ન્યૂયોર્ક ટાઈમ્સના એક રીપોર્ટ મુજબ, ગત 24 માર્ચના રોજ ભારતના વડાપ્રધાન નરેન્દ્ર મોદી અને યુએસ પ્રેસિડેન્ટ ડોનાલ્ડ ટ્રમ્પ વચ્ચેની ટેલિફોનિક ચર્ચા દરમિયાન જાણીતા બિલિયોનેર એલન મસ્ક પણ ઉપસ્થિત હતા. ટ્રમ્પે ઈરાન સાથેના યુદ્ધ અંગે ચર્ચા કરવા માટે મોદીને ફોન કર્યો હતો. ગત 28 ફેબ્રુઆરીએ અમેરિકા અને ઇઝરાયેલ દ્વાર મિલિટરી હુમલા શરૂ થયા પછી બંને વડાઓ વચ્ચેની આ પ્રથમ વાતચીત હતી. એલન મસ્કે આ ફોન કોલમાં ભાગ લીધો હોવાનું કહેવાય છે. કટોકટીના સમયે બે દેશના વડા વચ્ચેના ફોન કોલ દરમિયાન એક ખાનગી વ્યક્તિ અસામાન્ય રીતે ઉપસ્થિત હતા, તેવું ન્યૂયોર્ક ટાઈમ્સે અજાણ્યા અમેરિકન અધિકારીઓને ટાંકીને જણાવ્યું હતું.
આ અંગે વ્હાઇટ હાઉસના પ્રેસ સેક્રેટરી કેરોલિન લિવિટ્ટે ભારતીય સમાચાર એજન્સી-પીટીઆઈને આપેલા એક નિવેદનમાં જણાવ્યું હતું કે, ‘પ્રેસિડેન્ટ ટ્રમ્પના વડાપ્રધાન મોદી સાથે સારા સંબંધો છે, અને આ એક સકારાત્મક ચર્ચા હતી.’ આ અખબારી રીપોર્ટ મુજબ, બે અમેરિકન અધિકારીઓ દ્વારા સ્વીકારાયેલ વાત મુજબ એલન મસ્કની હાજરી સૂચવે છે કે, તેમના પ્રેસિડેન્ટ ટ્રમ્પ સાથે ફરીથી સુધરી ગયા છે. ગત વર્ષે મસ્કે એડમિનિસ્ટ્રેશન છોડ્યા પછી બંને વચ્ચે મતભેદ ઊભા થયા હતા, તેમને કર્મચારીઓમાં ઘટાડો કરવાનું કામ સોંપાયું હતું. રીપોર્ટ મુજબ મસ્ક આ ચર્ચા દરમિયાન કેમ હાજર હતા અથવા તેમણે મોદી સાથે વાત કરી હતી કે કેમ તે સ્પષ્ટ થયું નથી.
