મધ્ય પૂર્વમાં સંઘર્ષને કારણે છેલ્લી ઘડીએ એરસ્પેસ પર પ્રતિબંધો લાદવામાં આવ્યા બાદ દિલ્હીથી માન્ચેસ્ટર જતી ઇન્ડિગોની ફ્લાઇટે તેના મૂળ સ્થાને પરત ફરવું પડ્યું હતું.
દિલ્હીથી માન્ચેસ્ટર માટે રવાના થયેલી ફ્લાઇટ 6E 033 તેની મુસાફરી ચાલુ રાખી શકી ન હતી અને સાત કલાક હવામાં રહ્યાં પછી યુ-ટર્ન લેવો પડ્યો હતો. સોમવારે વહેલી સવારે આ વિમાન ભારતીય રાજધાનીથી યુકે શહેર માટે રવાના થયું હતું, જે 26 ફેબ્રુઆરી પછી ઇન્ડિગોની પહેલી દિલ્હી-માન્ચેસ્ટર ફ્લાઇટ હતી. સામાન્ય સ્થિતિમાં ફ્લાઇટે લગભગ 11 કલાકમાં પછી માન્સેસ્ટર પહોંચવાની હતી. ફ્લાઇટ ટ્રેકિંગ ડેટા મુજબ પશ્ચિમ એશિયામાં સંઘર્ષ ક્ષેત્રોને ટાળવા માટેનો રૂટ અપનાવવા છતાં વિમાન લગભગ સાત કલાક ઉડાન ભર્યા પછી પરત ફર્યું હતું.
Flightradar24 અનુસાર આ વિમાને એડનના અખાત અને આફ્રિકાના કેટલાક ભાગોમાંથી પસાર થઈને અસામાન્ય દક્ષિણ રૂટ અપનાવ્યો હતો તથા મધ્ય પૂર્વીય હવાઈ ક્ષેત્રનો મોટો ભાગ વિસ્તાર બાયપાસ કર્યો હતો.
એક નિવેદનમાં, ઇન્ડિગોના પ્રવક્તાએ જણાવ્યું હતું કે છેલ્લી ઘડીએ એરસ્પેસ પ્રતિબંધો લાદવામાં આવ્યા બાદ એરલાઇનને આ નિર્ણય લેવો પડ્યો હતો. મધ્ય પૂર્વ અને તેની આસપાસની પરિસ્થિતિને કારણે અમારી કેટલીક ફ્લાઇટ્સ લાંબા રૂટ લઈ શકે છે અથવા ડાયવર્ઝન થઈ શકે છે. પશ્ચિમ એશિયાની સ્થિતિને કારણે દિલ્હીથી માન્ચેસ્ટર જતી અમારી ફ્લાઇટ 6E 033 છેલ્લી ઘડીના હવાઈ ક્ષેત્ર પ્રતિબંધોને કારણે તેના મૂળ સ્થાને પરત ફરવી પડી હતી
