સંસ્થા સાથે સહયોગ કરીને તે દિલ્હીમાં બાળકોને મદદ કરી રહી છે. તે આ સંસ્થા સાથે મળીને ૩૦ બેડનો બાળકોનો એક વિશેષ વોર્ડ તૈયાર કરાવી રહી છે. તાજેતરમાં તેણે આ વોર્ડની મુલાકાત પણ લીધી હતી. સૂત્રોના જણાવ્યા પ્રમાણે આ વોર્ડને તૈયાર કરતી વખતે એક વાત ખાસ ધ્યાનમાં રાખવામાં આવી છે કે, આ વોર્ડ બાળકો માટે દરેક રીતે સુરક્ષિત હોવો જોઇએ.

ફરહાન અખ્તરનું ‘રંગ દે બસંતી’નું રહસ્ય ખુલ્યું

જાણીતી ફિલ્મ ‘રંગ દે બસંતી’ના નિર્માતા રાકેશ ઓમપ્રકાશ મહેરાએ ફરહાન અખ્તર અંગેનું એક રાઝ ખોલ્યું છે. આ ફિલ્મમાં કરણનો રોલ ઓફર કરવામાં આવ્યો હતો. જોકે તેણે ના પાડતાં આ રોલ સાઉથના સિદ્ધાર્થને મળ્યો હતો. વર્ષ 2006માં આ ફિલ્મ પ્રદર્શિત થઈ હતી. 2001માં ફરહાન અખ્તરે તેની પ્રથમ ફિલ્મ ‘દિલ ચાહતા હૈ’નું દિગ્દર્શન કર્યું હતું અને પછી ‘લક્ષ્ય’નું નિર્માણ પણ કર્યું હતું.
આથી ફરહાનને અભિનયમાં કોઈ રૂચિ નહોતી. રાકેશ ઓમપ્રકાશ મેહરાએ વધુમાં કહ્યું હતું કે, ‘ફરહાન એ વખતે ખુશ હતો કેમ કે તેણે ‘દિલ ચાહતા હૈ’નું ડિરેક્શન પૂર્ણ કર્યું હતું અને ‘લક્ષ્ય’ પર કામ કરી રહ્યો હતો.

વરુણ ધવન નવી ભૂમિકામાં

યુવા ચાહકોના ચોકલેટી હીરો વરુણ ધવન છેલ્લા એક વરસથી ઘણા ડાયરેકટર્સ સાથે મુલાકાત કરી રહ્યો છે અને સ્ક્રિપ્ટ વાંચી રહ્યો છે. છેલ્લી થોડી ફિલ્મોમાં વરુણને ખાસ સફળતા મળી નથી. તેથી હવે તે સમજી વિચારીને ફિલ્મ અંગે નિર્ણય લઇ રહ્યો છે.
સૂત્રોના જણાવ્યા મુજબ એકશન ફિલ્મોના જાણીતા દિગ્દર્શક મોહિત સૂરીની ફિલ્મમાં હવે વરુણ જોવા મળશે. મોહિત સૂરી એકશન પેક્ડ લવ સ્ટોરી બનાવા માટે જાણીતા છે અને વરુણની નવી ફિલ્મ પણ આ જ વિષય પર આધારિત હશે તેમ સૂત્ર કહે છે. વરુણને મોહિત સૂરીનું કામ બહુ પસંદ છે.

તબ્બુની 30 વર્ષની કારકિર્દી

પીઢ અભિનેત્રી તબ્બુએ ફિલ્મી કારકિર્દીના ૩૦ વર્ષ પૂર્ણ કર્યા છે. તેણે વર્ષ 1985માં બાળકલાકાર તરીકે ફિલ્મ નૌ જવાનમાં કામ કર્યું હતું. આ ફિલ્મમાં તેણે દેવઆનંદની પુત્રીની ભૂમિકા ભજવી હતી. પરંતુ હિરોઇન તરીકે તેની પ્રથમ ફિલ્મ તેલુગુમાં આવેલી કુલી નંબર વન હતી. આ ફિલ્મમાં તેણે વેંકટેશ દગ્ગુબાતી સાથે કામ કામ કર્યું હતું.