ટી20 વર્લ્ડકપ-2026ની ગુરુવાર, 5 ફેબ્રુઆરીએ મુંબઈના વાનખેડે સ્ટેડિયમમાં રમાયેલી સેમિફાઇનલમાં ભારતે ઇંગ્લેન્ડને વિજય માટે 254 જંગી ટાર્ગેટ આપ્યો હતો. સંજુ સેમસનની માત્ર 42 બોલમાં 89 રનની તોફાની ઇંનિંગ અને બીજા ખેલાડીઓની પણ ફટકાબાજીને પગલે ભારતે 20 ઓવરમાં સાત વિકેટ ગુમાવીને 253 રનનો વિક્રમી સ્કોર ખડો કર્યો હતો. ભારતની ઇનિંગમાં કુલ 19 સિક્સ વાગી હતી.
ભારતીય ટીમ ઇન્ડિયાના સુકાની સૂર્યકુમાર યાદવ અને ઇંગ્લૅન્ડના સુકાની હેરી બ્રુક વચ્ચે ટોસ ઉછાળવામાં આવ્યો હતો. ઇંગ્લૅન્ડે ટોસ જીતીને પહેલા ફિલ્ડિંગ કરવાનો નિર્ણય કર્યો હતો. ભારતની પ્રથમ વિકેટ સસ્તામાં પડી હતી.
ઓપનર અભિષેક શર્મા માત્ર 9 રન બનાવી આઉટ થયો હતો. જોકે સંજુ સેમસને માત્ર 42 બોલમાં 89 રનની તોફાની ઇંનિંગ રમી હતી. ઈંગ્લેન્ડના સુકાની હેરી બ્રુકે ડ્રોપ તેનો કેચ છોડ્યો હતો અને તે ભારે પડ્યો હતો. સેમસને માત્ર 26 બોલમાં પોતાનો અડધી સદી પૂરી કરી હતી.
ઈશાન કિશનને ૧૮ બોલમાં ૩૯ રન, શિવમ દુબે ૨૫ બોલમાં ૪૩, હાર્દિક પંડ્યાએ ૧૨ બોલમાં ૨૭ અને તિલક વર્માએ ૭ બોલમાં ૨૧)ની આક્રમક ઇનિંગ રમતે ભારતે ટી૨૦ વર્લ્ડ કપ ઇતિહાસમાં બીજો સૌથી મોટો સ્કોર બનાવ્યો હતો.
આ ભારત અને ઇંગ્લૅન્ડ વચ્ચે સતત ત્રીજા ટી20 વર્લ્ડકપની સેમિ ફાઇનલ છે. અગાઉ બંને દેશો 10 નવેમ્બર 2022ના રોજ એડીલેડમાં રમાયેલી ટી20 વર્લ્ડ કપની ફાઇનલમાં ટકરાયા હતા, ત્યારે ઇંગ્લૅન્ડ 10 વિકેટથી જીત્યું હતુ. આ પછી બંને દેશો વચ્ચે 27મી જૂન, 2024ના રોજ વિન્ડિઝના પ્રોવિડેન્સમાં ટી20 વર્લ્ડકપની સેમિફાઇનલમાં ટક્કર થઈ હતી અને તેમાં ભારત 68 રનથી જીત્યું હતું.
