અમેરિકા અને ઇઝરાયેલાના ઇરાન સાથેના યુદ્ધના પગલે વધી રહેલી ક્રૂડ ઓઇલ અને વૈશ્વિક અનિશ્ચિતતાઓની સ્થિતિની સીધી અસર ભારતીય રૂપિયા પર જોવા મળી હતી. શુક્રવારે સાંજે ડોલર સામે રૂપિયો તૂટીને 95ના તળિયાની નજીક રૂ. 94.85ના સ્તરે પછડાયા પછી કામકાજના અંતે બાઉન્સબેક થઈ 94.77ની નવી નીચી સપાટીએ બંધ રહ્યો હતો. શેરબજારમાં ઝડપી ઘટાડો તથા વિશ્વ બજારમાં ક્રૂડતેલના ભાવ ઉછળી બેરલના 110 ડોલર ઉપર ગયાના નિર્દેશો વચ્ચે ભારતમાં જ રૂપિયો તળીયે ધકેલાયો હતો. ડોલરનો ભાવ વધતાં દેશમાં આયાત થતા ક્રૂડતેલ, સોના-ચાંદી, કઠોળ, ખાદ્યતેલો વિ. સહિતની વિવિધ ચીજવસ્તુઓ મોંધી થવાની તથા વિદેશ પ્રવાસો અને વિદેશમાં શિક્ષણ પણ મોંઘું થવાની ધારણા છે. રૂપિયો ગબડતાં દેશના નિકાસકારોને ફાયદો થવાની ગણતરી પણ સૂત્રોએ દર્શાવી હતી.
