Communal clashes in Vadodara on Diwali
પ્રતિકાત્મક તસવીર (istockphoto.com)

પોલીસે અમદાવાદમાંથી પાકિસ્તાનના જાસૂસની મંગળવારે ધરપકડ કરી હતી.દેશ વિરોધી ષડ્યંત્રમાં મહત્ત્વનો ભાગ ભજવનાર અમદાવાદના અબ્દુલ વહાબને અમદાવાદ ક્રાઈમ બ્રાન્ચ ટીમે ઝડપી લીધો હતો. 

શહેરના  કાલુપુર વિસ્તારના 72 વર્ષના વૃદ્ધે અમદાવાદમાંથી જુદી જુદી કંપનીના સીમકાર્ડ ખરીદીને દિલ્હી સ્થિત પાકિસ્તાન હાઈ કમિશનના ઇન્ટેલિજન્સ ઓફિસરને આપ્યા હતા. આ સીમકાર્ડ આપતા પહેલા તેણે એક્ટિવેટ કરીને તેના પર વોટ્સએપ પણ એક્ટિવ કરી દીધા હતા. 

તપાસ કરતા જાણવા મળ્યું હતું કે અમદાવાદ કાલુપુર પાંચ પટ્ટી ખજૂરી મસ્જિદની ગલીમાં રહેતો અબ્દુલ વહાબ શેર મોહમ્મદ પઠાણ નામનો વૃદ્ધ પોતાના નામે સીમકાર્ડ ખરીદી લેતો હતો અને સીમકાર્ડ એક્ટિવેટ કરીને દિલ્હી સ્થિત પાકિસ્તાની હાઇ કમિશનના ઇન્ટેલિજન્સ ઓફિસરને પહોંચાડતો હતો. જેના પર વોટ્સએપ એપ્લિકેશન ડાઉનલોડ કરીને તેને એક્ટિવ કરવા માટે અબ્દુલ વહાબ OTP પાકિસ્તાની ઇન્ટેલિજન્સ ઓફિસરને મોકલી આપતો હતો. 

તપાસમાં ચોંકાવનારી વિગતો સામે આવી હતી કે કાલુપુરમાં રહેતા અબ્દુલ વહાબ શેર મહંમદ પઠાણના પૂર્વજો સંયુક્ત ભારત વખતે હાલના પાકિસ્તાનના ખૈબરપશ્તુનથી ૯૦ વર્ષ પહેલા અમદાવાદ આવી ગયા હતા. ઘણા સ્વજનો હજુ પણ પાકિસ્તાનમાં રહેતા હોવાથી અબ્દુલ વહાબ તેમને મળવા માટે ચાર વખત પાકિસ્તાન ગયો હતો. 

  

  

LEAVE A REPLY

18 − 16 =