એક્સપેટ્સ ઇન્સાઇડર 2023 નામના એક ગ્લોબલ સરવેમાં મેક્સિકો અને સ્પેન વિદેશી કર્મચારીઓ માટે શ્રેષ્ઠ ગણવામાં આવ્યા છે જ્યારે કુવૈત અને નોર્વેને સૌથી ખરાબ દેશ ગણવામાં આવ્યા છે. આ સરવેમાં કુલ 53 દેશોને આવરી લેવાયા હતા જેમાં ભારત 36મા સ્થાને આવ્યું છે. એટલે કે વિદેશીઓ માટે ભારતમાં કામ કરવું એટલું સરળ નથી. તેની તુલનામાં મેક્સિકો, પનામા, સ્પેન, મલેશિયા અને તાઈવાનમાં બહારના લોકો સુખેથી કામ કરી શકે છે.
આ વિગતો બહાર આવી હતી. નવાઈની વાત એ છે કે વિદેશીઓ માટે ખરાબ દેશોમાં જર્મની, સાઉથ કોરિયા, તુર્કી, નોર્વે અને કુવૈતનો સમાવેશ થાય છે. આ સરવે ચાલુ વર્ષે ફેબ્રુઆરીમાં ઈન્ટરનેશન્સ દ્વારા કરવામાં આવ્યો હતો જેમાં 12,000થી વધુ પ્રતિસાદીના જવાબનું વિશ્લેષણ કરાયું હતું. આ સરવે સૌથી પહેલા 2014માં કરવામાં આવ્યો ત્યારે પણ મેક્સિકોનું નામ ટોચના પાંચ દેશોમાં હતું. વિદેશીઓ માટે મેક્સિકોના લોકો વધારે ફ્રેન્ડલી વલણ અપનાવે છે, તેનું કલ્ચર બહુ આકર્ષક છે અને હાઉસિંગની સુવિધા પણ ઘણી સારી છે.
પોર્ટુગલ, બહેરિન, ફિલિપાઈન્સ, કોસ્ટા રિકા અને થાઈલેન્ડને પણ કામ કરવા માટે પસંદ કરાય. પરંતુ જાપાન, ન્યૂ ઝિલેન્ડ, માલ્ટા, ઈટલી અને સાઉથ આફ્રિકાને ટાળવા જોઈએ તેવું આ સર્વે પરથી જાણવા મળે છે.
ક્વોલિટી ઓફ લાઈફ ઈન્ડેક્સની દૃષ્ટિએ જોવામાં આવે તો ભારત છેક તળિયે આવે છે. પરંતુ ઈન્ડેકન્સમાં ઓવરઓલ રેન્કિંગ ધ્યાનમાં લેવામાં આવે તો કુલ 53 દેશોમાંથી ભારત 36માં સ્થાન પર છે. ક્વોલિટી ઓફ લાઈફની દૃષ્ટિએ ભારત છેક 52મા ક્રમે છે. ટ્રાવેલ અને ટ્રાન્ઝિટ, વાતાવરણ, હવામાન, મોજશોખના વિકલ્પો અને સુરક્ષાના મામલે પણ ભારતનો દેખાવ ઘણો ખરાબ રહ્યો છે.
ભારતમાં કામ કરતા વિદેશી કર્મચારીઓને ભારતની હેલ્થકેર સગવડો, સ્થાનિક લોકોનું મૈત્રીપૂર્ણ વર્તન, કલ્ચર, ફૂડ અને કારકિર્દીના વિકલ્પો વધારે પસંદ પડ્યા છે. ભારતના શહેરોમાં પ્રદૂષણનું પ્રમાણ વધારે છે અને અહીં હવાની ક્વોલિટી અંગે લોકોએ પ્રશ્નો ઉઠાવ્યા હતા.
0000000000
